Mateo 8:20 - Qullan Arunaca

²⁰ Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Aymar Bibliia 1986

²⁰ Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Qullan Arunaka DC

²⁰ Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Mateo 8:20 Jak'a apnaqawi uñst'ayäwi

Salmos 104:12

Jawir jac'anacan jamach'inacajj jacasipjje, layminac taypin chhiwekepjjaraqui.

Salmos 104:17

Uca kokanacanjja, jisc'a jamach'inacamppachaw tapachasipjje, cigüeña jamach'inacasti ucan jacasipjjaraqui.

Salmos 109:22

Nayajj aynacht'at mayjasir jakëtwa, chuymajjas p'aquintataraquiwa;

Salmos 40:17

Tatay, nayajj jan cunanïtwa, llaquitaraquïtwa, janiquiy nayat armasistati; jumaw nayan arjjatirejjätajja, khespiyasiñajjätasa: ¡Diosajjay, janc'aquiy jutam!

Salmos 69:29

Naya llaquit usuntat jakerusti, Diosajjay, khespiyäwimajj waytaquitpanaya.

Salmos 84:3

Take ch'aman Tatitojjay, Reyejjay, Diosajjay, jamach'inacamppachaw jac'aman tapacht'asi, golondrina jamach'isti, chhiwlinacapataquejj altaraman tap jicjjataraqui.

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Mateo 12:32

Qhititejj Jaken Yokap contra parlcan ucajja, perdonatäniwa, ucampis qhititejj Kollan Ajayu contra jan walinac parlcanejja, janiw perdonatäcaniti, acapachansa ni qhäpachansa.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.

Mateo 12:8

Uqhamajj Jaken Yokapajj samarañ urjjarus munañaniraquiwa.

Mateo 13:37

Ucapachaw Jesusajj jupanacarojj sï: —Qhititejj suma jatha satqui ucajja Jaken Yokapawa,

Mateo 16:13

Cunapachatejj Jesusajj Cesarea de Filipo satäquis ucqharu purcän ucapachajj discipulonacaparuw jisct'äna: —¿Qhitiw sapjjetus jakenacajj naya Jaken Yokaparojja? —sasa.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 17:9

Uca kollut sarakasincasinjja Jesusajj aqham sasaw jupanacarojj sawayi: —Janiw qhitirus aca uñjäwi yatiyapjjätati, cunürutejj Jaken Yokapajj jiwatanac taypita jactcani ucürcama.

Mateo 19:28

Jesusasti juparojj sänwa: —Khanacwa sapjjsma, cunapachatejj take cunas wasitat machak lurascan ucqhajja, cunapachatejj Jaken Yokapajj konuñapjjar kont'ascan ucqhajja, jumanacan nayaru arcatam laycojja tunca payan konuñaruraquiw kont'asipjjäta ucat tunca payani Israel tribüquis ucar taripañataqui.

Marcos 8:38

Maynitejj nayatsa arunacapjjatsa p'enkasinejja aca jucharar jakenacan nayrakatapanjja, Jaken Yokapajj jupatjja p'enkasiraquiniwa cunapachatï Awquipan jach'a cancañapampi, kollan angelanacapampi jutcan ucqhajja.

Lucas 12:8

“Sapjjsmawa, take qhititejj jakenac nayrakatan nayat arsunejja, Jaken Yokapasti uqhamaraquiw Diosan angelanacap nayrakatanjj jupanacatjj arsuraqui.

Lucas 18:8

Jumanacarusti sapjjsmawa, janc'aquiw arjjatani. Ucampis cunapachatejj Jaken Yokapajj jutcani ucqhajja ¿jicjjataniti iyawsañan jakenacjja aca orakenjja?”

Lucas 2:12

Acäniw chimpojja, jumanacajj wawarojj wawa isinacamp q'irt'atwa mä uywa mank'añawjan iquisquir jicjjatapjjäta —sasa.

Lucas 2:16

Jupanacasti janc'aquiw sarapjjäna, ucat Mariampir Joseampiru jicjjatapjjäna, asu wawarusti uywa mank'añawjana iquisquir jicjjatapjjaraquïna.

Lucas 2:7

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Lucas 8:3

Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Lucas 9:58

Jesusajj saraquiwa: —Kamakenacajj putunacaniw, jamach'inacas tapaniraquiwa, ucampis jaken Yokapanjj janiw cawqhar p'ekepa samart'ayañataquis utjquiti.

Juan 1:51

Jesusajj sascaquïnwa: —Khanacwa sapjjsma, jumanacajj uñjapjjätawa alajjpach jist'arata, Diosan angelanacaparusti maqhatquiri, uqhamarac Jaken Yokapjjaru sarakasinquiri —sasa.

Juan 12:34

Ucjjarojj jakenacajj sapjjaraquïnwa: —Nanacajj ist'apjjtwa ley libronacajj toke: ‘Cristojj wiñayataquiw jacani’ siri. ¿Cunjämsa jumajj sista: ‘Jaken Yokapajj aptatäñapawa’ sasajja? ¿Qhitis uca Jaken Yokapajja? —sasa.

Juan 13:31

Judas mistjjepansti, Jesusajj sänwa: —Jichhajj Jaken Yokapan jach'a cancañapajj uñstiwa, Diosan jach'a cancañapasti jupjjanwa uñstaraqui.

Juan 3:13

Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Juan 3:14

Cunjämtï Moisesajj wasaran catari aptäna, uqhamaraquiw Jaken Yokapajj aptatäni.

Juan 6:27

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Juan 6:53

Jesusasti jupanacarojj sänwa: —Khanacwa sapjjsma, jumanacatejj jan Jaken Yokapan janchipat mank'apcätajja, janirac wilapsa umapcäta ucajja janiw jacañanïpcätati.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

Hechos 7:56

Ucatsti saraquïnwa: “¡Uñtapjjam! Nayajj alajjpachanac jist'arat uñjta. Jaken Yokaparusti Diosan cupëjjapancasquiri uñjaracta” sasa.

2 Corintios 8:9

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.