Miqueas 7:10 - Qullan Arunaca

¹⁰ Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Aymar Bibliia 1986

¹⁰ Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: —¿Cawquincaraqui Tatit Diosamasti? —sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Qullan Arunaka DC

¹⁰ Uñisirixas ukxa uñjarakiniwa, ukasti p'inqachjatarakïniwa. Uñisirixasti nayarux sarakitänwa: “¿Kawkinkarak Tatit Diosamasti?” sasa, ukampis nayatakix jupar ñiq'ir uñtat takichasita uñjañax sumäniwa.

Miqueas 7:10 Jak'a apnaqawi uñst'ayäwi

2 Samuel 22:43

Thayan apat lak'arjamaw jupanacarojj tucusiyta, thaquinquir ñik'erjamaw tacsuracta.

Salmos 109:29

Nayamp timasirinacajj p'enkamp aynacht'apjjpan. ¡P'enkajj isimpjam jupanacar llawuntpan!

Salmos 115:2

¿Cunatarac ñankha lurir jakenacast jisqhisipquitani: “Cawquincarac Diosamasti” sasasti?

Salmos 18:42

Thayan apat lak'arjamaw jupanacarojj tucusiyta, thaquinquir ñek'erjamaw tacsuracta.

Salmos 35:26

Llaquir puritajjat cusisirinacajj llaquiscay atipjayasipjjpan. Nayatac achusirinacajj p'enkachat sarnakapjjpan.

Salmos 42:10

Timanacajjan sawcasitanacapatjja, ch'aqhanacajjamppachaw usutu, urpachaw sapa cut jisqhipjjetu: “¿Cawquincarac Diosamasti?” sasa.

Salmos 42:3

Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.

Salmos 58:10

Asqui jakesti, uqhämat uqhäm apsur uñjasajj cusispan, ñankha luririnacan wilapamp cayunacap wilachsuspan.

Salmos 79:10

¿Cunatarac jucharar jakenacast sasipcani: “Cawquincarac Diosapasti?” sasa. Nanacan uñjcañay Diosar jan uñt'irinacajj mutupjjpan, uywatanacamar jiwayapjjatapat t'akhesipjjaracpan.

Salmos 92:12

Asqui jakenacajj palma kokanacjamaw jilapjjani, Líbano orakenquir cedro kokanacjamaw jiltapjjani.

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 41:25

Inti jalsu tokensti mä jake sartayta, sutipat jawsaracta, ucatsti amstatwa puriniraqui. Marca apnakerinacarusti ñek'erjamaw taquisiraqui, cunjämatejj sañu lurir jakejj ñek'jja tacsojj uqhama.

Jeremías 49:15

Nayasti take marcanacat sipansa wali jisc'aruw tucuyäma, jakenac taypina wali jisc'achjataraqui.

Jeremías 51:24

“Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Jeremías 51:51

Jumanacasti sapjjaractawa: “Cunjämtejj jan wali arunacampi jisc'achapjjestu ucanac ist'asajj p'enkastanwa. P'enkasiñaw ajanunacasa imantaraqui, jaya marcanquiri jakenacaraquiw mantapjje, templon kollanans Kollanapäquis uqhacama.”

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Daniel (hebreo) 3:15

¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: “Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ‘¿Cawquincarac Diosapasti?’ ” sasa.

Abdías 1:10

“Jichhajj sinti p'enkachjataw uñjasïta, uqhamarac wiñayatac tucjatäyätawa, Jacob jilamaru chhojjriñchjatamata, uqhamarac jupar jiwayatamata.

Abdías 1:12

Jilamajj chijir purcän uca urojj janiw cusisiñamäcänti, Judá marcajj aynacht'cän uca urusti janiraquiw cusisiñamäcänti, llaquisiña urupansti janiw jupanacatjja sawcasiñamäcänti.

Miqueas 4:11

“Jichhasti walja marcanacaraquiw juma contrajj mayacht'asipjjejja, aqham sasa: “Jichhajj Jerusalén marcaru taquisitwa uñjañäni, ucatsti cusisiraquiñäniwa” sasa.

Miqueas 7:8

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.

Sofonías 3:15

Diosaw apaktam juchanacamat mutuyatäñjja, uqhamaraqui uñisirinacamarus jakonucuraquiwa. Israelan reyipa, Tatitu Diosaw jumanac taypincasqui; janiw cunaru ajjsarañamas utjquiti.

Zacarías 10:5

Soldadonacajj cunjämtï guerranjja callenacanjj ñek'e tacsuwayapjjejja uqhamäniwa; nuwasipjjaniwa Tatitojj jupanacampïscatap laycu, caballot saririnacarusti mä p'enkwa uñjasiyapjjaraquini.

Malaquías 1:5

Jumanacasti pachpa nayranacamampiw uñjapjjaraquïta ucatsti sapjjaraquïtawa: ‘Diosasti wali jach'a ch'amanipuniwa Israel marcan korpanacapatsa jilariwa’ sasa.

Malaquías 4:3

Uca uru waquichascta ucanjja, jumanacajj uca juchan sarnaker jakenacarojj mä khelläpcaspas uqhamwa taquichasipjjäta.

Mateo 27:43

Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: ‘Diosan Yokapätwa’ saraquisä,” sasa.

Josué 7:9

Cananeo jakenacas, uqhamaraqui take aca orakenacan jaquir jakenacasa jichhajj yatipjjaniwa cunatï Israel marcarojj pasqui ucjja; take jupanacaw mayacht'asisina nanacar t'unjapjjetani. Jichhasti ¿jumajj cunsa luräta jach'a sutimajj jan p'enkachatäñapataquejja? —sasa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”