Nehemías 1:5 - Qullan Arunaca

⁵ Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Aymar Bibliia 1986

⁵ Ucatsti sistwa: “Alajjpachanquir Dios Tata, jumajj jach'a ajjsarcaña Diosätawa, sumar mantäwimsa janiw armctati, qhuyapayasiractawa qhitinacatejj jumar munapctam uqhamaraqui camachi arunacamarusa phokhapqui ucanacataquejja.

Qullan Arunaka DC

⁵ Jupar akham sarakta: “Alaxpachankir Dios Tatay, axsarkañ jach'a Diosay, jumar munapktam ukanakarusa, kamachi arunakam phuqhirinakarus janiw armktati, chiqa chuymanïtawa, arust'äwir mantat arumsa phuqtawa;

Nehemías 1:5 Jak'a apnaqawi uñst'ayäwi

1 Reyes 8:23

“Israelan Tatit Diosapa, janiw alajjpachansa, ni aca orakensa jumjamajj yakha Diosajja utjquiti, jumasti phoktawa suma parlt'äwimjja, uqhamaraquiw qhuyapayasiractajja qhitinacatejj take chuymampi arcapctam ucanacarojja.

1 Crónicas 17:21

Ucampis Israel marcamatjja, ¡janiw yakhajj utjquiti, aca orakenjja aca marcaquiw utjejja! Jumaraquiw, Dios, khespiytajja juman marcamäñapataqui, ucatsti jach'aruraquiw uñt'ayastajja, muspharcaña jach'a luräwinaca lurasina. Marcama nayrakatanjja jumawa apanuctajja yakha marcanacaru, Egiptot cutsuyascta uca marcamarojja,

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Nehemías 4:14

Ucatsti jupanacan ajjsarayasipjjatap uñjasinjja, jupanac taypiru sayt'asisinjja sistwa jilïrinacarusa, marca apnakerinacarusa, uqhamarac take jakenacarusa, aqham sasa: —Jan ajjsarapjjamti. Amtasipjjam, Tatitojj jach'awa, uqhamarac ajjsarcañaraquiwa; jumanacasti nuwasipjjam masinacam laycu, wawanacam laycu, uqhamarac warminacama, utanacama laycuraqui —sasa.

Nehemías 4:8

Ucatsti takeniwa mayaqui amtapjjäna Jerusalenaru ñankha luraña, uqhamaraqui t'unjañataqui.

Nehemías 9:32

“Uqhamasti nanacan jach'a Diosajja, take ch'amani uqhamarac ajjsarcañaraqui, ucatsti sumancäwir mantatamsa, munasiñamsa imtawa, jichhajja uñjamaya aca jan walt'añanacajja jutqui reyinacajjarusa, jilïrinacajjarusa, sacerdotenacajjarusa, profetanacajjarusa, uqhamarac nayra awquinacajjarusa, ucatsti take marcpacharusa, Asiriana reyinacapan urunacapatpacha jichha urucama.

Salmos 47:2

Tatitojj muspharcañ ajjsarcayawa, take acapachan jach'a Reyipawa.

Salmos 76:8

Diosay, alajjpachatpach arsutam yatiytajja: orakejj ajjsariwa, amuct'araquiwa,

Salmos 89:2

Wiñay munasiñamat arsü; arsutam phokherïtamat yatiyä, alajjpachjam jan mayjt'irïtamat parlaraquï.

Salmos 89:3

Jumaw Davidampejj arust'äw luräyätajja, ajllit uywatamarojj arsüyätawa:

Salmos 89:8

Take ch'aman Tatit Diosay, takpach ch'amajj jumanquiwa, cheka cancañasti jumar muyuntiriwa; janiw qhitis jumjamajj utjquiti.

Éxodo 20:6

Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.

Deuteronomio 7:12

“Jumanacatejj uca arsutanacap ist'asina phokhapjjäta, uqhamaraqui uca leyinacarjama sarnakapjjäta ucqhajja, Tatitu Diosajj munasiñampiw phokhani cawquïri suma arust'äwinacarutï jumanacan awquinacamampi mantawayqui ucanacjja.

Deuteronomio 7:21

uqhamasti jumanacajj jan jupanaca nayräjjana qhathatipjjamti, jumanacan jach'a ajjsarcañ Tatitu Diosamaw jumanacampïsqui uca laycu.

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.