Miqueas 3:2 - Qullan Arunaca

² Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Aymar Bibliia 1986

² Ucampis cunatejj asquïqui ucjja uñisipjjtawa, ñankhäqui ucwa munapjjaractajja. Marcajjarusti lluch'supjjaractawa, k'ara ch'aqha jaytapjjaractajja.

Qullan Arunaka DC

² Ukampis kunatix askïki ukxa uñisipxtawa, ñanqhäki uk munapxtaxa; markaxarux q'al lluch'supxtaxa, q'ara ch'akhak jaytapxtaxa.

Miqueas 3:2 Jak'a apnaqawi uñst'ayäwi

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Salmos 15:4

qhititejj ñankha lurañarojj jisc'achqui uca, Tatitur ajjsartirirus jach'añchqui uca, qhititejj jan walir purcasas arsutap phokqui uca;

Salmos 53:4

Ñankha luririnacajj jan amuyunïpjjewa, marcajjar t'ant'jam mank'antirinacajj jan amuyt'anïpjjewa, Diosar jan art'asirinacajj jan amuyt'asirïpjjewa.

Proverbios 28:4

Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Isaías 3:15

¿Cuna munañampis marcajjaru t'akhesiyapjjtajja, pobrenacan ajanupsa taquisipjjtajja?” Uqham siw take ch'amani Tatitojja.

Isaías 5:20

¡Ay, cunaquïcani jumanacataquejja qhitinacatejj jan walïqui ucarojj ‘Waliw’ sapcta ucanacataquejja, uqhamaraqui walïqui ucarusti ‘Janiw walïquiti’ sapjjaracta, khansti ch'amacaru tucuyapjjta, ch'amacsti khanaruraqui, c'allc'üqui ucsti mojjsaru, mojjsäqui ucsti c'allc'ururaqui!

Isaías 57:12

Ucampis jichhajj sarnakatamjja khanañchäwa, uca sarnakäwimsti jumajj wali sumäcaspas uqham amuytajja.

Ezequiel 11:7

Ucatpï jichhajj naya Tatitojj sapjjsmajja: Jerusalén marcajj chekpachansa mä phuqhücaspas uqhamäniwa, ucampis aychajj janiw jumanacäpcätati, jan ucasti cawquïri jakenacarutejj jumanacajj jiwarayapcta ucanacäniwa, jumanacarusti phuqhutjja apsupjjämawa.

Ezequiel 22:27

Aca marcan jilïrinacapasti, cunjämatejj kamakenacajj catutanacapjja jisc'a jisc'a wicanokapjjejja uqhamäpjjaraquiwa, wila wartañataquisa, jakenaca jiwarayañataquisa janc'aquïpjjaraquiwa, kamiriptañacwa munasipcaraqui.

Ezequiel 24:4

uca phuqhurusti jisc'a aychanaca ucharaquim, sumäwjanacata, charawjanquiri, jiqhanïwja aycha, ch'aqhanacatsa cawquïritejj sumäqui uca ucharaquim.

Ezequiel 34:3

Jumanacajj leche umt'asipjjtajja, t'awranacatsa isinaca lurasipjjtajja, wali liq'i ovejanacwa qharst'asipjjaractajja, ucampisa janiw oveja tamarojj awatipctati.

Amós 4:1

Ist'apjjam aca arunaca, Basananquir kamir warminaca, qhitinacatejj Samaria kollunacan utjapjjta ucanaca, jumanacasti pobrenacarojj jachayapjjtawa, jan cunanirusti t'akhesiyapjjaractawa, chachanacamarusti “vino apanipjjam umañataqui” sapjjaractawa.

Amós 5:15

¡Jan walïqui ucjja uñisipjjam! ¡Sumäquis ucjja munapjjam! Tribunalanacansti chekapar uñjañajj utjpan; inach uqhamat take ch'amani Tatitu Diosajj qhuyapayasispa Israel marcan jilt'irinacaru.

Miqueas 2:8

Jumanacajj marcajjataquiw sayt'apjjtajja, jakenacatsti isinacapsa aparapjjaractawa jumanacan uñisirinacamäcaspas uqhama.

Miqueas 7:2

Aca orakensti janiraquiw mayni jakes utjcjjeti cheka sarirejja ni Diosatacjamasa; takenis nuwasiñampi lurañ horasacwa suyt'asipqui; maynit maynicamaraquiw aynacht'ayasisipqui.

Miqueas 7:3

Ñankhanac lurañataquisti sintïpjjapuniwa; marca apnakerinacan yanapirinacapasti kollkecwa munasipqui, juesanacasti kollkjja chilltayasipjjaquiwa, munañaninacasti cuntejj munapqui ucrac lurapjje, ucatsti marcarojj jan waliruraquiw irpapjjaraqui.

Sofonías 3:3

Jach'a jilïri jakenacapajj leonanacjamaw wararipjje; juesanacapas aruma sarnaker lobonacjamaw ch'aqhanacsa k'al mank'antapjje, khepärmanthitaqui jan maysa jilt'ayasa.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Juan 18:40

Ucatsti takeniw jach'at art'apjjäna: —¡Ucarojj janiwa! ¡Barrabasaru antutam! —sasa. Barrabasasti mä lunthatänwa.

Juan 7:7

Acapachanquirinacajj janiw jumanacarojj uñisipquiristamti, ucampis nayarojj uñisipjjetuwa, nayan jupanacaru jan wali luratanacap khanañchatajj laycu.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

2 Timoteo 3:3

Jan munasiñanïpjjaniwa uqhamarac jan qhuyapayasiñani, arunac apnakerinaca, jan wali luräwinacapjja janiw apanucupcaniti, wali khorunacäpjjaniwa, asqui luräwinacan uñisirinacaparaquïniwa.