Mateo 5:46 - Qullan Arunaca

⁴⁶ Jumanacatejj munapjjsta qhitinacatejj jumar munapctam ucanacaruqui ucajja, ¿cuna asquirac catokapjjätasti? Impuesto cobririnacasa uca quipcracwa lurasipqui.

Aymar Bibliia 1986

⁴⁶ Jumanacatejj munapjjsta qhitinacatejj jumar munapctam ucanacaruqui ucajja, ¿cuna asquirac catokapjjätasti? Impuesto cobririnacasa uca quipcracwa lurasipqui.

Qullan Arunaka DC

⁴⁶ Jumanakatix munasipktam ukanakaruki munapxsta ukaxa, ¿kuna askirak katuqapxätasti? Roma markatak qullqi apthapirinakas uka kipka lurapxaraki.

Mateo 5:46 Jak'a apnaqawi uñst'ayäwi

Mateo 11:19

Ucjjarusti naya, Jaken Yokaparaquiw, jutta. Nayasti mank'aractwa, umaractwa. Ucatsti jumanacajj sapjjaraquistawa: ‘Ancha mank'eriw, umiriraquiw, impuesto cobririnacana, uqhamarac juchararanacampin amigopaw’ sasa. Ucampis Diosan yatiñapajj luräwinacap tokew uñacht'ayasi.”

Mateo 18:17

Janipuni jupanacarus ist'cjjani ucasti iglespachar jawsthapim, ucat janiraqui jupanacarus ist'cjjani ucasti, Diosar jan iyawsquis uqhamaru uñj-jjapjjam, jan ucajj impuesto cobrir uñisita jakerjamasa.

Mateo 5:47

Uqhamaraqui jilanacamaruquitejj aruntasipcsta ucajja, ¿cuna suma asquirac lurapjjta? Diosar jan uñt'iris ucjja luraraquiwa.

Mateo 6:1

“Jan jaken uñjatäñataquiqui Diosanquirjam, tucupjjamti. Uqham lurapjjät ucqhasti, alajjpachanquir Awquimajj janiw cuna churäwsa churapcätamti.

Marcos 2:15

Uca khepatsti Jesusajj uca Leví sat jaken utapar mank'er jawsatänwa. Jupampisti walja impuesto cobririnacampi, yakha jucharar jakenacamp cunaraquiw purinipjjaraquïna. Jupanacasti Jesusan discipulonacapamp chicaraquiw mank'añataqui kont'asipjjäna.

Marcos 2:16

Ley yatichirinacampi, fariseonacampisti Jesusar juchararanacamp chic mank'er uñjasinjja, discipulonacaparojj sapjjänwa: —¿Cunjämaraqui yatichirimasti impuesto cobririnacampi yakha jucharar jakenacampi chic mank'esti, [umaraquisti]? —sasa.

Lucas 15:1

Takeniw impuesto cobririnacampi, juchararanacampejj Jesusar jac'achasipjjäna ist'añataqui.

Lucas 18:13

Ucampis impuesto cobrirejj jayaruwa kheparjjäna, janiraquiw alajjpachar uñtañs muncänti, jan ucasti jupapachaquiw chuymap lek'esïna, saraquïnwa: ‘Oh Dios, naya juchararat qhuyapayasita’ sasa.

Lucas 19:2

Ucansti mä kamir jakew utjäna Zaqueo sata, ucasti impuesto cobririnacan jilïripänwa.

Lucas 19:7

Uc uñjasinjja takeniw c'umipjjäna: Jesusajj mä jucharar jaken utaparuw kheparir sari, sasa.

Lucas 3:12

Uqhamaraquiw yakhep impuesto cobriri jakenacajj jutapjjaraquïna bautisayasiñataqui, ucat Juanaru jisct'apjjäna: —Yatichiri, ¿cuns nanacajj lurapjjäjja? —sasa.

Lucas 5:29

Ucjjarusti Leví chachajj utapanjj mä jach'a mank'añ Jesusatac waquiyi. Waljanipuniw impuesto cobririnacampi, yakha jakenacampi, take jupanacamp chica mesan mank'asiñatac kont'asipjjäna.

Lucas 5:30

Ucampis fariseonacampi, ley yatichirinacampejj jisc'achapjjänwa. Jesusan discipulonacaparojj sapjjaraquïnwa: —¿Cunats jumanacajj impuesto cobririnacampi, juchararanacampejj mank'apjjta, umapjjta? —sasa.

Lucas 7:29

Uc ist'asinjja take jakenacas, uqhamarac Juanan bautismop catokeri, impuesto cobririnacasa amuyapjjänwa Diosajj chekätapa.

Lucas 7:34

Ucjjarusti Jaken Yokapaw jutaraqui, jupasti mank'ewa, umaraquiwa, jumanacasti: ‘Wali mank'eri, umiriraquiwa’ sapjjtawa; juchararanacampin, impuesto cobririnacampin amigopawa sapjjaractawa.