Miqueas 2:7 - Qullan Arunaca

⁷ ¿Maldecitati Jacobon marcapajja? ¿Diosan llamp'usitapasti tucusjjaraquiti? ¿Uqhamti Diosajj luri? ¿Janiti Diosan arunacapasti asquïqui qhititejj sum sarnakqui ucataquisti?

Aymar Bibliia 1986

⁷ ¿Maldecitati Jacobon marcapajja? ¿Diosan llamp'usitapasti tucusjjaraquiti? ¿Uqhamti Diosajj luri? ¿Janiti Diosan arunacapasti asquïqui qhititejj sum sarnakqui ucataquisti?

Qullan Arunaka DC

⁷ Janiw Tatitux phiñasitäkiti sapxtawa, Tatitun luräwipax janiw ukhamäkiti sapxtawa. Khitinakatix askinak lurapki ukanakarux askinak churaraki sapxaraktawa.

Miqueas 2:7 Jak'a apnaqawi uñst'ayäwi

Salmos 119:65

Tatay, aca uywatamarojj asquinacpun churtajja, arsutanacamarjamaw uñjtajja.

Salmos 119:68

Jumajj asquïtawa, asqui luraractajja; leyinacamay yatichita.

Salmos 15:2

Qhititejj juch jan luras jacqui uca, ascpun lurqui uca; qhititejj take chuymamp chekap arsqui uca;

Salmos 18:26

khana chuymanitaquejj khana chuymaniraquïtawa, sallka chuymanitaquisti ch'iqhi chuymanïtawa.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Proverbios 10:29

Asqui luririnacarojj Tatitojj imiwa, ucampis jupajj jan wali luririnacarojj tucjiwa.

Proverbios 10:9

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Proverbios 14:2

Cheka sarnaker jakejj Tatituruw ajjsarti, ucampis jan wali sarnaker jakejja jisc'achiwa.

Proverbios 2:7

Tatitusti cheka, asqui jakeruwa yanapi, arjjataraqui, qhitinacatejj cheka jan pantjasis jacapqui ucanacaru.

Proverbios 28:18

Cheka lurir jakejj jan walt'añatjja khespiyatäniwa, ucampis ñankha jakejja jan walt'añaruwa purini.

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Jeremías 15:16

Cunapachatejj jumajj nayaru parljjayista ucapachajja, arunacamjja nayajj mank'jamwa mank'ayäta; uca arunacamaw chuymajjarojj cusisiyaraquïnjja, nayasti jumancaracstjjaya, take ch'amani Dios Tatitu.

Jeremías 2:4

Jacobon wawanacapa, Israelan take familianacapa, jumanacajj takpachani Tatitun arunacapa ist'apjjam.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Miqueas 3:9

“Ist'apjjam jichhajj aca arunaca Israelan marca apnakerinacapa, uqhamarac jilïrinacapa, jumanacasti cunatejj chekäqui ucjja uñisipjjtawa, uqhamarac cunatejj asqui lurañäqui ucsa maysaruw k'ewipjjtajja.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Números 11:23

Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Mateo 3:8

Jichhasti jumanacajj sumay sarnakapjjam, arrepientisipjjatamatsti asqui luräwinac uñacht'ayapjjaraquim.

Juan 8:39

Jupanacajj sapjjaraquïnwa: —Nanacan awquejjajj Abrahamawa —sasa. Jesusasti jupanacarojj sänwa: —Jumanacatejj chekpachansa Abrahaman wawanacapäpjjasmajja, lurapjjasmawa cuntejj jupajj lurcäna uca.

Romanos 7:13

Uqhamasti, ¿wali sumäquis ucat nayarojj jiwañaru apitojja? ¡Janiwa uqhamäquiti! Juchawa nayarojj jiwañar apirejja, uqhamatwa jupajj uñacht'ayasi juchätapa. Cunatejj asquïqui uca toketaracwa jupajj uc luri, uqhamataracwa leyejj uñacht'ayasi juchajj jan walïtapa.

2 Corintios 6:12

Janiw cunsa jumanacatjja imt'apcsmati; jan ucasti, jumanacaw cunsa nanacatjj imt'asipjjtajja.

2 Timoteo 3:5

Suma Dios chuymäcaspas uqhamaw tucupjjani, ucampis chekpach Diosar arcañan ch'amapjja apanucupjjaniwa. Uca casta jakenacampejj jan cunans mayachasimti.