Nahúm 3:9 - Qullan Arunaca

⁹ Etiopiampi, Egiptompiw juman jan tucusquir ch'amamänjja; Fut sisqui uca chekanquirinacas, libionacas jupar yanapirinacänwa,

Aymar Bibliia 1986

⁹ Etiopiampi, Egiptompiw juman jan tucusquir ch'amamänjja; Fut sisqui uca chekanquirinacas, libionacas jupar yanapirinacänwa,

Qullan Arunaka DC

⁹ Etiopía, Egipto markanakax jupan jan tukuskir ch'amapänwa; Fut, Libia markanakasti jupan yanapirinakapänwa.

Nahúm 3:9 Jak'a apnaqawi uñst'ayäwi

Génesis 10:6

Cam jaken wawanacapasti acanacänwa: Cus, Mizraim, Fut, uqhamarac Canaán ucanaca.

1 Crónicas 1:8

Cam chachan wawanacapasti acanacänwa: Cus, Mizraim, Fut Canaán ucanacaraqui.

2 Crónicas 12:3

waranka pä patacani nuwasiñ carronacampi, sojjta tunca waranka caballería soldadonacampi, uqhamarac jupamp chicasti walja soldadonacaraquiw Egiptotjja jutapjjaraquïna: libios, suquienos, etiopes uca jakenaca.

2 Crónicas 16:8

¿Janiti etiopenacasa libionacasa mä jach'a wali ch'amani ejercitöpcänjja, walja caballerianacani, uqhamarac nuwasiñ carronacanisa? Ucampis Tatitojj juman amparamaruwa catuyayätamjja, jumajj jupar iyawsatam laycu.

Isaías 20:5

Jakejj uca urojj wal ajjsarani. Jupanacasti Etiopiaruw wal alcatapjjänjja, jichhasti jupatjja p'enkasipjjaraquiniwa; Egiptotsti jach'a jach'araquiw tucupjjänjja, jichhasti p'enkasipjjaraquiwa.

Jeremías 46:9

“¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Ezequiel 27:10

Persia, Lidia, uqhamaraqui Libia marcanquiri jakenacaw ejercitomanjja nuwasipjjäna; jupanacasti escudonacapampi, casconacapampi ucanacampiw jumarojj c'achacht'apjjaraquïyätamjja, wali jach'aru aptatäñamataqui.

Ezequiel 29:7

Cunapachatejj jumaru catthapisipjjayätam ucapachajj jumajj p'aquistawa, ucatsti jaraphita chhokhontaractajja; cunapachatejj jumar alcatasiñ munapjjän ucqhasti jumajj p'aquistawa, jupanacarojj liwirtayaractawa.

Ezequiel 30:5

Etiopía, Libia marcanquiri soldadonacas guerranwa jiwarapjjani, Lidia, take Arabia orakpacha, Cub ucanaca, yakha marcanquirinaca, cawquïrinacatejj juparu jakcattatäpqui ucanacas jiwarapjjaraquiniwa.

Ezequiel 31:2

“Faraón reyirojja uqhamaraqui Egiptonquiri take jakenacarusa saraquim: ‘¿Cunampisa uñtasispa juman jach'ätamajja?

Ezequiel 38:5

Jumanacasti Persia marcanquir jakenacampi chicaw sarapjjäta, uqhamaraqui Etiopía, Libia sisqui uca marcanacanquirinacampi chicaw sarapjjaraquïta, take jupanacasti suma escudonacampi casconacampi armantatäpjjaraquiwa,

Daniel (hebreo) 11:43

Korit lurata, kollket lurat yänacwa apasjjaraquini, Egipto marcan take kamir cancañapsa apasjjaraquiniwa; ucjjarusti janc'aquiw Libia, uqhamaraqui Etiopía marcanacarojj wact'araquini.