Miqueas 1:4 - Qullan Arunaca

⁴ Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Aymar Bibliia 1986

⁴ Jupan jutataparusti kollunacajj pampaw tucuni, cunjämatejj liq'ejj ninar uñacht'ayatajj umatatqui uqhama, vallenacasti payaruw jist'jtapjjani, jalquir uman qharjatjama.

Qullan Arunaka DC

⁴ Jupan takt'ataparusti qullunakax pampaw tukuni, kunjämatix lik'ix ninar apxatatax umatatki ukhama, qhirwa aynachanakas jalkir uman kharjatjamaw payar jist'jtani.

Miqueas 1:4 Jak'a apnaqawi uñst'ayäwi

Salmos 46:6

Marcanacajj ojjopjjewa, reyinacajj qhathatipjjewa, orakejj qhathatiwa, ch'aman arup ist'asiyqui ucapachajja.

Salmos 68:2

jiwk'er uñtataw chhaktapjje, ninamp umatatayat liq'jamaw umatatapjje, ñankha lurir jakenacajj Diosan nayrakatapan tucusipjje.

Salmos 97:5

Kollunacajj liq'ir uñtataw umatati, takpach orakenin nayrakatapana.

Amós 9:5

Tatitu take ch'amani Diosajja, orakeruw tact'i, ucatsti orakejj umatatiwa, jakenacapasti takeniw jachapjje. Cunjämatï Nilo sat jawiranjj umajj jiljjataraqui wañakaraqui, uqhamaraquiw uñstani chhactaraquini.

Nahúm 1:5

Jupa nayrakatanjja kollunacas qhathatipjjiwa; nayräjjapansti jisc'a kollunacas chullutatawayjjaquiwa. Take aca orakpacharaquiw jupar uñjasajj qhathati, uqhamarac aca oraken jaquirinacasa.

Habacuc 3:10

Jum uñjasajj jach'a kollunacas qhathatipjjewa, umanacas walipuniw waraktani, jach'a kotasa warariwa, uqhamaraqui jach'anacaw mathapinacajj sartaraqui.

Habacuc 3:6

Cunapachatï jupajj sayt'qui ucqhajj orakes qhathatiwa; uñtäwipampejj marcanacarus qhathatiyaraquiwa; nayrapacha jach'a kollunacasa allthaptaraquiwa, jisc'a kollunacas ina ch'usaruraquiw tucupjje. Ucampis Diosan thaquinacapajj wiñayataquipuniwa.

Zacarías 14:4

Uca uruw Tatitojj cayup tact'asinejja Olivos kollu patjjarojja, ucasti Jerusalén uñcatasinquiwa, inti jalsu tokena. Mä jach'a valleraquiw jist'artaraquini inti jalsut jalanta tokeru, payaruraquiw jaljtayanejja Olivos kollurojja. Chicat kollusti jitt'araquiniwa amsta tokeru, maynïr chicatasti aynacha tokeruraqui.

Apocalipsis 20:11

Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Jueces 5:4

“Dios Tata, Seir sat chekat mistuwaycta ucqhasti; uqhamarac Edom sat chekaru sarcta ucqhajja, orakes qhathatïnwa, alajjpachasti chhijthaptaraquïnwa; kenayatsa jalluraquiw purintaraquïna.