Miqueas 5:3 - Qullan Arunaca

³ Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Aymar Bibliia 1986

³ Jichhasti Tatitojj jupanquirinacarojj apanucuwa, ucampis cawquïr usur jake warmitejj utjqui ucan wawachasiñapcamaquiwa, ucatsti jaya marcar apanucuta israelitanacajj marca masinacapampiw tantacht'asjjapjjani.

Qullan Arunaka DC

³ 3 (2) Jichhasti Tatitux jupankirinakarux uka usur warmin wawachasiñapkamaw apanukuni. Ukatsti jaya markar apanukut israelitanakaxa, marka masinakapampiw tantacht'asxani.

Miqueas 5:3 Jak'a apnaqawi uñst'ayäwi

1 Reyes 14:16

Jeroboaman juchanaca luratapa laycuwa Tatitojj Israel marcaru catuyani, uqhamarac Israel marcaru jucha lurayatapataraqui” sasa.

2 Crónicas 30:7

Jan jumanacajj tucupjjamti nayra awquinacamjama, uqhamarac jilanacamjamasa, jupanacasti nayra awquinacamana Tatit Diosapar jan arcatap laycusti, Tatitojj tucjatäñataquiwa catuyäna, cunjämatï jumanacajj uñjapjjta uqhama.

Salmos 67:3

Diosay, marcanacajj jumar yupaychapjjpan, ¡takpach marcanac jumarojj jach'añchapjjpan!

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Jeremías 23:5

Tatitojj siwa: “Mä uruw purinini cunürutejj Davidajj wawanïcani uca urojja, mä reyi, wali amuyt'ampi apnakañapataqui. Aca marcansti chekaparu, asquiruraqui uñjañapataqui.

Jeremías 31:1

Tatitojj siwa: “Uca urunacanjja nayaw take Israel tribunacan Diosapäyäjja, jupanacasti nayan marcajjäpjjaraquiniwa” sasa.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Oseas 11:8

“¿Cunjämarac apanuct'asïmasti, Efraín? ¿Cunjämarac jaytanucümasti, Israel? ¿Adma marca tucjctjja uqhamti tucjaraquirisma, jan ucajj Zeboimarojj cuntejj lurcta uqhamraccha luririsma? ¡Chuymajjaw ch'alljjtitu, jumataquisti qhuyapayasiñan phokt'ataraquïtwa!

Oseas 2:14

“Nayaw juparojj munäwa: Wasarar irpasin chuymaparuw parljjayä.

Oseas 2:9

Ucatsti nayajj wastatwa trigo, vino churcta ucanacjja cosech horasajj apthapisjjä, t'awrsa, linsa isisiñapatac churcta ucanacsa apthapisjjaraquïwa.

Amós 5:15

¡Jan walïqui ucjja uñisipjjam! ¡Sumäquis ucjja munapjjam! Tribunalanacansti chekapar uñjañajj utjpan; inach uqhamat take ch'amani Tatitu Diosajj qhuyapayasispa Israel marcan jilt'irinacaru.

Miqueas 4:4

Ucapachasti takenis jan ajjsarasaw jacasipjjani, sapa mayniraquiw samart'asiraquini uva, uqhamarac higo alin ch'iwipana. ¡Aca arunacasti take ch'amani Diosan quipca arunacapawa!

Miqueas 5:7

Ucapachasti, walja marcanac taypina, Jacobun marcapat jilt'irinacajja Tatitojj apayanqui uca sullanacjamäniwa, koranacjjar purjjatquis uca jallunacjamaraqui, ucanacasti janiw jaken munañapat utjquiti.

Miqueas 5:8

Ucapachasti, walja marcanac taypinjja, Jacobun marcapat jilt'irinacajja monte animalanac taypinjja, mä leonjamäniwa, cunjämatejj leonajj mä ovej tamjja, pascasajj tucjawayejja jach'a sillunacapampi, janiraqui maysa uqhamaqui jilt'ayquiti uqhamäniwa.

Miqueas 6:14

Mank'ascätawa, ucampis janiw sist'ascätati, jan ucasti mank'atjja awtjayasiscaquïtawa; take cunsa apthapiscätawa, ucampis janiraquiw cunsa acht'aycätati, cuns jicjjatät ucqhajja, nuwasiñampiw take ucanac t'unjayä.

Miqueas 7:13

Aca orakejj ch'usa wasararu tucuyatäniwa, jakenac laycu, jan walinac lurapjjatap laycu.

Zacarías 10:6

Tatitojj siwa: “Nayaw ch'am churäjja Judá familiat jutirinacarojja, José familiat jutirinacarusti khispiyaraquïwa. Wasitatwa orakeparojj irpjjaraquëjja, qhuyapayasiñajjajj jupanacatac utjatap laycu. Janipunis nayajj jan ist'iri tucuriscäyäta uqhamaw tucjjapjjanejja, nayajj Tatitu Diosapätap laycu, ist'aractwa mayisitanacaparusa.

Mateo 1:21

Mariajj mä yokall wawa wawachasini, JESÚS sasaw suticharaquïta, juparaquiw marcaparojj juchapat khespiyani” sasa.

Mateo 12:50

Qhitinacatejj Awquejjan munañapa lurqui, ucanacawa nayan jilajjajja, cullacajjasa, taycajjaraquisa —sasa.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Romanos 8:29

Qhitinacarutejj Diosajj nayratpach uñt'cäna ucanacarojja, kalltatpachwa jupataqui yakhachasiwayjje jupan wawapjamäñapataqui, uqhamat jupan Wawapajj jilïrïñapataqui walja jilatanac taypina.