Nahúm 2:13 - Qullan Arunaca

¹³ Take ch'amani Dios Tatitojj siwa: “Acanctwa juma contra sayt'añataqui; guerrar sarir carronacamsa naqhantayäwa, ucatsti jiwk'eruraquiw tucuyäjja; león kallunacamarus jiwarayäwa; orakeman lunthatasiñajj utjquis ucanacsa tucjaraquïwa, ucatsti jumar yatiyirinacan arunacapajj janiraquiw juc'ampi ist'ascjjaniti” sasa.

Aymar Bibliia 1986

¹³ Take ch'amani Dios Tatitojj siwa: “Acanctwa juma contra sayt'añataqui; guerrar sarir carronacamsa naqhantayäwa, ucatsti jiwk'eruraquiw tucuyäjja; león kallunacamarus jiwarayäwa; orakeman lunthatasiñajj utjquis ucanacsa tucjaraquïwa, ucatsti jumar yatiyirinacan arunacapajj janiraquiw juc'ampi ist'ascjjaniti” sasa.

Qullan Arunaka DC

¹³ 13 (14) Taqi ch'amani Dios Tatitux siwa: “Akanktwa jumar saykatañataki; nuwasiñar sarir carronakamsa nakhantayäwa, jaqinakamarus q'al jiwarayä; lunthatasiñanakamsa q'al tukjarakï; yatiyirinakaman arunakapax janiw juk'ampi ist'askxaniti. Nayätwa Israel markan Diosapaxa, arsutaxsa phuqhapunïwa” sasa.

Nahúm 2:13 Jak'a apnaqawi uñst'ayäwi

2 Reyes 18:17

Ucatsti Asirianquiri reyejj jupan wali uñt'ata mä jilïri oficialaparuwa Ezequías reyin ucar qhitäna, uqhamarac yakha jilïr oficialampiru mä jach'a wali ch'aman ejercitompiraqui. Jupanacasti Laquis chekatwa sarapjjäna Jerusalén marcar nuwantañataqui. Cunapachatï Jerusalén jac'aru puripjjäna ucqhajja, utjnoktapjjänwa patäjja estanquen canalapa jac'aru, cawquïr thaquitejj Pañonaca T'ajjsuñ pamparu sarqui uca thacjjaru.

2 Reyes 18:19

Ucanwa Asirianquiri oficialajja jupanacarojj säna: —Yatiyapjjam Ezequías reyiru Asirianquiri jach'a reyin aca yatiyäwipa, aqham sasa: ‘¿Cunarus jumajj ancha alcatasta?

2 Reyes 19:23

Jumajja qhitatanacam tokew Tatiturojj jisc'achtajja. Jumajj sistawa: ‘Walja nuwasiñ carronacajjampiwa maqhatta kollunac pataru, jan maqhatcañ Líbano kolluruw maqhatta. Wali alto cedro lawanacapwa qhuchhunucta, Wali alto kollunacaparuwa maqhatta, ch'uminacapas pankar yapur uñtatäqui ucaruraqui.

2 Reyes 19:9

Qhayansti Asirianquiri reyejj yatïnwa Etiopianquir Tirhaca sat reyin jutantatapa jupampi nuwasiñataqui. Ucatjja maya cutimpiwa Asirianquiri reyejja qhitanaca qhitanïna Judá marcanquir Ezequías reyin ucaru,

2 Crónicas 32:19

Jupanacasti Jerusalenanquiri Diosatjja, parlapjjänwa aca orakenquir yakha marcanacana jaken lurat diosanacapatjamaraqui.

Salmos 46:9

aca orak tucuscamaw nuwasiñ t'acurayi; arconac jisc'a jisc'a p'aquinoke, lanzanac t'unari, nuwasiñ carronacsa ninampiw phichhantaraqui.

Jeremías 21:13

“Valle uñjjatata marca, pampanjja mä karkaru uñtataraquïtawa, naya Tatitusti, jumataquiw jichhajj sayt'ta. Jumanacasti sapjjtawa: ‘¿Qhitis nuwistaspa? ¿Qhitiraquisa imantasiñascamajja purt'anispa?’ sasa.

Jeremías 46:14

“Egipton yatiyapjjam, Migdol, Menfis, Tafnes sisqui uca chekanacansa; ¡takenisa, janc'aqui suyt'apjjam! ¡Espadasti juma thiyanacanjja k'alwa tucjasqui!

Jeremías 50:31

Take ch'amani Tatitu Diosajj saraquiwa: “Ñankha lurir marca, nayajj jumataquiw sayt'tjja; juman urumajj purinjjewa, jumaru mutuyañ horasas purinjjaraquiwa.

