Miqueas 4:13 - Qullan Arunaca

¹³ ¡Jichhajj sartasim Sión marca, ucatsti jawk'suraquim! Tatitusti siwa: “Nayaw jumarojj ch'am churäma mä toro vacarjama, wajjranacamasti hierrotaraquïniwa, cayumas broncetaraqui, uqhamat walja marcanacar t'unjañamataqui. Cuna yänacaptejj lunthatasiñampi jicjjatapqui ucanacjja, jumaw k'al aparäta, ucatsti nayaruw catuyjjaraquitäta, aca orakpachana Tatituparu.”

Aymar Bibliia 1986

¹³ ¡Jichhajj sartasim Sión marca, ucatsti jawk'suraquim! Tatitusti siwa: “Nayaw jumarojj ch'am churäma mä toro vacarjama, wajjranacamasti hierrotaraquïniwa, cayumas broncetaraqui, uqhamat walja marcanacar t'unjañamataqui. Cuna yänacaptejj lunthatasiñampi jicjjatapqui ucanacjja, jumaw k'al aparäta, ucatsti nayaruw catuyjjaraquitäta, aca orakpachana Tatituparu.”

Qullan Arunaka DC

¹³ ¡Jerusalén marka, jichhax tukjañatak sartasim! Tatitusti siwa: “Nayaw jumarux mä urqu vacarjama ch'am churäma, waxranakamas hierrotjamarakïniwa, kayu sillunakamas broncetjamaraki, ukhamat walja markanakar t'unjañamataki. Kuna yänakaptix lunthatasiñampi jikxatatäki ukanakxa, jumaw q'al aparäta, uksti nayaruw katuyxitäta, aka uraqpachan Tatituparu.”

Miqueas 4:13 Jak'a apnaqawi uñst'ayäwi

Salmos 24:1

Takpach orakejj Tatitunquiwa, ucan utjirinacas jupanquiwa, takpach jaquirinacas jupancaraquiwa.

Salmos 68:29

Jerusalenanquir utamaruw reyinacajj churäwinac apanipjje, ucawjatpachay jumajj,

Salmos 72:10

Tarsis marcanquir reyinacasa, kota tokenquir reyinacasa, jupataquejj kollk apsupjjpan, Sabá orakenquiri, Seba orakenquir reyinacajj churäwinacap loktapjjpan.

Isaías 18:7

Uca pachanjja take ch'amani Tatitutaquiw churäwinaca apanipjjani jach'a tansa jank'olla jakenacajja, cawquïri marcatejj wali ajjsaratäqui, jach'a ch'amani marca, jach'a jach'a tucuriraqui, jawiranacan muyuntat marca. Sión kollurcamaw ofrendanacapjja apanipjjani, cawqhantejj take ch'amani Tatitun sutipajj aytatäqui uca chekaru.

Isaías 21:10

Nayan marcajja, trigor uñtata tacsuta, cuntejj ist'cäyät ucracwa jumarojj yatiyämajja, take ch'amani Tatituta, Israelan Diosapata ist'cäyät ucwa yatiyäma.

Isaías 23:18

Ucampisa uca jicjjatatanacapasti Tatituru loktatäniwa, janiw imatäcaniti, janiraquiw imañ utanacarus uscutäcaniti, jan ucasti qhitinacatejj Tatitur yupaychapqui ucanacar churatäniwa walja mank'añanac alasipjjañapataqui, uqhamarac suma isinacsa.

Isaías 5:28

Flechanacapasti wali arinacawa, arconacapasti suma jiyt'ataraquiwa. Caballonacapan casconacapasti kaljam ch'ullkhewa, carronacapan ruedanacapasti tutuca thayar uñtatawa.

Jeremías 51:20

“¡Babilonia, jumajj nayan amparajjanjja mä jach'a martilljamätawa!, guerran nuwasiña armajjaraquïtawa. Jumampiw marcanacsa, reyinacan apnakañanacapsa t'unjaractjja.

Jeremías 51:33

Take ch'amani Tatitojja, Israelan Diosapajj aqham satap laycu: “¡Babiloniajj trigo jawk'añ orakjamawa, jawk'a horasan tacsuta orakjamawa, janc'aquiraquiw juparojj cosecha horasajj purinini!” sasa.

Daniel (hebreo) 2:44

Uca reyinacan apnakañapcamasti, alajjpachanquiri Diosajj mä yakha reino sayt'ayaraquini, uca reinosti janipuniw tucjatäcaniti ni apnakatäcaraquinisa yakha marcanacampejja, jan ucasti jupaw take yakha reinonacarojj tucjani, wiñayan wiñayapaw uca reinojj utjaraquini.

Oseas 10:11

“Efrainajj mä suma manso vaca kalljamänwa, trigo jawk'suñas jupataquejj sumänwa. Jichhasti nayajj ucqha suma cuncapjjarojj mä yugo ayjjataracta, uqhamat carro katatiñapataqui, Judästi arado jiyt'araquini, Jacobosti rastrillo jiyt'araquini.

Miqueas 5:7

Ucapachasti, walja marcanac taypina, Jacobun marcapat jilt'irinacajja Tatitojj apayanqui uca sullanacjamäniwa, koranacjjar purjjatquis uca jallunacjamaraqui, ucanacasti janiw jaken munañapat utjquiti.

Habacuc 3:12

Colerataw orakpachan sarnaktajja, uqhamaraqui marcanacarus taquichasiractawa.

Zacarías 12:3

Qhä urunwa Jerusalenarojj mä jathi kalaru tucuyäjja take marcanacataqui. Tucjaraquiniwa cawquïritejj jupanacat sayt'aschini ucarojja. Take marcanacaraquiw Jerusalenataquejj tantacht'asipjjaraquinejja.

Zacarías 12:6

Qhä urunwa Judá marcan jilïrinacaparojj tucuyäjja mä nina sanc'jama naqhasquiri lawanac taypina, mä ninjamaraqui trigo markthapita taypina. Tucjaraquiniwa cupëjjanquiri, ch'ekäjjanquiri take jac'anquiri marcanacarojja, ucañcamasti Jerusalenanquir jakenacasti mayampwa marcapan jacasjjapjjani.

Zacarías 4:14

Jupasti saraquituwa: —Aca paninisti Tatitur serviñatac take acapachan loktatäquis ucanacawa —sasa.

Zacarías 6:5

Angelasti saraquituwa: —Acanacajja pusi thayanacawa, ucasti mistuniwa take acapachan Tatitupan nayrakatapata.

1 Corintios 16:2

Sapa semana kallta urunwa jumanacajj apakjjapjjañama sapa maynisa cunjämtï ganasqui uqhamarjama, ucatsti imapjjam, cunapachatï purincä ucqhajja jan apthapipjjañamataqui.

Deuteronomio 33:25

utapan puncupasa hierrota, bronceta cerrojonïpan, ch'amapasa take jacañapanjja utjapunpan.

Josué 6:19

Ucampisa kori, kollke, uqhamarac bronce, hierro ucanacajja Diosaru loktatäniwa, Diosataqui imataraquïniwa” sasa.