Miqueas 7:6 - Qullan Arunaca

⁶ Wawanacasti awquinacaparojj jisc'achapjjewa, imill wawanacasa taycap contraraquiw sayt'asipjje, yojjch'anacasti taycch'inacap contraraquiw sayt'asipjje, sapa maynin uñisirinacapasti pachpa familianacapaquiraquiwa.

Aymar Bibliia 1986

⁶ Wawanacasti awquinacaparojj jisc'achapjjewa, imill wawanacasa taycap contraraquiw sayt'asipjje, yojjch'anacasti taycch'inacap contraraquiw sayt'asipjje, sapa maynin uñisirinacapasti pachpa familianacapaquiraquiwa.

Qullan Arunaka DC

⁶ Yuqall wawanakasti awkinakaparux jisk'achapxiwa, imill wawanakas taykapatakiw sayt'asipxi, yuxch'anakasti taykch'inakapatakiw sayt'asipxi, sapa maynin uñisirinakapasti pachpa utapankirinakawa.

Miqueas 7:6 Jak'a apnaqawi uñst'ayäwi

Génesis 49:4

Ucampisa jichhajj janiw nayrïrïcjjätati, jumasti ch'amampi jalir umar uñtasitätam laycu. Jumasti iquiñajjwa k'añuchayätajja uñt'atajjampi iquintasajja.

2 Samuel 16:11

Ucjjarusti Abisai jakempiru, uqhamaraqui take oficialanacapampirusti saraquïnwa: —Nayan pachpa wawajjatejj nayaru jiwayañ amtchitu ucasti, ¡juc'ampi amuyumpiw mayni Benjamín tribunquir jakejj jiwayañ munpachïtojja! ¡Jichhajj juparojj jaytapjjam, ñankhachascaquitpan, Tatituw juparojj uqhama luram sispacha!

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Proverbios 30:11

Yakhep jakenacajj awquiparojj ñankhachapjjewa; janiraquiw taycaparus bendisipquiti.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Isaías 3:5

Jupanac taypinsti jan walt'añajj walipunïniwa, jupanaccamaraquiw nuwjasipjjani, amigonaccamas nuwjasjjapjjaquiniwa. Waynanacasti chuymani jakenacataquiw sayt'asipjjani, jisc'achatanacasti, jach'a jilïri jakenacataquiw sayt'asipjjani.

Isaías 9:19

Take ch'amani Tatitun colerasiñapampiw aca marcajj k'ala naqhantata, ninasti marcarojj k'al tucjaraqui; pachpa wawanacapan aychanacapwa mank'apjji, jilanacapatsa janiw qhuyapt'ayasipcaraquiti. Acanjja mayniw okontirejj utji, ucampis mank'atjja awtjayasiscaquiwa, qhayansti mayniraquiw mank'erejj utji, ucampis janiw sist'ascaraquiti.

Jeremías 12:6

Pachpa jilanacamawa, cawquïrinacatejj familianacamäqui ucanacaw jumataquejj sartapjje, khepäjjamatsti jan wali arunacampiw arnakanipjjaractam. Jupanacarusti janipun alcatasimti, suma arunacampi parlapcchïtam ucasa.

Jeremías 20:10

Jakenacan jisc'at parlasitanacapsa ist'aractwa: “¡Take chekansa ajjsarañaquiw utjasqui!” “¡Jutapjjam, juchañchapjjañäni!” sapjjaraquiwa. Pachpa amigonacajjas suyt'apjjaraquiw nayan lanctasiñajj-jja. “Inas pantjasicchini; ucapachaw atipjasina juparojj phoksusiraquiñäni” sapjjaraquiwa.

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Abdías 1:7

Take jumampi arust'asir marcanacasti sallkjapjjtamwa; pachpa orakematsa jayaruw apanucupjjaractamjja. Pachpa amigonacamas juma contraquiraquiw sayt'asjjapjje, cawquïri amigonacamarutejj wal confiascäyäta ucanacas sipita waquicharapiractamjja. ¡Edomasti jan amuyt'asiriwa!”

Mateo 10:21

“Jakenacasti jilanacaparuw jiwayañataqui catuntayaraquini, awquinacasti wawanacaparuraquiw catuntayaraquini; wawanacasti uca quipcaraquiw awquinacaparojj jiwayañataqui catuntayaraquini.

Mateo 26:23

Jesusasti ucjjarojj saraquïnwa: —Qhititejj nayampi chica mä platot mank'asqui ucawa, juparaquiw nayarojj catuntayitani.

Lucas 12:53

Awquejj yokap conträniwa, yokasti awquip contraraqui; taycasti phuchap contra, phuchasti taycap contraraqui; taycch'isti yojjch'ap contra, yojjch'asti taycch'ip contraraqui.”

Lucas 21:16

Jumanacasti aljantatäpjjätawa awquinacamana, jilanacamana, familianacamana, uqhamarac amigonacamansa. Yakhepanacarojj jumanacatjja jiwayapjjaraquiniwa.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.