Jeremías 51:25

Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Ezequiel 13:8

Ucatpï naya Tatitojj sistjja: Cunjämatejj jumanacajj c'ari arunaca parlapjjtajja, unañchäwi uñjatanacamas c'ariquiraqui, ucat nayajj jumanacataqui sayt'asëjja. Naya Tatituw ucjja arsta.

Ezequiel 21:3

aqham sasa: ‘Aqham siw Tatitojja: Nayajj jumanacan uñisirimaw tucuracta. Espadajj apsusisaw asqui jakerusa, ñankha jakerusa jiwarayäjja.

Ezequiel 26:3

“Ucatpï naya Tatitojj sistjja: Tiro, nayajj juman uñisirimaw tucü. Walja marcanacwa juma tokjja sartayäjja, cunjämatejj kotajj mathapinacapa sartayquejj uqhama,

Ezequiel 28:22

Aqham saraquim: “Aqham siw Tatitojja: Nayajj juman uñisirimaw tucuracta, Sidón; juma taypinwa jach'aru aptatäyäjja. Cunapachatejj nayajj juma toke arscä, k'oma cancañajjsa uñacht'aycaraquï, ucapachaw yatisini nayan Tatitütajja.

Ezequiel 29:10

Jichhajj waliquiwa, nayajj juman uñisirimaw tuctjja, jawiraman uñisiripaw tucuractjja, mä ajjsarcaña, waña wasararuw tucuyaraquïma, Migdol sisqui ucatpacha Asuán sisqui ucacama, Etiopía marca korpäquis ucacama.

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Ezequiel 35:3

Arsuraquim: ‘Aqham siw Tatitojja: Nayajj jichhajj juman uñisirimaw sayt'ta, Seir kollu, jichhajj mutuyämawa, wasararuw tucuyaraquïma, k'ala t'unjata jaytaraquïma.

Ezequiel 38:3

Jichhasti juparojj saraquim: ‘Aqham siw Tatitojja: Gog, jumajj Mesec uqhamaraqui Tubal sisqui ucanacan jilïripätawa, jichhasti nayajj juman uñisirimaw sayt'tjja.

Ezequiel 39:1

“Jumasti jichhajj, chacha, nayan sutejjaru parlam Gog sisqui ucanac toke, ucatsti naya toketjja saraquim: ‘Gog, jumajj Mesec Tubal sisqui ucanacan jach'a jilïripätawa, nayasti jichhajj juman uñisirimaw sayt'aracta.

Ezequiel 5:8

Ucatpï naya Tatitojj arstjja: Nayas, Jerusalén marca, juma tokew sayt'aractjja; cuntejj juma toke arscta ucsti take marcanacan uñjcataw phokharaquï.

Nahúm 2:12

Leonasti uca cheka pasirirojj jiwayaquipunïnwa, ucatsti león kallunacampiru taycapampiruw churänjja, putunacapsti lunthatatanacampiw phokhantaraquïnjja.”

Nahúm 3:1

“¡Cunaquïcan jumatjja, jake jiwayir marca, c'arisiñampi, nuwasiñampi phokhantatätawa; lunthatasiñamasti jan tucusquiriraquiwa!

Nahúm 3:12

Take sayt'asiña chekanacamasti ch'ojjña higo alir uñtatawa, nayrïri achoker higonacampi phokhantata, onjjtayatas willirtapjjewa, qhititejj mank'cani ucan lacanacaparu.

Nahúm 3:15

Ucanwa ninajj k'al naqhantätam, espadampi tucjataw uñjasïta, t'iju t'ijunacjamaraquiw mank'antätam. ¡Uca t'iju t'ijunacjamaraqui mirantam! ¡Kollunacan jalnaker t'iju t'ijunacjama!

Nahúm 3:5

Take ch'aman Tatitojj siwa: “Acanctwa juma contra sayt'añataqui; isimjja ajanumcamaw lluch'täma, uqhamat marcanacajj jumar k'alal uñjañapataqui, reinonacas p'enkamjja uñjapjjañapataqui.

Josué 11:6

Ucampis Diosajj Josué chacharojj sänwa: “Jan ajjsaramti ni cuna laycusa, nayasti jumarojj arumanthi alwat aca quipca horasaruw juman amparamar catuyäma, jiwarayañamataqui. Ucatsti jumajj caballonacapan cayunacap p'aquiräta, uqhamaraquiw carronacaparus ninampi phichhantäta” sasa.

Josué 11:9

Josué chachasti Diosan arsutaparjamajj phokhänwa, caballonacan cayunacap p'aquirasa ucatsti ninampiw carronacaparu phichhantaraquïna.