Mateo 5:33 - Qullan Arunaca

³³ “Jumanacajj ist'apjjtawa nayra awquinacamaru aqham satäcänsa ucjja: ‘Phokhapunim cuntï juramentompi arscta lurañataqui Tatitun nayrakatapana ucjja’ sasa.

Aymar Bibliia 1986

³³ “Jumanacajj ist'apjjtawa nayra awquinacamaru aqham satäcänsa ucjja: “Phokhapunim cuntï juramentompi arscta lurañataqui Tatitun nayrakatapana ucjja” sasa.

Qullan Arunaka DC

³³ “Jumanakax nayra awkinakamar satäkatayna uk ist'apxaraktawa: ‘Kuntix lurañatak Tatitu nayraqatan juramentompi arskta uk phuqhapunim’ sasa.

Mateo 5:33 Jak'a apnaqawi uñst'ayäwi

Salmos 50:14

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Salmos 76:11

Tatitutac arsupjjam, phokhapjjaraquim, jupan jakenacapa, ajjsarcañ Diosar loktäwinac churapjjam.

Éxodo 20:7

“Janiwa Tatitu Diosaman sutipjja inamayataqui aytasïtati, jupasti inamay sutip aytasirirojj mutuyaquipuniniwa.

Levítico 19:12

“Jan c'ari arsüwinac nayan sutejjaru luramti, uqham lurasajj Tatitu Diosaman sutipwa ñankhachtajja. Nayätwa Tatitojja.

Nahúm 1:15

“¡Uñtapjjam! Niyaw kollunjam jutasqui suman sarnakasiñ yatiyäwinac apanirejja. Judá marca, fiestachasiraquim; arsutanacamsti phokharaquim. Khoru jakenacasti janiw juc'ampi jumar nuwirejj jutcjjapjjaniti; k'ala t'unjatäjjapjjaraquiwa.

Mateo 5:21

“Jumanacajj ist'apjjtawa nayra awquinacamaru aqham satäcänsa ucjja: ‘Janiw jiwayätati, qhititejj jiwayani ucajja juchañchatäniwa’ sasa.

Mateo 5:27

“Ist'apjjaractawa cunatï: ‘Janiw wachoka juchan sarnakätati’ satäcänsa ucjja.

Deuteronomio 23:21

“Cunapachatejj Diosarojj cunsa churä säta ucqhajj, janc'aqui phokham, Diosajj ucanacatjja cuenta mayïtam, ucatsti juchañcharaquïtamwa.

Deuteronomio 23:23

ucampisa jumatejj amtäwimat Tatitu Diosamarojj cunsa churä siscta, ucqhajj arsutamjja phokhañamapuniwa.

Deuteronomio 5:11

‘Janiwa Tatitu Diosaman sutipjja ina ch'usat aytasïtati. Diosasti mutuyaniwa qhitinacatï ina ch'usat sutip aytasqui ucanacarojja.

Deuteronomio 6:13

Jach'añchapjjam jumanacan Tatitu Diosamaru, jupa saparuquiraqui yupaychapjjam, ucatsti cunapachatï juramento lurapjjät ucqhajj Tatitu Diosan sutip aytasisina lurapjjaraquim.

1 Timoteo 1:10

wachoka juchan sarnakerinacataqui, chachapura jan wali sarnakerinacataqui, jak lunthatirinacataqui, c'arinacataqui, c'ari juramento luririnacataqui. Leyejj asqui yatichäwinac toke parlapqui ucanacataquiraquiwa.