Nehemías 1:4 - Qullan Arunaca

⁴ Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Aymar Bibliia 1986

⁴ Aca arunac ist'asinjja kont'asisinwa jachta, ucatsti mä kawkha urunacaraquiw wali llaquita jicjjatasta, uqhamaraqui ayuno oración luraracta alajjpachanquir Diosaru.

Qullan Arunaka DC

⁴ Uka arunak ist'asasti qunt'asisin jachta, mä qawqha urunakaw wali llakt'at jikxatasïyäta, ayuno lurasa, alaxpachankir Tatitut mayisisaraki.

Nehemías 1:4 Jak'a apnaqawi uñst'ayäwi

2 Samuel 12:16

Ucapachaw Davidajj Diosarojj wali achict'asïna, ayunasina orakeru iquisina.

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Crónicas 6:13

Jupasti bronceta lurata alto cheka patjjancänwa, ucasti largorojja pä metro pä tunca pheskani centimetronïnwa, anchorusti mä ucqharaqui, altorusti mä metro quimsa tunca pheskani centimetronïnwa, ucsti chica chica uta ankäjjaruw uchayäna. Ucatsti jupajj quillt'asïnwa take israelita jakenacan nayrakatapana, amparanacapjja alajjpacharu loktasa,

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 10:1

Esdras sacerdotejj quillt'asisinwa oración lurascana, uqhamarac aca arunaca jacht'asisa arsuscäna Diosan templopa nayrakatana ucqhajja, mä jach'a tama israelitanacaw wali jacht'asisaraqui jupar muyuntasa tantachasipjjäna, chachanaca, warminaca, uqhamarac wawanacasa.

Esdras 9:3

Aca yatiyäwinaca ist'asinjja isejjwa ch'iyanokasta, ñic'utajjsa, sunqhajjsa mitharastwa chuymajjana wali usuyasitajj laycu, uqhamarac wali llaquitaw jicjjatasiracta.

Esdras 9:5

Ucatsti nayajj uca sacrificio horasanwa llaquisiñajjata cutjjtta, ucatjja isejjasa ch'iyanokatpachawa Tatit Diosajjaru oración lurañ kalltta,

Nehemías 2:20

Nayasti jupanacarojj sistwa: —Alajjpachanquir Diosawa nanacar atipt'ayapjjetani. Nanaca Diosan sirvirinacapasti perka sayt'ayañjja kalltapjjäwa, ucampisa jumanacajj janiw Jerusalenampejja cuna arsuñanïpctasa, ni cuna lurañanïpctasa, ni cuna amtañanïpcaractasa —sasa.

Nehemías 2:4

Reyisti jisct'ituwa —¿Cuns jumatac luriristjja? —sasa. Ucapachasti alajjpachanquir Diosaruw mayista,

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 136:26

Alajjpachanquir Diosar yuspagarapjjam, qhuyapayasiñapajj wiñayawa.

Salmos 137:1

Babilonia jawir lacanacan kont'ataw Sión marcat amtasisajj jachapjjäyätan.

Daniel (hebreo) 10:2

“Uca urunacansti, naya, Daniel, wali llact'ata quimsa semanaw sarnakäyäta.

Daniel (hebreo) 2:18

jupanacarojj yatiyänwa alajjpachanquiri Diosan yanapapa mayipjjañapataqui, uca jan khanañchañjama samca toketa yanapt'añapataqui, uqhamata jan jupanacajj Babilonianquiri yatiñani jakenacampi chica jiwarayatäpjjañapataqui.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Jonás 1:9

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

Sofonías 3:18

fiesta urunacanjja. Tatitu Diosajj siwa: “Nayaw khespiyäma cuna jan walt'añanacatejj jumjjancqui ucanacatjja, uca jach'a p'enkamsa apakaraquïmawa.

Romanos 12:15

Cusisipjjaraquim qhitinacatejj cusisitäqui ucanacampejja, jachapjjaraquim jachirinacampejja.