Mateo 9:36 - Qullan Arunaca

³⁶ Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Aymar Bibliia 1986

³⁶ Walja jakenac uñjasinsti, Jesusajj jupanacatjja qhuyapt'ayasïnwa, jupanacasti wali llaquitäpjjänwa, t'akhesitäpjjaraquïnwa jan awatirin ovejanacjama.

Qullan Arunaka DC

³⁶ Walja jaqinak uñjasinsti, Jesusax jupanakat khuyapt'ayasïnwa, jupanakasti jan awatirin ovejanakjam wali llakt'ata, t'aqhisitäpxänwa.

Mateo 9:36 Jak'a apnaqawi uñst'ayäwi

1 Reyes 22:17

Ucatsti Micaiasajj sänwa: —Uñjtwa take israelita jakenacaru kolluna ananucutäsquiri, jan awatirini ovejanacar uñtata. Ucatjja Tatitojj aqham siwa: ‘Acanacajj janiw awatirinïpquiti; sapa maynisa samarañanaqui utaparcama cutt'pan’ —sasa.

2 Crónicas 18:16

Ucjjarojja Micaíasajj sänwa: —Nayajj take Israel jakenacaruwa kollunacana ananucuta ujta, jan awatirini ovejanacar uñtata. Ucatsti Tatitojj siwa: ‘Acanacajja janiw awatirinïquiti; sapa maynisa sumaqui utanacapar cutt'jjapjjpan’ —sasa.

Isaías 13:14

“Uca urunjja jakejj alisnakat taruja animaljamäniwa, jan ucajj ananucut tamjama, janiraquiw qhitis jupanacarojj mayjaru anthapirejj utjquiti. Sapakat mayniw marcapar cuttjjaraquini, pachpa orakeparuw jaltjjapjjani.

Jeremías 50:6

“Marcajjasti chhakat ovejanacjamaw sarani, jan wali awatirinacapan irpata, uca awatirinacasti monte tokenacanwa ananucupjjänjja. Mä kollut mä kolluruw sarapjjänjja, pachpa uyunacapatsa armasjjapjjaraquïnwa.

Zacarías 10:2

Yakha diosanacan arupajj c'ariwa, cuntejj yatirinacajj uñjapqui ucajj c'ariwa. Arsutanacapajj inamay samcanacaquiwa, chuymachasiñ arunacapasti ina ch'usaquiwa. Ucatwa marcajj uywa tamar uñtata inac aywinakjjejja, awatirinacjamaw t'akhesisquejja.

Zacarías 11:16

Nayasti aca marcataquejj mä awatiri uchäjja, ucatsti jalanucut ovejanacat jan yäkasirïniwa, chhakatanacsti jan thakeriraqui, chhojjrintatsti jan kollt'iriraqui, t'uqhanacarus jan mank'ayiriraqui, jan ucasti suma liq'inacatwa aycha mank'anejja, ucanacan chhuchhullinacapsa janiw jilt'aycaniti.

Mateo 10:6

Jan ucasti sarapjjam, Israel marcat chhakatäquis uca ovejanacaru.

Mateo 14:14

Botet mistusinsti Jesusajj uñjänwa walja jakenacan ucancatapa. Jupasti uca jakenac uñjasinjja qhuyapt'ayasïnwa, ucatwa usutanacarus kollaraquïna.

Mateo 15:24

Ucapachaw Jesusajj saraquïna: —Diosajj qhitanituwa Israel marcan chhakatäquis uca ovejanacar thakeri —sasa.

Mateo 15:32

Ucapachaw Jesusajj discipulonacaparojj jawsthapïna, ucatsti saraquïnwa: —Take aca jakenacatjja wali qhuyapt'ayasta, niyaraquiw quimsüröjje aca jakenacan nayampi acancatapajja, janiraquiw cuna mank'añas jupanacan utjquiti. Janiraquiw jan mank'atsa utanacaparojj qhitanucuñ muncti, inampis thaquin sarcasajj jan ch'amani thayjtjjapjjaspan —sasa.

Marcos 6:34

Jesusasti botet mistusinjja, walja jakenacaruw uñjäna. Jupanacatsti qhuyapt'ayasïnwa jan awatirin ovejanacjamäpjjatap laycu. Ucatsti walja yatichäwinac yatichañ kalltäna.

Marcos 8:2

—Aca jakenacatjja walpun qhuyapt'ayasta, jupanacasti quimsa uruw nayamp chicäjjapjje, janiraquiw cuna mank'añanacapas utjquiti.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 5:2

Cunjämtejj pachpa sacerdotejj janchin t'uqhasiñanacapjja t'akhesi, ucatwa qhuyapt'ayasiraquispa jan amuyt'irinacatsa, uqhamarac saranucutanacatsa.