Nehemías 7:3 - Qullan Arunaca

³ Ucatsti sistwa: —Janiw Jerusalén marcan puncunacapajj jist'arascaniti intin suma jalsuñapcamajja, ucatsti puncunacapajj jist'antasjjaniwa, uqhamarac trancanacapampis uchatäjjani uñjir chachanacajj uñjawipanjjani ucqhacama —sasa. Uqhamaraquiw ajlliracta uñch'uquirinaca uca pachpa Jerusalenan jaquirinacata, uqhamata uñch'uquipjjañapataqui, mayninacasti uñjäwinacapana, yakhanacasti utanacapa nayräjjanaraqui.

Aymar Bibliia 1986

³ Ucatsti sistwa: —Janiw Jerusalén marcan puncunacapajj jist'arascaniti intin suma jalsuñapcamajja, ucatsti puncunacapajj jist'antasjjaniwa, uqhamarac trancanacapampis uchatäjjani uñjir chachanacajj uñjawipanjjani ucqhacama —sasa. Uqhamaraquiw ajlliracta uñch'uquirinaca uca pachpa Jerusalenan jaquirinacata, uqhamata uñch'uquipjjañapataqui, mayninacasti uñjäwinacapana, yakhanacasti utanacapa nayräjjanaraqui.

Qullan Arunaka DC

³ Panpacharuw sarakta: “Intix sum jalsunxani ukkhaw Jerusalén markan punkunakapax jist'arasini, jayp'thapxani ukkharakiw jist'antasxani, janïra uñjirinakax sarxapkan ukkha” sasa. Ukhamarakiw Jerusalenan jakirinak taypit uñch'ukirinak ajllirakta, ukhamata mayninakax uchatäki ukkhana, mayninakasti utanakap nayräxan uñch'ukipxañapataki.

Nehemías 7:3 Jak'a apnaqawi uñst'ayäwi

Nehemías 13:19

Ucatsti saractwa inti jalantat samarañ urojj kalltjjani, uqhamarac Jerusalenan puncunacapas jist'antatäjjaraquini, ucatsti janiraquiw jist'aratäcaniti samarañ uru phokhasiñapcama. Ucjjarusti puncunacarojja ucharactwa yakhep uywatanacajja, samarañ uruna jan cuna aljañanacas mantaniñapataqui.

Nehemías 3:23

Jupanacjjarusti asquichapjjaraquïnwa Benjamín sat chacha, uqhamarac Hasub sat chachampi, utap uñcatascama. Ucat jupanacjjarusti Azarías sat chacha, jupasti Maasías sat chachan yokapa, Ananías sat chachan allchhiparaqui; asquicharaquïnwa utapäquis ucqha.

Nehemías 7:2

Jerusalén nayräjjarusti uchtwa Hanani sat jilajjaru, ucatsti jarc'akasiñataqui uta luratäqui ucan jilïripatjja Hananías sat chacharuw uchta, jupasti cheka jakënwa, Diosar ajjsaririraqui yakha jakenacat sipansa.

Nehemías 7:4

Marcasti wali jach'anwa, ucampisa juc'a jakeniquiraquïnwa, utanacajj janïraw wastat asquichatäcänti uca laycu.

Salmos 127:1

Tatitutejj jan utachcaspajja, inamayaquiw utachirinacajj ch'am tucusipcaspa; Tatitutejj marcar jan imcaspajja, inamayaquiw marc uñjirinacajj uñch'uquisipcaspa.

Salmos 147:13

Jupaw puncunacaman jist'añanacap thuruñchi, wawanacamarusti marca taypin jach'añcharaqui.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.