Nehemías 6:3 - Qullan Arunaca

³ Ucatsti nayajj yatiyirinacwa qhitta aqham arunacampi: “Nayajj jan inact'asawa mä jach'a lurañana lurascta, ucatsti janiw sarirjamäcti, uqhamarusa lurañajja sayantjjaspawa nayatejj jumanacaru uñjiri sarirista ucqhajja” sasa.

Aymar Bibliia 1986

³ Ucatsti nayajj yatiyirinacwa qhitta aqham arunacampi: “Nayajj jan inact'asawa mä jach'a lurañana lurascta, ucatsti janiw sarirjamäcti, uqhamarusa lurañajja sayantjjaspawa nayatejj jumanacaru uñjiri sarirista ucqhajja” sasa.

Qullan Arunaka DC

³ Ukatsti nayax yatiyirinak khitta akham sañapataki: “Nayax janiw sarirjamäkti, jan inakt'asaw mä jach'a irnaqäwin irnaqaskta, ukhamarusa, nayatix jumanakamp jikisir sarirista ukkhaxa, lurañanakax sayantxaspawa” sasa.

Nehemías 6:3 Jak'a apnaqawi uñst'ayäwi

Nehemías 4:13

Ucatsti nayajj jakenacarojj maytwa familia, familia, tantachasipjjañapataqui perka khepäjjana, uqhamarac jan perkas alaycamäquiti uca chekawjanacaru, uqhamaraqui p'iyawjäquis ucqhanacarusa espadanacani, lanzanacani, uqhamarac flecht'aña arconacani.

Nehemías 6:2

mä yatiyäwi apayanipjjetäna Sanbalat, uqhamarac Gesem sat chachampi nayampi jiquisiñataqui Ono sat vallena mä cawqha jisc'a marcansa. Ucampisa jupanacajja amtasipcänwa nayaru ñankha lurañataqui.

Nehemías 6:4

Pusi cutiw uca quipca arunacampi qhitanipjjetu, nayasti jupanacarojj uca pachpaquiracwa saracta.

Proverbios 14:15

Jan amuyt'asiri jakejj take cuntejj sapqui ucarojja iyawsaquiwa, ucampis ch'iqhi jakejja amuyt'asiwa cawquinjamas sarasqui uca.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Lucas 14:30

Sapjjaraquiniwa: ‘Aca jakejj kalltasinjja, janiw tucuycjjeti’ sasa.

Juan 9:4

Urüquïpanjja lurañajjawa qhititejj qhitanquitu ucan lurañanacapa. Arumajj jutasquiwa, ucansti janiw qhitis irnakcaspati.