Nehemías 1:3 - Qullan Arunaca

³ Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Aymar Bibliia 1986

³ Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Qullan Arunaka DC

³ Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Nehemías 1:3 Jak'a apnaqawi uñst'ayäwi

1 Reyes 9:7

nayasti Israel marcarojj apakäwa orake churcta ucatjja, uca k'omachata templorusa nayan nayrakatajjatjja apanucüwa, uqhamarac Israel marcajja, yakha marcanacataquisa sapa cuti larusiñataquïniwa.

2 Reyes 25:10

Jupamp chica caldeo ejercitojj jutcatayna ucasti, Jerusalenar muytcäna uca perkanacapwa tincurayäna.

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Esdras 2:1

Judá orakena yuripcäna uca israelitanacan listapasti acawa, qhitinacatejj Babilonianquiri Nabucodonosor reyin preso apatäpcäna, ucatsti preso apatäsinjja cutt'anjjapjjäna Jerusalén marcaru, uqhamarac Judá orakena yakha chekanacarusa. Sapa maynisa marcaparcamawa cutt'anjjapjjäna aca chachanacan p'ekechata, Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum, uqhamarac Baana ucanaca:

Nehemías 11:3

Acanacaraquïnwa provinciana jaquiri jilïrinacajj Jerusalén marcana jacañataqui utt'asipjjäna; ucjjar israelitanacasti, sacerdotenacasa, levitanacasa, templon sirvirinacasa, uqhamarac Salomonan sirvirinacapata saraker wawanacapasa Judá oraken jacañataquiw utt'asipjjaraquïna, sapa maynisa marcapana, orakepanaraqui.

Nehemías 2:13

Uca arumpachawa nayajj mistuwayta Valle tokeru mistuñäquisa uca puncunjama, ucatsti Dragón sat Uma Jalsu tokeru sarasa, uqhamarac T'unanaca Waraña sat puncucama. Ucatsti nayajj uñarpaytwa Jerusalenan tucjat perkanacapa, uqhamarac ninampi naqhantayata puncunacapsa.

Nehemías 2:17

Ucatsti nayajj sistwa: —Jumanacajj asquiwa yatipjjtajja jiwasanacana jan walt'añana jicjjatasipjjatasjja, Jerusalenasti sinti tucjatawa, uqhamarac puncunacapasa. Jumanacasti nayampi chicajja mayacht'asipjjam Jerusalenan perkanacapa wastata sayt'ayañataqui, jan jiwasata larusipjjañapataqui —sasa.

Nehemías 2:3

reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Nehemías 7:6

“Acanacawa israelitanacajj Judá oraken nacipcäna ucanacan listapajja, jupanacasti Nabucodonosor reyin apanucutäpjjänwa Babilonia marcaru, ucatsti jupanacajj apanucutäsinjja cutt'anjjapjjänwa Jerusalenaru, uqhamarac Judänquir yakha orakenacaru, sapa maynisa marcaparcamaw cutt'anjjapjjäna Zorobabel sat chachan p'ekecht'ata, uqhamarac Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum, uqhamarac Baana sat take uca chachanacan p'ekecht'ataraqui.

Ester (hebreo) 1:1

Acanacasti lurasïnwa cunapachatï rey Asuerojj mä imperio apnakcäna ucapacha. Uca imperiosti pataca pä tunca pakallkoni provincianacanïnwa, India sat chekat kalltasina Etiopía chekacama.

Salmos 79:4

Nanac jac'an utjir marcanacan larusiñapäpjjtwa; nanacar muyuntirinacan sawcasiñapäpjjaractwa.

Proverbios 25:28

Cunjämatï mä marcajj jan perkanïcasina jan walt'añancquejja, uqhamawa qhititejj jupa pachpa jan suma sarnakañ yatqui ucajja.

Isaías 43:28

apnakerinacamasti nayan templojj-jja taquisipjjaraquiwa, ucatpï Israelarojja, Jacobon marcaparojja t'unjatäñapataqui jisc'achjatäñapataquiraqui apanuctjja.

Isaías 5:5

Waliquiwa, jichhasti sapjjämawa cuntejj uva yapojjampi lurañ amtcta uca: Cunampi muyuntatäcäntejj ucjja aptjjäwa uqhamat tucjapjjañapataqui, perkapsti aptjjaraquïwa uqhamat taquisipjjañapataqui,

Jeremías 24:9

Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 29:18

Jumanacarusti guerrampi, mach'ampi, cunayman usunacampiraquiw arcnakapjjäma. Take aca orakenquiri marcanacampisti ajjtasiyapjjaraquïmawa, jumanacarusti takenin uñjcañwa maldecipjjaraquïma, mä p'enkwa tucjapjjaraquïma, cawquïri marcanacarutï apanucuta uñjasipcäta ucansti jumanacajj ajjsarcaña, sustjascañäpjjaraquïtawa.

Jeremías 39:8

Caldeo jakenacasti reyin palacioparojj ninampiw phichhantapjjäna, uqhamaraqui take utanacarusa, marcarusti ninampiw naqhayapjjaraquïna, Jerusalén marcan perkanacapasti k'alwa allinucupjjaraquïna.

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 5:10

¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jeremías 52:14

Jupampi chica jutcän uca ejercitosti Jerusalén marcan perkanacapjja k'alwa tincurayaraquïna.

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Lamentaciones 2:9

Marcasti jan puncuni, jan jist'catañaniw uñjasi, puncunacasti t'unjata, pampanwa liwisisipqui. Reyinacapasa, jilïrinacapasa jan Diosar uñt'ir jakenacampi chicaquëjjewa; janiraquiw Diosan leyipas utjcjjeti. ¡Janiraquiw profetanacapasa Tatitutjja uñjäwinac catokcjjapjjeti!

Lamentaciones 3:61

Tatay, nayar toketanacapsa ist'amaya, nayataqui jan wali amtatanacapsa uñjaraquim.

Lamentaciones 5:1

Tatay, amtasimay cunatejj nanacampi lurasqui ucjja; uñtanipjjeta, cunjämsa nanacar ñankhachapquitu ucjja.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Levítico 26:33

Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.