Nehemías 7:1 - Qullan Arunaca

¹ Perka wastat asquichjjasinjja, uqhamarac puncunacapa uchjjasinjja utt'ayapjjänwa puncu uñjirinaca, k'ochurinaca, uqhamarac levitanaca.

Aymar Bibliia 1986

¹ Perka wastat asquichjjasinjja, uqhamarac puncunacapa uchjjasinjja utt'ayapjjänwa puncu uñjirinaca, k'ochurinaca, uqhamarac levitanaca.

Qullan Arunaka DC

¹ Pirqa wasitat lurañ tukuyxasinxa, punkunakap uchantxapxta, ukatsti punku uñjirinaka, q'uchurinaka, sacerdotenakar yanapirinak ajllipxarakta.

Nehemías 7:1 Jak'a apnaqawi uñst'ayäwi

2 Reyes 7:10

Ucatsti sarasinjja, marcan uñjirinacaparuwa jawsapjjäna, ucatsti sapjjänwa: “Sirionacan campamentoparuwa sarapjjta, ucatsti janipuniw qhitirus jicjjatapcti, ni qhitirus parlasiri ist'apcaracti. Ucansti caballonaca, asnonaca chint'ataquiwa ucancasipcatayna, uqhamarac carpanacajja cunjämtejj ucht'asipcäna uqhampacharaquiw ucancascatayna” sasa.

2 Crónicas 31:2

Ucatjja Ezequiasajj jaljänwa lurapjjañapataqui sacerdotenacaru, levitanacarusa, uqhamata sapa maynisa luräwiparjama nact'ata loktäwinaca loktapjjañapataqui, uqhamarac sumancäwi sacrificionacsa, yuspagarapjjañapataqui, uqhamarac Tatiturus yupaychapjjañapataqui, templo puncunacana sirvipjjañapataqui.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Nehemías 10:39

Uqhamaraquiw israelitanacajja, levitanacasa, apapjjañapa churañataqui trigo, vino, ucatsti aceitempi, cawqhancquitejj pirwanacajj, loktañ k'oma yänacasa, uqhamaraqui sacerdotenacas sirvipqui, puncu uñjirinacasa, uqhamarac k'ochurinacasa. Ucatsti amtapjjtwa jan Diosan templop apanucuñataqui.

Nehemías 11:3

Acanacaraquïnwa provinciana jaquiri jilïrinacajj Jerusalén marcana jacañataqui utt'asipjjäna; ucjjar israelitanacasti, sacerdotenacasa, levitanacasa, templon sirvirinacasa, uqhamarac Salomonan sirvirinacapata saraker wawanacapasa Judá oraken jacañataquiw utt'asipjjaraquïna, sapa maynisa marcapana, orakepanaraqui.

Nehemías 12:24

Levitanacan jilïrinacapasti acanacänwa: Hasabías, Serebías, Josué Binuy, uqhamarac Cadmiel, ucatsti masinacapajja jupanacan nayrakatapancascänwa Tatituru yupaychañataqui, uqhamarac yuspagarañataquiraqui, jupanacan lurañanacapajj wact'cäna uca horasapana, cunjämatï Diosanquir David chachajj ewjjawaycäna lurapjjañapataqui uqhama.

Nehemías 6:1

Cunapachatï yatipjjäna Sanbalat, Tobías, Gesem sat árabe chachampi, uqhamarac mayni uñisirinacajjampi nayan wasitat perka asquichaña tucuyatajjatjja jan qhitins mantcaya (puncunacapas lugaraparu uscuñas utjcchïna ucqhasa),

Nehemías 6:15

Perkasti tucuyatäjjänwa pä tunca pheskan uru sarakataru, Elul sat phajjsina, uca luräwinsti pheska tunca payan urunacanwa tucuyatäna.

Nehemías 6:19

Ucatwa nayan nayrakatajjana suma jupat parlapjjäna, ucatsti yatiyapjjaraquïnwa cuntï siscäyäta ucanaca. Tobiasasti cartjja apayaniraquitänwa nayar sustjañataqui.