Mateo 7:13 - Qullan Arunaca

¹³ “C'ullc'u puncu toke mantapjjam. Chhakhañaru irpiri thaquisti anchowa, puncupasti wali anchoraquiwa; waljaniraquiwa uca toke mantasipqui.

Aymar Bibliia 1986

¹³ “C'ullc'u puncu toke mantapjjam. Chhakhañaru irpiri thaquisti anchowa, puncupasti wali anchoraquiwa; waljaniraquiwa uca toke mantasipqui.

Qullan Arunaka DC

¹³ “K'ullk'u punku chiq mantapxam. Chhaqhañar irpir thakhimpi, punkumpisti jach'awa; waljanirakiw uka chiq mantapxi;

Mateo 7:13 Jak'a apnaqawi uñst'ayäwi

Génesis 6:12

take jakenacasti jan walëjjapjjapunïnwa. Diosasti uca take ñankha lurañanacajj aca oraker phokhantatäp uñjasinsti,

Génesis 6:5

Cunapachatejj Tatitojj jakenacan sinti jan walinaca lurapjjatap uñjän ucqhajja, uqhamaraqui jakejj ñankha lurañacpuni amtascatapatjja,

Proverbios 16:25

Jaken amuyatapatjja sarnakäwinacapajj walicjamaquiwa, ucampis tucuyapajj jiwañaquiwa.

Proverbios 7:27

Uca warmin utapar sarañasti, jiwañar sarañ thaquiwa.”

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

Isaías 1:9

Take ch'amani Tatitutejj mä kawkhani jiwasanacat jan jilt'aycasapänjja, jichhajj Sodoma, uqhamaraqui Gomorra marcar uñtatäsänwa.

Isaías 35:8

Ucansti mä thaquiw utjaraquini, uca thaquisti “Kollana” satäniwa; qhitinacatejj jan k'omachatäpqui ucanacajj janiw uca cheka pasapcaniti; pisi amuyu jakenacas janiraquiw uca cheka sarnakapcaraquiniti.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Mateo 23:13

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacasti alajjpacha puncjja jist'antapjjtawa yakhanacan jan mantapjjañapataqui; ni jumanacas mantapcaractati ni yakhanacarus mantayapcaractati.

Mateo 25:41

“Ch'ekäjjapancquis ucanacarojj saraquiniwa: ‘Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”

Mateo 3:2

Saraquïnwa: “¡Take jan wali luratanacamatjja arrepientisipjjam, Diosan reinopaw jac'ancjje!” sasa.

Mateo 3:8

Jichhasti jumanacajj sumay sarnakapjjam, arrepientisipjjatamatsti asqui luräwinac uñacht'ayapjjaraquim.

Mateo 7:14

Jacañaru irpiri thaquisti wali c'ullc'uwa, puncupas uca quicpa c'ullc'uraquiwa, juc'aniquiraquiw ucarojj mantapjje.

Lucas 14:33

Uqhamajja, cawquïritejj jumanacat take cunapsa jan jaytcani ucajja, janiw discipulojjäcaspati.

Lucas 9:33

Cunapachatï uca jakenacajj Jesusat jithektawayasipcäna ucqhawa, Pedrojj säna: —Yatichiri, sumaw acancatasajja. Quimsa chhujlla lurapjjä; mayjj jumataqui, mayrac Moisesataqui, maysti Eliasataqui —sasa. Pedrosti janiw cun satapsa amuyascänti.

Juan 10:9

Nayätwa puncojja; qhititejj naya chek mantcani ucajja, khespiyatäniwa. Cunjämatejj mä ovejajj uyuru manti, misturaqui, ucatsti pastonac jicjjataraqui, uqhamäniwa.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

Romanos 9:22

¿Diosataquisti cunaraqui, jupatejj mutuñsa mä yatichäwi toke churañ munchi ucasti? Chekpachansa jupajj wali llamp'u chuymampiwa jakenacarojj uñji, jakenacajj jach'a mutuña catokañapa waquiscchïna t'unjatäñataqui ucasa, uqham toke Diosajj ch'amanïtapa uñacht'ayasiña munasa.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Gálatas 5:24

Qhitinacatejj Cristoncjjapjje ucanacajja, janchin munañanacapjja ch'accatjjapjjewa ñankha amtañanacampi, uqhamarac munañanacapamp chica.

Filipenses 3:19

Khepa urunacanjja acanacajj tucjatäniwa, ucanacan diosapasti jupanacan quipca munañanacapaquiwa. Jupanacasti p'enkasiñäqui ucatsti wali jach'a jach'araquiw tucupjje. Acapach yänacatacwa wal lup'isipcaraqui.

1 Juan 5:19

Yattanwa Diosanquirïtasa, uqhamarac take aca orakpacha Supayan munañapancatapa.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Apocalipsis 20:15

Ucar jakontatäpjjaraquïnwa qhitinacatï jacañ libron jan kellkatäpcäns ucanacajja.

Apocalipsis 20:3

Ucatsti mankhapacha ch'amacaruw jakontäna, jist'antaraquïna. Mä sellompiw selljjatawayaraquïna, uqhamata jan marcanacaru sallkjascañapataqui warank mara phokhasiñapcama. Warank mara pasatatsti mä juc'a tiempotaqui antutataraquïniwa.