Nehemías 4:8 - Qullan Arunaca

⁸ Ucatsti takeniwa mayaqui amtapjjäna Jerusalenaru ñankha luraña, uqhamaraqui t'unjañataqui.

Aymar Bibliia 1986

⁸ Ucatsti takeniwa mayaqui amtapjjäna Jerusalenaru ñankha luraña, uqhamaraqui t'unjañataqui.

Qullan Arunaka DC

⁸ 8 (2) Ukatsti taqiniw mayak amtapxäna Jerusalenar ñanqha luras t'unjaña.

Nehemías 4:8 Jak'a apnaqawi uñst'ayäwi

2 Samuel 10:12

Ch'am catjjatam, jan ajjsaramti, marcasar arjjatañ laycusti jan ajjsarasaraquiw nuwasiñäni, Diosasan marcanacapätap laycu. Ucjjarusti Tatituraqui cunatejj jupataquejj sumäqui uc lurpan” sasa.

2 Crónicas 32:7

“¡Ch'amachasipjjam, uqhamarac jan ajjsarapjjamti! Asirianquiri reyin nayrakatapanjja jan ajjsarapjjamti, ni mayjt'asipjjamsa, uqhamarac walja ejercitojj jupamp chica jutapcani ucanacatsa, jiwasanacansti jupanacat sipansa juc'ampi utjatap laycu.

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Nehemías 4:7

Ucampis Sanbalat, Tobías, árabe jakenacasa, uqhamaraqui Amonanquirinacasa, Asdod ucanquirinacasa cunapachatï yatipjjäna Jerusalén marcana perkanacapa sayt'ayañajja nayrakataru sarantascaquitapatjja, uqhamarac p'iysutanac perkantasitapatjja walipuniw colerasipjjäna.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Daniel (hebreo) 9:25

Jichhajj acwa yatiñama, amuyt'añamaraqui: Cunapachattejj Jerusalén marcajj wasitata uñstayañataqui sayt'ayañataqui arsutäni, Tatitur loktatäqui uca jach'a jilïrin puriniñapcama, pakallko semananacaw pasascañapa, Jerusalén marcan wasitata sayt'ayatäñataqui callenacapasa, perkanacapasa, sojjta tunca payani semananacanwa lurasini, ucampisa uca urunacajj wali t'akhesiña urunacäniwa.

Deuteronomio 1:29

“Ucatsti nayajj jumanacarojj sapjjsmawa: ‘Jan ajjsarapjjamti, janirac sustjasipjjamsa.