Nehemías 2:3 - Qullan Arunaca

³ reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Aymar Bibliia 1986

³ reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Qullan Arunaka DC

³ ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Nehemías 2:3 Jak'a apnaqawi uñst'ayäwi

1 Reyes 1:31

Ucatsti Betsabé warmejja reyin nayrakatapanjja parapa orakeru puriñcamawa alt'asïna, ucatsti art'asiraquïnwa: —¡David reyejjajja wiñayataqui jach'achatäpan! —sasa.

2 Reyes 25:8

Cunapachatï Babilonianquiri Nabucodonosor reyejj tunca llätuncani mara apnakascäna, pheskëri phajjsita pakallk uru sarakataru, ucqhawa reyin Nabuzaradán capitanapajja Jerusalenaru purinïna, jupasti reyin palaciopana capitanapänwa.

2 Crónicas 21:20

Cunapachatï quimsa tunca payan maranïna ucqhawa apnakañ kalltäna, ucatsti Jerusalén marcanjja quimsakallk maraw apnakäna. Jupasti jiwjjänwa, janiraquiw jupat qhiti jachiris utjcänti. Juparusti imt'jjapjjänwa Davidan Marcapana, ucampis janiw reyinacan imäwipar imapcänti.

2 Crónicas 28:27

Cunapachatï jupajj jiwjjäna ucqhajja, nayra awquinacapampi chicaw imt'jjapjjäna Jerusalén marcana, ucampis janiw apapcänti Israelanquir reyinacan imäwiparu. Ucatsti jupa lantejja Ezequías yokapawa apnakjjäna.

2 Crónicas 32:33

Cunapachatï Ezequiasajj jiwjjäna ucqhajja, imt'jjapjjänwa Davidana familiapana imäwip patäjjaru. Jupan jiwjjataparusti jach'a cancañampiw aruntapjjäna Judá orakenquir take jakenaca, uqhamarac Jerusalenanquir jakenacasa; ucatsti jupa lantejja Manasés yokapaw apnakjjäna.

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Nehemías 1:3

Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Nehemías 2:13

Uca arumpachawa nayajj mistuwayta Valle tokeru mistuñäquisa uca puncunjama, ucatsti Dragón sat Uma Jalsu tokeru sarasa, uqhamarac T'unanaca Waraña sat puncucama. Ucatsti nayajj uñarpaytwa Jerusalenan tucjat perkanacapa, uqhamarac ninampi naqhantayata puncunacapsa.

Ester (hebreo) 8:6

Nayasti, ¿cunjämaraquï cunancaquiraquï uca jan wali llaquejj marcajj-jjaru niya puriñampïsqui ucqhasti, uqhamaraquiw nayan take familiajjasa tucjatäñataqui amtatächi ucqhajja? —sasa.

Salmos 102:14

Uywatanacamajj marcapan kalanacaparuw munasipjje, t'unjat perkanacapat jachapjje.

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 137:6

Jerusalén marca, janitejj jumat amtascä, janitejj juc'amp jumat cusiscä ucapachajja, lajjrajjajj lacajjar pharcatasin lip'catpan.

Salmos 38:7

Jiqhanejjajj ninjamaw naqhitu, janchejjajj janiw acch'as c'umaräquiti;

Jeremías 52:12

Nabucodonosorajj Babilonia marca tunca llätuncani mara apnakcän ucqha, pheskëri phajjsina tunca uru sarakataru ucapachaw Nebuzaradán sat reyin ministropa uqhamaraqui reyin guardiapan comandantepajj Jerusalén marcaru purinïna.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Daniel (hebreo) 2:4

Uca yatiñani jakenacasti reyirojj sapjjaraquïnwa: —¡Juma, jach'a reyejj, wiñayataquiw jactajja! Jichhasti, jach'a rey, nanaca sirvirimaru uca samcamjja sapjjetaya, ucat nanacajj yatiyapjjäma cun sañtejj uca samcajj munqui ucjja —sasa.

Daniel (hebreo) 3:9

ucat sapjjäna: —Jach'a reyejj wiñayataqui jacpan, sutipasti wiñayataqui amtataraquïpan.

Daniel (hebreo) 5:10

Ucampisa reyin taycapajja, uqhama wawapan arnakasitapat ist'asajja uqhamaraqui uca jach'a jilïri jakenacana arnakasitapa ist'asasa, uca mank'äwi jach'a utaruw jalantawayäna, ucat saraquïna: —Jach'a reyejj wiñayataqui jacpan. Janiraqui reyejj llaquispati, ni k'ellus tucuracpati,

Daniel (hebreo) 6:21

Daniel chachasti ucjjarojj saraquïnwa: —¡Juma, jach'a reyejj, wiñayataqui jacam!

Daniel (hebreo) 6:6

Uqhamaw uca uñjirinacajja, marca apnakerinacasa jupanaccama arust'asisinjja Darío reyin ucaruw sarapjjäna, jupampi parlañataqui ucatsti rey Dariorojj sapjjänwa: —Juma, jach'a reyejj, wiñayataquiw jacta —sasa.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.