Nehemías 7:2 - Qullan Arunaca

² Jerusalén nayräjjarusti uchtwa Hanani sat jilajjaru, ucatsti jarc'akasiñataqui uta luratäqui ucan jilïripatjja Hananías sat chacharuw uchta, jupasti cheka jakënwa, Diosar ajjsaririraqui yakha jakenacat sipansa.

Aymar Bibliia 1986

² Jerusalén nayräjjarusti uchtwa Hanani sat jilajjaru, ucatsti jarc'akasiñataqui uta luratäqui ucan jilïripatjja Hananías sat chacharuw uchta, jupasti cheka jakënwa, Diosar ajjsaririraqui yakha jakenacat sipansa.

Qullan Arunaka DC

² Jerusalén marka apnaqañapatakisti Hananí jilaxaruw uchta, Hananías chacharusti reyin jach'a utapan jilïripat ucharakta, jupax aski jaqïnwa, ukhamarus yaqha jaqinakat sipan Tatitur axsartirïnwa.

Nehemías 7:2 Jak'a apnaqawi uñst'ayäwi

Génesis 42:18

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

2 Samuel 23:3

Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,

1 Reyes 18:12

Jichhajja acawa lurasini, nayajj jumat sarakawayjjäma ucqhajja, Tatitun ajayupawa jumar aptawayjjätam nayan jan uñjañ chekaru. Ucatsti nayajj cunapachatï Acab reyiru yatiyä ucqhajja, jupajj janiw jumarojj jicjjatcjjätamti, ucatsti nayarojj jiwayitaniwa. Aca uywatamasti wayna urunacapatpachwa Tatiturojj jach'achañ yati.

1 Reyes 18:3

Acab reyisti Abdías sat mayordomoparuwa jawsäna, aca mayordomosti Tatiturojj take chuymapampiwa yupaychäna.

Nehemías 1:2

Hanani mayni jilajjasti ucqharaquiwa Judá oraketa purini mä kawkha chachanacampi, nayasti jupanacarojj jisct'wa cunjämäsquisa Jerusalén marcajja, uqhamarac cawquïr judionacatejj jaltapcäna jaya marcar apatäñata ucanacatsa.

Nehemías 10:23

Oseas, Hananías, Hasub,

Nehemías 13:13

Ucatjja uca pirwanaca uñjañapataquisti utt'ayaractwa sacerdote Selemías ucaru, uqhamarac secretario Sadoc ucaru, ucatjja mä levita chacharu Pedaías sat sutini, uqhamaraqui yanapiripataquisti ucharactwa Hanán ucaru, jupasti Zacur ucan yokapänwa, uqhamarac Matanías ucan allchhiparaqui, jupanacajj asqui jakenacäpjjatap laycu. Jupanacaw masinacaparu laquiñaru uchasipjjañapäna.

Nehemías 2:8

yakha carta kellkt'atsti churaraquita reyin ch'umipa uñjiri Asaf sat chachataqui, nayaru madera churañapataqui templona nayräjja perka puncunacapa wastat lurañataqui, uqhamarac marcan perkapataquisa, uqhamaraqui nayajj jacascä uca utataquisa —sasa. Reyisti take mayitajjaruwa churitu, Diosan qhuyapayasiñapajj nayampïtap laycu.

Nehemías 5:15

Ucampis nayat nayra marca apnakerinacäcäna ucanacasti marcataquejj mä llaquïnwa, jupanacajja sapüruwa pusi tunca kollkenaca mayisipjjerïna mank'añataqui, vinotaqui. Ucjjarusti sirvirinacapajj marcarojj t'akhesiyapjjänwa. Ucampis nayajj janiw uqham lurcti Diosar ajjsaratajj laycu.

Nehemías 7:3

Ucatsti sistwa: —Janiw Jerusalén marcan puncunacapajj jist'arascaniti intin suma jalsuñapcamajja, ucatsti puncunacapajj jist'antasjjaniwa, uqhamarac trancanacapampis uchatäjjani uñjir chachanacajj uñjawipanjjani ucqhacama —sasa. Uqhamaraquiw ajlliracta uñch'uquirinaca uca pachpa Jerusalenan jaquirinacata, uqhamata uñch'uquipjjañapataqui, mayninacasti uñjäwinacapana, yakhanacasti utanacapa nayräjjanaraqui.

Job 1:1

Uz sat chekan mä chachaw utjäna Job sutini. Jupasti asqui, cheka jakënwa, Diosarus ajjsartiriraqui; ñankha lurañatsa jithektataraqui.

Salmos 101:6

Asqui jakenacaruw nayajj uñtä, nayamp chic jacapjjañapataqui; chekap sarnaker jakequiw loktitani.

Éxodo 18:21

Ucampis jumajj jakenac taypitjja ajllim suma amuyt'an chachanaca, jupanacasti Diosaru ajjsartirinacäñapawa, uqhamarac khana luririnaca, janiwa jupataquiqui cunsa thakherïñapäquiti. Ucampis mayninacarojj jilïrita ucham waranka jakenacjjaru, mayninacarusti patac jakenacjjaru, uqhamarac yakhepanacarojj pheska tunca jakenacjjaruraqui mayninacarusti tunca jakenacjjaruraqui.

Daniel (hebreo) 6:4

Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Números 12:7

Ucampisa Moisés sirvirejjarojj janiw uqham lurcäti, jupasti asqui jakewa take sirvirinacajjat sipansa.

Mateo 24:45

“¿Qhitis suma uywatajja amuyuniraquejja, ucat utanipajj jupar jaytawayaspan take utancquis ucanacar horasapar mank'anacs churañapataqui?

Mateo 25:21

Patronasti juparojj siwa: ‘Waliquiwa, jumajj wali suma sirvirïtawa. Juc'äquis ucaru wali sum phokhatamatjja nayajj jichhajj waljäquis ucaruraquiw uchäma. Jichhasti mantanim ucatsti nayampirac cusisim’ sasa.

1 Corintios 4:2

Uqhamarusa, qhititejj mä luraña catokqui ucajj asquïñapawa take cunana uqhamat sumaru uchatäñapataqui.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.