Nehemías 1:9 - Qullan Arunaca

⁹ ucampisa nanacatejj jumaru cutt'anjjapjjerisma, camachi arunacamaru phokhasina uqhamaru sarnakasaraqui, cawqui aca orake thiyacama jakonucutäcasasa, ucqhatpachwa wasitat apthapipjjetasmajja, kollana chhijllat lugaramaru cawqhantejj sutimajj jaccani ucqharu.

Aymar Bibliia 1986

⁹ ucampisa nanacatejj jumaru cutt'anjjapjjerisma, camachi arunacamaru phokhasina uqhamaru sarnakasaraqui, cawqui aca orake thiyacama jakonucutäcasasa, ucqhatpachwa wasitat apthapipjjetasmajja, kollana chhijllat lugaramaru cawqhantejj sutimajj jaccani ucqharu.

Qullan Arunaka DC

⁹ ukampis nanakatix jumar makhatxapxirisma, ukatsti kamachi arunakamar phuqhasa sarnaqapxarakirist ukaxa, kawki aka uraqi thiyakam jaqunukut uñjaskasasa, ukkhatpach wasitat apthapipxitasma, juman chhijllat qullan chiqaruw wasitat irpapxarakitasma, kawkhantix sutimax jakkani ukkharu.

Nehemías 1:9 Jak'a apnaqawi uñst'ayäwi

1 Reyes 8:48

ucat take chuymapampi jumaru cutt'anjjapjjätam take jacañapampi, cawqharutejj t'akhesiñapataqui apanuccta, ucattï oracionana mayisipjjätam nayra awquinacaparu aca orake churcäyäta uca toke uñtata, jumataqui lurcta uca templo uñtataraqui ucqhajja,

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

1 Crónicas 16:35

Sapjjam: ‘¡Khespiyapjjeta nanacan Khespiyiri Dios Tata! ¡Marcanac taypitsa, khespiyasa apthapisjjapjjeta, kollan sutima yupaychañanacajjataqui, uqham cusisita jumar yupaychapjjañajjataqui!’

Esdras 6:12

¡Ucatjja cawquïr Diosatejj Jerusalenaru ajlliscäna sutipa ucancañapataqui ucawa tucjani qhiti reyitejj, jan ucajj cawquïr marcatï jan walt'ayaña amtcani, jan ucajj tucjañsa muncaraquini Jerusalenanquir Diosan temploparu ucjja! Naya Darío reyiwa aca arunaca arsta lurasiñapataqui. Phokhaspan arsutajjarjama kellkatajjarjamaraqui” sasa.

Salmos 106:47

Tatit Diosajjay, khespiyapjjaquitaya, Diosar jan uñt'ir jakenac taypit irpthapjjapjjeta: kollan sutim jach'añchañataqui, cusisiñamp jumar yupaychañataqui.

Salmos 107:3

marcanac taypit tantachthapitanaca, amsta toketa, aynach toketa, inti jalsu toketa, inti jalanta toketa.

Salmos 147:2

Tatituw Jerusalenarojj wasitat sayt'ayi, Israel marcat ananucutanacarusti tantachthapiraqui.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 27:12

Uca urunjja Tatitojj Eufrates sat Egiptcamaraquiwa lurañanacapjja lurani, trigo jawk'sur jakjama, ucampisa jumanacajj israelitanaca, mayat mayat apthapitäjjapjjätawa.

Isaías 56:8

“Nayaw cuttayanjjä tantachthapjjaraquï, qhitinacatejj jayan apanucutäpcän ucanacarojja.” Ucwa Tatitojj arsu, qhititejj willitatatäpcän uca israelitanacaru mayjaru tantachthapqui ucajja.

Jeremías 12:15

Uqhama jiq'inucutatsti, jupanacatjja qhuyapayasiraquïwa, pachpa orakeparu, pachpa marcaparuw cuttayanjjaraquï.

Jeremías 3:14

Tatitojj siwa: “Nayataqui sayt'asir wawanaca, cuttanjjapjjam nayan ucaru, nayätwa jumanacan uywirimajja. Sapa marcat mayni apsuraquï, sapa jach'a familianacatsti panin apsuraquï, ucatsti Sionaruw cuttayanjjapjjaraquïma.

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Ezequiel 14:6

Ucat jichhajj israelitanacaru saraquim: ‘Aqham siw Tatitojja: Nayan ucaru cuttanjjapjjpan; yakha diosanacapsti apanucjjapjjaracpan, uca ajjtascañ luräwinacapsa apanucupjjaracpan.’

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Levítico 26:3

“Jumanacatejj nayan leyinacajjarjama sarnakapjjäta, uqhamarac camachi arunacajjsa phokhapjjaraquïta, ucarjamaraqui sarnakapjjäta ucapachasti,

Zacarías 8:7

Nayaw marcajjarojj khespiyäjja inti jalsu tokenquir ch'amani marcata, jalanta tokenquir marcampita,

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Deuteronomio 12:21

Cawquïri chektejj Tatitu Diosamajj ajllisini jupan jacäwipataqui, ucatejj jumanacan jacäwinacamat jayancascani ucqhajj puedipjjtaw vacama, ovejama qharsusin mank'aña, cawqhantejj jacapcta uca chekana, cunjämtejj nayajj sapcsma uqhama.

Deuteronomio 12:5

Diosasti jumanacan tribum taypita mä lugar ajllisi, jumanacasti uca chekaru yupaychir sarapjjañamataqui.

Deuteronomio 30:1

“Cunapachatï jumanacjjaru jutani take cawquïrinactï yatichapcsma, bendicionampita, maldicionampita jumanacan ajllisiñanacamataqui, amuyt'asiraquïta take ucanacatsa, cawqha marcanacarutejj Tatitu Diosamajj jakonuccätam ucana,