Nahúm 3:10 - Qullan Arunaca

¹⁰ ucampis wasarar apatänwa; wawanacapas calle esquinanacanjja orakercam jisctatänwa; jach'a jilïrinacapjjarusti suertenacwa jaktapjjänjja, jilïrinacapasti cadenampi ñach'antataraquïnwa.

Aymar Bibliia 1986

¹⁰ ucampis wasarar apatänwa; wawanacapas calle esquinanacanjja orakercam jisctatänwa; jach'a jilïrinacapjjarusti suertenacwa jaktapjjänjja, jilïrinacapasti cadenampi ñach'antataraquïnwa.

Qullan Arunaka DC

¹⁰ Ukampis Tebas markankirinakax yaqha markar apayatänwa; wawanakapas marka thakhinakan uraqirkam jisktas jiwarayatänwa; jach'a aytat jilïrinakaparusti suertet jaqtasarakiw yaqha markanakar ñach'antat apayapxäna.

Nahúm 3:10 Jak'a apnaqawi uñst'ayäwi

2 Reyes 8:12

Ucat Hazael chachajj juparojj jisct'änwa: —¿Cunatsa, tata, jachtajja? —sasa. Eliseosti ucjjarojj sänwa: —Nayajj yattwa, jumajj jan walwa israelitanacaru lurätajja uca, nuwasiñataqui lurat utanacapjja ninampiwa naqhantayäta, ucanquir waynanacarojj espadampcamaw jiwarayäta, jisc'a wawanacarusti jiwayaraquiquïtawa, uqhamarac usur jake warminacarusti puracanacapwa jist'jaraquïtajja ucanac yatisaw jachta —sasa.

Job 6:27

¡Jumanacajj wajcharus jiwayirjamäpjjtawa, pachpa jake masimarusa jumanacajj aljantirjamäpjjtawa!

Salmos 137:8

¡Jumasti Babilonia marca, t'unjataw uñjasïta! ¡Qhitic nanacar jan walinac luratamat apscätamjja!

Salmos 137:9

¡Qhitic wawanacamar catuntasin karkanacar jisctasin jiwaraycanejja!

Salmos 149:8

reyinacar ñach'antañataqui, munañaninacarusti cadenanacamp ñach'antañataqui.

Isaías 13:16

Jupanacan uñjcataw jisc'a wawanacaparojj oraker jisctas jiwarayapjjani; utanacapas aparataraquïniwa, warminacapas warmisitaraqui.

Isaías 13:6

Wararipjjam, Tatitun urupajj jac'anquiwa, take ch'amani Tatitun lekt'asinitapawa purini.

Isaías 19:4

Ucampis nayajj Egiptorojj mä khoru uywiriruw catuyäjja, mä khoru reyiraquiw jupanacarojj apnakani.” Uqham siw take ch'amani Tatitojja.

Isaías 20:4

Uqhamwa Asirianquir reyejj Egipcionacarusa Etiopenacarusa preso apani chuymani jakenacarusa, waynanacarusa, k'alala k'ara cayu aparaquini, ch'inas k'arpacha mä p'enka aparaquini.

Lamentaciones 2:19

Sartasim, ucatsti arumanacas arnakasiraquim, ucqhat ucqharu arnakasiraquim; chuymamsti Tatitun nayrakataparu ucharaquim, umjama chuymamas jalaracpan; amparanacamsti juparu mayt'asisa loktaraquim, wawanacaman jacañapataquisa jupat mayiraquim, uca wawanacamasti calle esquinanacanwa mank'atjama jiwarasipcaraqui.

Lamentaciones 4:1

¡Cunjämaquiraqui koristi ch'iyärquipawayjjesti! ¡Ucqha suma koris janiw c'ajcjjaraquiti! Tatitun kollana utapanquiri kalanacas esquinanacanwa willirtasqui.

Ezequiel 29:7

Cunapachatejj jumaru catthapisipjjayätam ucapachajj jumajj p'aquistawa, ucatsti jaraphita chhokhontaractajja; cunapachatejj jumar alcatasiñ munapjjän ucqhasti jumajj p'aquistawa, jupanacarojj liwirtayaractawa.

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Joel 3:3

Sorteasisinwa marcajj-jja jaljasipjjänjja, imill wawarusa, yokall wawarusa aljasipjjaraquïnwa, ucatsti uca kollkjja machañanacana, uqhamaraqui jan wali warminacampi sarnakañanacan tucjapjje.

Amós 1:13

Aqham siw Tatitojja: “Amón marcanquir jakenacajj wali ñankhanacpun lurapjje, ucatsti janiw jan mutuyatäpcaspati, orakepa jach'a tucuyasiña laycojja Galaad marcanquir usur jake warminacan puracanacapsa qharipjjatapata.

Abdías 1:11

Cunapachatejj uñisirinacapajj marcatjja kamir cancañap saqueyjapcän ucqhajj, uqhamaraqui yakha marcanquir soldadonacas Jerusalén marcan puncunacap t'unjapcäna, jilt'irinacapsa aljasipcäna, uqhamaraqui take imasitanacapsa apasipcäna, ucapachajj jumajj jan cun yatiriw tuctajja, jupanacjamaraquiw tuctajja.