Nehemías 5:2 - Qullan Arunaca

² Yakhepanacasti sapjjaraquïnwa: “Nanacajj walja wawanacanïpjjtwa, ucatsti trigo munapjjta jan mank'at jiwapjjañajjataqui” sasa.

Aymar Bibliia 1986

² Yakhepanacasti sapjjaraquïnwa: “Nanacajj walja wawanacanïpjjtwa, ucatsti trigo munapjjta jan mank'at jiwapjjañajjataqui” sasa.

Qullan Arunaka DC

² yaqhipanakax sapxänwa: “Nanakax walja wawanakanïpxtwa, manq'atjam jan jiwaskañatakix trigo munapxta” sasa.

Nehemías 5:2 Jak'a apnaqawi uñst'ayäwi

Génesis 41:57

Take marcanacatwa Egiptorcama jutapjjäna, Joseat trigo alt'asiñataqui, janiraquiw cawqhansa cuna mank'añas utjcänti.

Génesis 42:2

Egipton trigojj utjasqui sapjjetuwa. Ucar sarapjjam, trigo alt'anipjjam jan mank'atjama jiwarañasataqui” sasa.

Génesis 43:8

Judá yokapasti Israel awquiparojj sänwa: —Jichhasti sullcarojj nayampi chica sarayita, ucatjja anchhitpachaw sarapjjä, uqhamatwa jan jiwcañäniti, jumasa, nanacasa, wawanacajjasa.

Génesis 47:19

Jumay jichhajj orakenacajjsa, nanacsa alasjjapjjeta, mä kawkha trigompi. Faraonan esclavopäpjjäwa, jupataquiraquiw orakenacajjsa yapuchapjjäjja, jumajj jathaqui churapjjetajja, nanacan jacañanacajjataqui, uqhamarac orakenacajjas jan inamayaquïñapataqui. ¿Cunatarac jumasti nanacaru orakenacajjampi chica jiwarasquir dejapjjetätasti? —sasa.

2 Reyes 4:1

Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Nehemías 5:3

Mayninacasti sapjjaraquïnwa: “Nanacajja mank'aña pist'atapatsti orakenacajj-jjaru, uva yapunacajj-jjaru, uqhamaraqui utanacajj-jjaruwa mansusipjjta” sasa.

Hageo 1:6

Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Deuteronomio 23:19

“Janiw jila masimatjja interesampi cobrasïtati cuntejj mayt'apcta ucatjja, cuna kollkëpansa, mank'añäpansa, cawquïritejj interesampi mayisiñäqui ucanacanjja.