Miqueas 2:11 - Qullan Arunaca

¹¹ Maynitejj c'ari arunac parlaspa, ucat saraquispa: ‘Vinompi umañampiw utjani’ sasa, uca c'ari profetataquiw aca marcajja.

Aymar Bibliia 1986

¹¹ Maynitejj c'ari arunac parlaspa, ucat saraquispa: —Vinompi umañampiw utjani —sasa, uca c'ari profetataquiw aca marcajja.

Qullan Arunaka DC

¹¹ Maynitix k'ari arunak parlaspa, ukat sarakispa: “Vinompi yaqha umañanakampitix utjani ukkhakiw jutir urunakatxa sapxäma” sasa, jumanakax uka k'ari profetanakampix kusisitakïpxasmawa.

Miqueas 2:11 Jak'a apnaqawi uñst'ayäwi

1 Reyes 13:18

Ucampis awqui profetajj sascaquïnwa: —Nayajj jumjama profetaraquïtwa, ucatsti Tatit toketa mä angelawa parlitu nayajja utajjaru irpasina mank'a, uma churañajjataqui —sasa. Uca awqui profetajj c'ariscchïna ucasa,

1 Reyes 22:6

Israelan reyipasti profetanacaruw tantachäna, ucanacasti niya pusi patacäpjjänwa, ucatwa jupanacarojj jisct'äna: —¿Sariristti, janicha, Galaadanquir Ramot ucarojja? —sasa. Ucatsti jupanacajj ucjjarojj sapjjänwa: —Nuwasir sarascaquim, Tatituwa catuyätam —sasa.

Job 31:5

“Nayajj juramentompiw arsta, janiw qhitirus ñankha amtañampi cuns lurcti, janiraquiw qhitirus sallkjañ amtctti.

Proverbios 25:14

Jan cuna churcasa: “Nayajj churtwa” sasa jach'achasiri jakejj; mä thayjamawa thayi, jan uman kenayar uñtatjamaraquiwa.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 9:15

(P'ekejj jilïri irpiri jakenacawa, wich'inqhasti, c'ari yatichiri profetanacaraquiwa.)

Jeremías 14:14

Ucatsti Tatitojj saraquituwa: “Uctejj profetanacajj nayan sutejjaru sasipcchejja, ucapachajj c'arisipjjewa. Janiw nayajj jupanacaru qhitancti, janiw cuna arojjsa churcaractti, ni jupanacarojj cunsa siscaractti. Ucanacajj c'ari yatiyäwinacaquiwa, c'ari uñjäwinacac parlapjjaraqui, jupanacan amtatanacaparu parlapjjatapaquiwa. Ucanacacwa uca profetanacajj yatiyapjjejja.

Jeremías 23:14

Jerusalenanquir profetanacarusti nayaw uñjta, ajjtascañ luräwinaca lurasipquiri: Wachok juchanac lurapjje, lunthatapjjaraqui, janiraquiw maynis ñankha lurañanacapjja apanucquiti. Jupanacasa, marcan jaquirinacasa, nayataquejj Sodoma, Gomorra marcanacjamäpjjewa.

Jeremías 23:17

Arunacajjaru jisc'achirinacarusti sapjjaraquiwa: ‘Take cunas waliquïscaniwa’ sasa. Qhitinacatejj chuymanacapan jan wali amtatanacaparuqui arcapjje ucanacarusti sapjjaraquiwa: ‘Janiw cuna jan walis jutcätamti’ ” sasa.

Jeremías 23:25

“Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Jeremías 23:32

Nayajj cawquïri profetanacatejj uca c'ari samcanacapa parlasajj marcajjaru maysaru saranucuyapjje ucanac tokew sayt'ta. Janiw nayajj jupanacaru qhitancti, janiraquiw cuna casta arunacsa churcaractti, uqhamasti jupanacajj janiw marcajjarojj yanapt'apcaspati. Naya Tatituw ucjja arsta.

Jeremías 28:15

Uqhamasti Jeremiasajj Hananiasarojj sänwa: ¡Hananías, aca arunac ist'am! Janiw jumarojj Tatitojj qhitanctamti, ucampisa jumajj c'ari arunacwa aca marcarojj yatiyascaractajja, mä c'ari suyt'äwi churasajja.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Lamentaciones 2:14

Cuna uñjäwinactejj profetanacamajj yatiycäyätam ucanacajj mä c'ari arunacaquïnwa. Juman juchamsti janiraquiw khanaru apsupcänti, uqhamat juman cutiquipstañamataquejja; c'ari uñjäwinacwa jumarojj yatiyapjjäyätamjja, ucanacarusti jumajj iyawsaraquïyätawa.

Ezequiel 13:22

Jumanacajj c'arisiñanacamampejj asqui jakenacarojj llajlla tucuyapjjtajja, uca lurañsti janiw nayajj muncäyätti, ucampisa ñankha lurir jakenacarojj juc'ampi ch'amañcht'apjjaractajja juc'ampi jan wali luräwinaca lurapjjañanacapataqui, uqhamat nayajj jan jupanacaru jacañ churañajjataqui.

Oseas 7:14

Iquiñansti wararisipcaraquiwa, ucampis janiw take chuyma nayar art'asinipquituti, nayat trigsa, vinsa mayiñataquejj yakha diosani jakenacjamaw chhojjriñchnokasipjje. ¡Naya contraw sayt'asipjjaraqui!

Miqueas 3:11

Marcanquir juesanacasti kollke chilltayasipjjaraquejja, sacerdotenacasti kollke laycuquiraquiw yatichapjje, profetanacasti profecía arunacapjja aljapjjaraquiwa; ucatsti parlapjjaraquiwa Tatitojj jupanacampïcaspa uqhama, sapjjaraquiwa: ‘Tatituw jiwasampïsqui, janiw cuna jan walis pasquistaspati’ sasa.

Miqueas 3:5

“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.