Nehemías 2:4 - Qullan Arunaca

⁴ Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Aymar Bibliia 1986

⁴ Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Qullan Arunaka DC

⁴ Reyisti jiskt'ituwa: —¿Kunsa jumatak luriristxa? —sasa. Alaxpachankir Tatitun yanapap mayisisaw

Nehemías 2:4 Jak'a apnaqawi uñst'ayäwi

2 Samuel 15:31

Cunapachatejj Davidaru yatiyapjjäna Ahitofel jakesa Absalonampi chica David contra sayt'asitapjja, ucapachajj Davidajj Tatituruw achict'asïna Ahitofel jaken amtatanacapajj aynacht'añapataqui.

1 Reyes 3:5

Mä arumasti Gabaón chekanjja, Tatituw samcana Salomonaru uñstäna, aqham sasa: “Mayita cuntï jumajj muncta uca, nayasti churämawa” —sasa.

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Nehemías 1:4

Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Nehemías 1:5

Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Nehemías 2:20

Nayasti jupanacarojj sistwa: —Alajjpachanquir Diosawa nanacar atipt'ayapjjetani. Nanaca Diosan sirvirinacapasti perka sayt'ayañjja kalltapjjäwa, ucampisa jumanacajj janiw Jerusalenampejja cuna arsuñanïpctasa, ni cuna lurañanïpctasa, ni cuna amtañanïpcaractasa —sasa.

Nehemías 2:5

ucata reyirojj saractwa: —Juma reyitaqui asquïchi, uqhamarac qhuyapayasiñamsa nayatac jicjjatsta ucajja, mayssmawa juma reyirojja Judá marcaru nayar qhitañamataqui, cawqhantejj awquinacajjan janchipajja imt'atäqui ucqharu wasitata sayt'ayaniñajjataqui —sasa.

Ester (hebreo) 5:3

Ucatjja reyejj jisct'änwa: —¿Cunas camachtam reina Ester? ¿Cunsa munta? ¡Apnakcta uca oraktï chicatpacha mayitäta ucsa nayajj churascaquïmawa! —sasa.

Ester (hebreo) 5:6

Uca fiesta mank'äwinjja reyejj Esterarojj sänwa: —Mayita cuntejj muncta uca, nayasti churämawa, chicatpacha apnakcta uca orake mayitäta ucasa —sasa.

Ester (hebreo) 7:2

Uca payïri urunsti reyejj mank'añ fiestanccasinsti Ester reynarojj saraquïnwa: —¡Mayita, cuntejj muncta uca, nayasti churämawa apnakcta uca oraksa chicatpacha! —sasa.

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Marcos 10:51

Jesusasti juparojj jisct'änwa: —¿Cuna lurañajjsa munta? —sasa. Juyqhusti sänwa: —Yatichiri, nayrat waliptjjañ munta —sasa.

Hechos 23:19

Comandantesti amparat catusinwa wayniturojj yakhawjar irptawayasina jisct'i: —¿Cun sañs munista? —sasa.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.