Mateo 9:33 - Qullan Arunaca

³³ Ñankha ajayurojj Jesusajj ankaruw alissüna, uca jakesti ucspacharaquiw parlañ kalltäna. Jakenacasti wal muspharapjjäna, sapjjaraquïnwa: —Janipuniw cunapachas uqham uñjirïctanti aca Israel marcanjja —sasa.

Aymar Bibliia 1986

³³ Ñankha ajayurojj Jesusajj ankaruw alissüna, uca jakesti ucspacharaquiw parlañ kalltäna. Jakenacasti wal muspharapjjäna, sapjjaraquïnwa: —Janipuniw cunapachas uqham uñjirïctanti aca Israel marcanjja —sasa.

Qullan Arunaka DC

³³ Jesusan ñanqha ajayur alissutapatsti, uka jaqix ukspachaw parlañ qalltäna. Jaqinakasti uk uñjasin wal muspharapxäna, sapxarakïnwa: —Janipuniw kunapachas Israel markan ukham uñjirïktanti —sasa.

Mateo 9:33 Jak'a apnaqawi uñst'ayäwi

2 Reyes 5:8

Eliseo profetajj reyin uca carta catokasina isipa ch'iyanokasitap yatisinjja, qhitänwa aqham siri: “¿Cunatsa isima ch'iyanokastajja? Uca chachajja nayar uñjir jutpan, ucatsti yatïtawa Israelana mä profeta utjatapa” sasa.

Salmos 76:1

Diosajj Judá oraken uñt'atawa, sutipajj Israel marcan wali aytatawa;

Isaías 35:6

suchunacasti taruja kallunacjamaw sinc'usipjjani, amutunacasti arnakasipjjaraquiniwa. Wasara waña orakensti umajj walpun jalsuni mä jach'a jawirjama tucusa.

Jeremías 32:20

Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Mateo 8:10

Uc ist'asinsti Jesusajj wali musphataw uñjasïna, jupar arquirinacaparusti saraquïnwa: —Khanacwa sapjjsma, aca israelitanac taypinjja janiw aca chachjam iyawsañanjja maynsa jicjjatcti.

Mateo 9:32

Jupanaca ucqhat mistunisipquipanjja mä kawkha jakenacaw Jesusan ucar mä amuturu irpanipjjäna, ucasti ñankha ajayun mantataraquïnwa.

Marcos 2:12

Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.

Lucas 11:14

Mä jaker amuct'aycatayn uca ñankha ajaywa Jesusajj alissuscäna. Cunapachatï ñankha ajayojj mistjjän ucqhajj uca amutojj parljjänwa. Jakenacasti ucatjja wal muspharasipjjäna.

Lucas 7:9

Uc ist'asinsti Jesusajj wali muspharataw uca jaketjj uñjasïna, ucat jupar arquir jakenacaru uñtasinjja saraqui: —Chekpachansa, janiw israelitanac taypinsa aca jakjam wali iyawsañanjj jicjjatcti —sasa.