Nehemías 1:6 - Qullan Arunaca

⁶ Jichhasti nayajj mayissmawa ist'añamataqui, arumay uru oración luratajjaru israelita sirvirinacam laycu. Nanaca israelitanacajja uñt'asipjjtwa juchanac juma toke luratanacajjatjja. ¡Take familiajjasa, nayasa juchwa lurapjjta!

Aymar Bibliia 1986

⁶ Jichhasti nayajj mayissmawa ist'añamataqui, arumay uru oración luratajjaru israelita sirvirinacam laycu. Nanaca israelitanacajja uñt'asipjjtwa juchanac juma toke luratanacajjatjja. ¡Take familiajjasa, nayasa juchwa lurapjjta!

Qullan Arunaka DC

⁶ jichhasti israelita luqtirinakamatak arumay uru mayisitaxar ist'itaya. Nanak israelitanakax juma tuq juchachasitanakax uñt'asipxtwa; ¡wila masinakaxasa, nayasa juch lurapxta!

Nehemías 1:6 Jak'a apnaqawi uñst'ayäwi

1 Reyes 8:30

Ist'itaya mayisitanacajjaru, uqhamarac Israel marcamarusa cunapachatejj aca chekana oración lurapcan ucqhasa. Jumajj ist'amaya alajjpachatpacha cawqhantejj jactajja ucqhatpacha ucatsti perdonanipjjeta.

1 Reyes 8:47

ucatsti cawqha jaya marcarutejj apanucutäqui ucqhatpacha jumar cutcatjjapjjätam, ucatsti achict'asipjjaraquïtam jan wali jucha luratanacap uñt'asisa,

2 Crónicas 28:10

Uqhamarusa amtapjjtawa Judá, Jerusalén ucanquirinacarojj esclavonaca tucuyaña chachatsa warmitsa. Ucampis, ¿janiti jumanac pachpasa Tatit Diosam nayrakatan jucha lurapctasti?

2 Crónicas 29:6

Jiwasan nayra awquinacasajj janiw phokhapcänti uca laycu, uqhamarac luratanacapasa janiw chekapäcänti Tatit Diosasan nayrakatapana, ucatjja apanucupjjänwa. Jupanacasti Tatitun utjäwiparojja jisc'achapjjänwa, janiw ut'cjjapjjänti.

2 Crónicas 6:40

“Nayan Diosajja, jumajj ist'amaya, uqhamarac aca chekana oración luratanacarusa ist'araquim.

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Esdras 10:11

Uqhamasti awquinacaman Tatit Diosapan nayrakatapanjja, juchanïpjjatamjja uñt'asipjjam, ucatsti Tatitun munañap phokhapjjam. Ucatsti saraktapjjam jaya marcanacanquir yakha diosanacar sirvir warminacatjja —sasa.

Nehemías 1:11

Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Salmos 102:17

apanucut jaken mayisitap ist'cani ucapacha, achict'asitanacapar jayscani ucapacha.

Salmos 106:6

Nayra awquinacajjar uñtataw jucha lurapjjta, cunayman ñankhanaca, juchanac lurapjjta.

Salmos 130:2

Tatay, arojjarojj ist'aquimaya; achict'asiñamp mayisitajjarojj jaysaquimaya.

Salmos 32:5

Ucampis jucha luratajjaw utjäna, uc amuyasta, ucat jucha luratanacajj jan imt'csmati; juchanacajj jumar arsusiñataquiw amtta, Tatay, jumasti juchanacajjat pampachista.

Salmos 34:15

Tatitojj asqui jakenacaruw imasqui, arnakasitanacaparusti ist'araquiwa.

Salmos 55:17

Jayp'usa, willjtasa, chicürusa, jacht'asisaw jupar yatiyasï. Diosasti mayisitajjarojj ist'aniwa.

Salmos 88:1

Tatitojjay, Khespiyir Diosajjay, urojj yanapam maysma, arumasti nayrakataman arnakasta;

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Lamentaciones 5:7

Awquinacasaw jucha lurapjjänjja, ucampisa jiwasaw jichhajj uca juchanacatjja t'akhesipjjtanjja.

Daniel (hebreo) 9:15

“Nanacan Diosajja, jumaw jach'a ch'amam uñacht'ayapjjesta, marcamaru Egiptot apsusajja, uqhamat juman jach'a sutimjja uca urunacatpachwa wali jach'aru tucuyaractajja, jichhürcama; ucampisa nanacajj juchanacaqui lurasipctjja, jan walinacaqui lurasipcaractjja.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Daniel (hebreo) 9:4

“Tatitu Diosajjaruw mayisiscäyäta, juparusti aqham sasaw arsuraquïyäta: ‘Tata, jumajj jach'a ch'amani Diosätawa, arsutanacamarojj phokhapuntawa, qhitinacatejj camachi arunacam phokqui ucanacarusa munasiñamjja uñacht'ayaractawa.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Daniel (hebreo) 9:8

Nanacajj, Tata, reyinacaj-jjam, jilïri jakenacaj-jjama uca quipcaraqui nayra awquinacaj-jjama p'enkachjatäpjjtwa, juma nayrakatan sayt'asipjjatajj laycu.

Lucas 18:7

Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Efesios 2:3

Take jiwasanacaw uqham nayrapachajj jacayätan, munañanacasarjama sarnakasa, janchin munañanacaparjama phokhasina, amtäwinacasarjama sarnakasina. Ucatpï Diosan ajjsarcañ mutuyäwip mayninacjama catokañasajj waquisïnjja.

1 Timoteo 5:5

Mayni warmitejj chekpachana ijmächejja, sapaquirac kheparawayjjchi ucajja, Diosaruquiw suyt'i, jan karjtasinwa uruy aruma oracionjj luraraqui.

2 Timoteo 1:3

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

1 Juan 1:9

Jiwasatejj juchanacas arsusiñänejja, jupajj chekawa, asquiraquiwa juchanacas perdonañataqui, uqhamarac take jan walinacata k'omachañataquisa.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.