Miqueas 3:7 - Qullan Arunaca

⁷ Uca uñjirinacasti, uqhamaraqui yatirinacasa wali p'enkachjataw uñjasipjjani. Take jupanacasti Diosan jan ist'atäjjasinjja, amuquiw kheparjjapjjani.

Aymar Bibliia 1986

⁷ Uca uñjirinacasti, uqhamaraqui yatirinacasa wali p'enkachjataw uñjasipjjani. Take jupanacasti Diosan jan ist'atäjjasinjja, amuquiw kheparjjapjjani.

Qullan Arunaka DC

⁷ Uñjäwinak uñjirinakasa, yatirinakasa wali p'inqachjataw uñjasipxani. Jupanakasti Tatitun jan ist'atäxasinxa, amukiw qhiparxapxani.

Miqueas 3:7 Jak'a apnaqawi uñst'ayäwi

Salmos 74:9

Janiw kollan chimpunacajj uñjatäcjjeti, janiraquiw profetas utjcjjeti: janiw qhitis cunapachcam uqhämäñap yatquiti.

Éxodo 9:11

Jichhäqui ucansti Egiptonquir jach'a yatirinacajj janiw Moisesampi jiquisir saraña puedipcänti, karachi usojja jupanacar catuntatap laycu, mayni egipcio jakenacarjama.

Isaías 44:25

Janiraquiw cuntejj uca c'ari profetanacajj parlapqui ucanacsa phokhasiycti; nayaw uca yatiri jakenacan amuyt'anacapsa chhaktaytjja. Nayaw amuyt'ani jakenacarojj jupanaccam ch'ajjwaytjja, jupanacan yatiñanacapas mä lokhe cancañar tucuyaractjja.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Ezequiel 24:17

T'akhesiñansti amuqui t'akhesim, janiraqui lutt'asimti cunjämatejj jiwatanacatjja lutt'asipjje uqhama. Jan k'ara p'eke sarnakamti, janiraqui k'ara cayusa saramti; ajanumsa jan ch'okantasimti mä cunatsa t'akhescasma uqhama, uca horasanacan mank'aña t'ant'sti janiraqui mank'amti.”

Ezequiel 24:22

Jumanacasti cuntejj nayajj lurcta uqhamaracwa lurapjjäta, janiw ajanunacamsa ch'okt'asipcätati uqhamat aykonañacama uñacht'ayañataqui, uqhamaraqui uca horasanacan cuna t'ant'atejj mank'atäqui ucsa janiw mank'apcaraquïtati.

Levítico 13:45

“Qhititejj lepra usu llaganacanïqui ucanacasti isinacapjja ch'iyanokatwa apjjapjjañapa, p'ekepasti k'araquiraqui, ucat ajanupajja chicat imt'ata, aqham sasaw arnakasini: “K'añütwa, k'añütwa” sasa.

Amós 8:11

Urunacasti jutasquiwa” siw Dios Tatitojja. “Uca urunacaw orakerojj mach'a apayanëjja; janiw mank'aña mach'äcanisa, ni umat pharjayasiñäcanisa, jan ucasti Tatitun arupat ist'aña mach'äniwa.

Miqueas 3:4

Mä uruw jumanacajj Tatiturojj arnakasipjjätajja, ucampis jupajj janiw jumanacarojj ist'apcätamti. Qhaya urunacansti jumanacatjja imantasjjaniwa, ñankhanaca lurapjjatanacam laycu.

Miqueas 7:16

¡Yakha marcanacajj uñjapjjaracpan, ucatsti wali p'enkasipjjaracpan, munañanïpcchi ucasa! ¡Okara, amuturaqui tucjjapjjpan!

Zacarías 13:4

Qhä urunwa profetanacajj p'enkasipjjanejja unañchäwinacapat parlapcani ucqhajja. Janiw qhitis uchascaniti profetanacan lip'ichinacat lurat isipjja sallkjañataquejja,

1 Samuel 14:37

Ucat Saúl reyejj Diosaru jisct'i: “¿Filisteonacarojj arcnakäti? ¿Jupanacarusti israelitanacan amparaparuti catuyäta?” sasa. Ucampis Tatitojj janiw uca urojj cunsa juparojj jaysancänti.

1 Samuel 28:15

Ucat Samuelojj saraquïna: —¿Cunataquis sarnakayista, nayar jawsayasa? —sasa. Saúl reyisti saraquïnwa: —Wali llact'ataw uñjasta, filisteonacaw naya contra sayt'apjje, Diosasti apanucjjaraquituwa. Janiraquiw mayisitajjarus ist'cjjetuti, profetanac toksa ni samca toksa. Ucat jawsaysma, cunatejj lurañajjäqui uc sañamataqui —sasa.

1 Samuel 28:6

Ucatwa Tatituru jisct'asïna, ucampisa Tatitojj juparojj janiw ist'cänti ni samcansa, ni urim toksa, ni profetanaca toksa.

1 Samuel 9:9

(Nayrapachanacanjja mä israelita jakejj cunsa Diosar jisct'asiñ munirïna ucapachajj sapjjerïnwa: “Uñjirin ucar sarañäni” sasa. Jichhajj qhititejj “profeta” satäqui ucajj nayrajj “uñjiri” satänwa.)