Nehemías 1:11 - Qullan Arunaca

¹¹ Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Aymar Bibliia 1986

¹¹ Nayajj mayissmawa Dios Tata, oracionajj ist'añamataqui, uqhamaraqui sirvirinacaman mayisitanacapsa, nanacasti juma sapar jach'achañacwa munapjjta. Uqhamarac mayisiracsmawa nayar atipt'ayañama, reyirusa amuyt'ayaraquim nayar ist'añapataqui” sasa.

Qullan Arunaka DC

¹¹ Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Nehemías 1:11 Jak'a apnaqawi uñst'ayäwi

Génesis 24:42

“Uqhamapï jichhürojj uma phuch'u jac'aru purintjja, ucatsti Abraham uywirejjan Tatitu Diosaparuw mayt'asiractjja, aqham sasa: ‘Dios, jumatejj aca saräwejjan yanapïtäta ucajja,

Génesis 32:11

¡Tata, jumay khespiyita Esaú jilajjan amparapatjja! Ajjsartwa, jupajj jutaquispawa warminacajjaru, uqhamarac wawanacajjaru jiwarayañataqui.

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Génesis 40:1

Uca khepatsti reyir vino loktir coperompi, panaderompejj, egiptonquir faraón reyiruw colert'ayapjjatayna, ucatwa,

Génesis 40:2

faraón reyejj uca paninitaqui colerasisinjja, coperonacan jilïripa contra, uqhamarac panaderonacan jilïripa contra colerasisajj guardiapan capitanapan utaparuw preso apayäna, ucancaraquïnwa carcelajja. Ucanwa Joseajj preso jicjjatasiscaraquïna.

Génesis 40:21

Coperorusti wasitatwa pachpa irnakañaparuw uscjje, ucatsti coperojj nayrjamaraquiquiw wasitat faraonarojj vino loktjjäna,

Génesis 40:23

Ucampisa coperojj janiw Joseatjja amtascjjataynati.

Génesis 41:9

Ucatwa coperonacan jilïripajj faraonarojj säna: —Jichhajj amtastwa jumar colerayatajja.

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

2 Crónicas 6:40

“Nayan Diosajja, jumajj ist'amaya, uqhamarac aca chekana oración luratanacarusa ist'araquim.

Esdras 1:1

Cunapachatï Persianquiri Ciro sat reyejj mä mara reinascäna, uqhamarac Tatitun arupajj Jeremías profeta toke parlatäcäna uca phokhasiñapataqui, ucqhawa Tatitojj Ciro sat reyiru ch'amañchäna take reinopana yatiyatäñapataqui aru toksa kellkata toksa aca arsut'äwi:

Esdras 7:6

Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Nehemías 1:6

Jichhasti nayajj mayissmawa ist'añamataqui, arumay uru oración luratajjaru israelita sirvirinacam laycu. Nanaca israelitanacajja uñt'asipjjtwa juchanac juma toke luratanacajjatjja. ¡Take familiajjasa, nayasa juchwa lurapjjta!

Nehemías 2:1

Ucapachasti nayaraquiw Artajerjes reyin sirviripäscäyäta Nisán sata phajjsina, pä tunca mara reyejja marcaru apnakcäna ucqhajja nayawa juparu vino loktascäyäta, ucapachawa reyejj nayaru wali llact'ata uñjitu.

Nehemías 2:8

yakha carta kellkt'atsti churaraquita reyin ch'umipa uñjiri Asaf sat chachataqui, nayaru madera churañapataqui templona nayräjja perka puncunacapa wastat lurañataqui, uqhamarac marcan perkapataquisa, uqhamaraqui nayajj jacascä uca utataquisa —sasa. Reyisti take mayitajjaruwa churitu, Diosan qhuyapayasiñapajj nayampïtap laycu.

Salmos 106:46

jupanacar catuntat anaquirinacaruw qhuyapayasiñamp uñjäna.

Salmos 130:2

Tatay, arojjarojj ist'aquimaya; achict'asiñamp mayisitajjarojj jaysaquimaya.

Salmos 61:5

Diosajjay, jumaw arsutanacajj ist'istajja, sutim wakaychirinacan catokäwip churjjaraquistajja.

Salmos 86:6

Tatay, mayisitajjarojj ist'aquimaya, achict'asitajjarojj jaysaquimaya;

Proverbios 1:29

jumanacan yatiñ cancañaru jisc'achapjjatamata, Tatitur jan ajjsarapjjatam laycuraqui.

Proverbios 21:1

Reyin amtatanacapajj Tatitun amparapanquiwa; Tatituraquiwa sarayasqui, cunjämatï jawiranacajj sarasqui uqhama.

Jeremías 42:12

Nayasti jumanacatjja qhuyapt'ayasipjjämawa, jupasa jumanacatjja qhuyapt'ayasipjjaraquïtamwa, ucatsti aca pachpa orakeparuw cuttayanjjapjjaraquïtpa.’

Malaquías 3:16

(Cawquïri jakenacatï Diosaru ajjsartasa sarnakapcän ucanacajj jupanaccamaw parlasipjjäna, Diosasti cuntejj parlapcäna ucanacjja sumwa ist'araquïna, Diosan nayrakatapansti mä libroruw kellkasïna cawquïri jakenacatï Diosaru ajjsarapcäna, uqhamaraqui jupatsa jan armasipcaraquïna ucanacajja.)

Hebreos 13:18

Orapjjamay nanacataqui. Yatisipjjaractwa nanacan chuymanacajjajj waliquïscatapa take cunans sum sarnakañ munapjjatanacajj laycu.