Nehemías 13:2 - Qullan Arunaca

² jan jupanacan israelitanacaru catokeri mistunipjjatapata mank'añampi, umañampiraqui, jan ucasti jupanacajj Balaam chacharuwa pagapjjäna israelitanaca toke maldición arunaca arsuñapataqui, ucampis Diosasajj uca maldicionjja bendicionaruw tucuyäna.

Aymar Bibliia 1986

² jan jupanacan israelitanacaru catokeri mistunipjjatapata mank'añampi, umañampiraqui, jan ucasti jupanacajj Balaam chacharuwa pagapjjäna israelitanaca toke maldición arunaca arsuñapataqui, ucampis Diosasajj uca maldicionjja bendicionaruw tucuyäna.

Qullan Arunaka DC

² Uka jaqinakasti mä kutix, janiw manq'añsa, umañsa israelitanakar churapkataynati, jan ukasti jupanakax Balaam chacharuw israelitanakar ñanqhachañ arunak arsuñapatak qullq churapxatayna. Ukampis Tatitusax uka ñanqhachañ arunak aski arunakaruw tukuyäna.

Nehemías 13:2 Jak'a apnaqawi uñst'ayäwi

Salmos 109:28

Jupanacajj ñankhachapjjetpasa, jumajj asquimay churita. Timanacajjajj aynacht'apjjpan, uywatamasti ucchañcamajj cusispan.

Miqueas 6:5

Marcajja, jichhajj amtasimay Moab oraken Balac reyipan amtatanacapa, uqhamarac cuntejj Beoran Balaam yokapajj siscän ucanacatsa. Amtasiraquim cunapachatejj Sitim chekat Gilgal chekaru pascayätas uca, Tatitun atipjäwinacapsti jumajj amtasiraquim.”

Números 23:18

Ucatsti Balaamajj aca arunacwa arsüna: “Balac, Zipor chachan yokapa, suma ist'ita.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Deuteronomio 23:3

“Amonitanaca, moabitanacasa janiw Diosan tantachasïwipanjja catokatäcaspati wawanacapan wawanacapcama, tunquïri wawanacäcchini ucasa.

Deuteronomio 23:4

Cunapachatejj jumanacajj jupanacan orakepanjama pasanipcäyäta ucapachajj Egipto marcat mistunisinjja, janiw cuna mank'añsa, umañsa wajjt'apcäyätamti; ucat sipansa jupanacajj Balaam sat Beor chachan yokaparuw pagapjjäna, cawquïritejj jutascäna Petor sat Mesopotamia oraketa, jumanacar ñankha arunacampi ñankhachañataqui.

Deuteronomio 23:5

Ucampis jumanacan Tatitu Diosamajj janiw Balaam chacharojj ist'cänti, jan ucasti uca ñankhachawjja jumanacataquejj mä bendicionaruw tucuyänjja, jumanacaru munatap laycu.

2 Pedro 2:15

Cheka thaquit sarakapjjatap laycuw chhaktat sarnakapjje. Beoran yokapa, Balaam profetan luratanacaparuw arcapjje, qhititejj jan walinac lurasa, kollke jicjjatañac muncänjja ucaru.