Miqueas 7:12 - Qullan Arunaca

¹² Juman ucaru take toket jutapcani uca urusti niya purinjjaraquiwa; Asiriatpacha Egiptcama, Nilo jawiratpacha, Eufrates jawircama, jach'a kotat jach'a kotacama; kollut kollucamaraqui.

Aymar Bibliia 1986

¹² Juman ucaru take toket jutapcani uca urusti niya purinjjaraquiwa; Asiriatpacha Egiptcama, Nilo jawiratpacha, Eufrates jawircama, jach'a kotat jach'a kotacama; kollut kollucamaraqui.

Qullan Arunaka DC

¹² Juman ukar taqi tuqit jutapkani uka urusti niyaw purinxani: Asiriata, Egiptota, Nilo jawirata, Éufrates jawirata, jach'a qutata, jach'a qutakama; qullut qullukamaraki.

Miqueas 7:12 Jak'a apnaqawi uñst'ayäwi

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 11:16

Cunapachatejj uca Tatitun marcapat jilt'irinacajj Asiriat cuttanjjan ucqhajj mä jach'a thaqui jicjjatapjjaraquini, cunjämtejj Israelajj Egiptot mistuncänjja uqhama.

Isaías 43:6

Amstarojj saraquïwa: ‘Cuttayanjjam’ sasa, aynacharusti saraquïwa: ‘Jan jupanacampi kheparamti. Wawanacajjarojj cuttayanirapjjeta jayatpacha, orake tucusitpacha,

Isaías 49:12

“¡Uñtapjjam! Jayat jutapjje, Mayninacajj amstata, mayninacasti inti jalanta toketraqui, mayninacasti Asuán sisqui ucsa toketraqui jutapjje.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 3:18

“Uca uru purincani ucapachasti Judá marcajj Israel marcaruw jakcattjjani, ucatsti mayaquiw amsta tokenquir marcanacat cutt'anjjapjjani, cawquïri oraktejj nayajj mä herenciäcaspas uqhama nayrapacha awquinacapar churta uca orakeru” sasaw Tatitojj arsu.

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Jeremías 46:27

“Jan ajjsaramti Jacobon marcapa, nayan uywatajja; Israel, jan ajjsaramti. Jumampiru, wawanacamampirojja nayawa khespiyapjjäma, uca jaya marcata, cawquirutejj apayatäpcta ucata. Wasitatwa sumaqui jacasjjaraquïta, c'uchiqui, jan qhitinsa sustjataw jacasjjaraquïta.

Ezequiel 29:21

“Uca urunacansti nayaw Israel marcarojj juc'ampi ch'ama yapt'araquëjja, ucampis jumajj, Ezequiel, jupanacampejj khanwa parlaraquïta. Ucapachaw yatipjjani nayajj Tatitu Diosätajja.”

Ezequiel 37:21

Ucatsti jupanacarojj saraquim: ‘Aqham siw Tatitojja: Israelitanacarusti, cawqui marcanacarutejj sarapqui ucatjja irpsunjjäwa, take toketwa jupanacarojj tantacht'jjaraquëjja, orakeparuw cuttayanjjaraquëjja.

Oseas 11:11

“Egiptotsti jamach'inacjamaw qhathatisisa jutjjapjjani; Asiriatsti palomanacjamaraquiw jutjjapjjani; ucatsti wasitatwa utanacapanjja utjasiyjjä. Ucsti, naya Tatituw arsta.