Mateo 5:25 - Qullan Arunaca

²⁵ “Maynitejj jumar juezan ucaru apiristam ucajja, jumasti thaquin sarcasajja jupampi sumancthapim, jan juezaru apatäñamataqui, ucatsti juezajj jan jumar policiaru catuyasina carcelt'ayañapataqui.

Aymar Bibliia 1986

²⁵ “Maynitejj jumar juezan ucaru apiristam ucajja, jumasti thaquin sarcasajja jupampi sumancthapim, jan juezaru apatäñamataqui, ucatsti juezajj jan jumar policiaru catuyasina carcelt'ayañapataqui.

Qullan Arunaka DC

²⁵ “Maynitix ‘jan wal lurista’ sas tumpantätam ukaxa, jumasti janïr kunäkipan jupamp sumar mantxam, ukhamat taripirin ukar jan apatäñamataki; jan ukhamäkan ukasti, taripirix katuntirinakar katuyasin carcelt'ayätam.

Mateo 5:25 Jak'a apnaqawi uñst'ayäwi

Job 22:21

“Diosampejj wasitat sumaru mantjjam, ucapachaw kamiri tucjjaraquïta.

Salmos 32:6

Ucatpï jumar art'asir iyawsirinacamarojj jithir umanacas llumintcanejja, janiw camächcaniti.

Proverbios 25:8

Cuntï nayramampi uñjcäta ucjja jan mäqui tribunalaru yatiyiri saramti, yakha testigo jakesti yakharacwa khanañcharaquispa uca laycu, ucatsti jumajj tucuyarojj janiw camachcasmasa.

Mateo 26:58

Pedrosti jayatacwa Jesusarojj arcascäna, uca jilïrin uta ankäjjapar puriñcama. Mantasinsti Pedrojj soldadonacampi chicaraquiw kont'atäscäna, cunjämarutejj ucajj tucuscani uc yatiñataqui.

Lucas 18:3

Uca pachpa marcanjja utjaraquïnwa mä ijma warmi. Jupasti jan inact'asaw aca juezar quejasir sarirïna, uñisirip contra.

2 Corintios 6:2

Arunacapansti saraquiwa: “Mä suma asqui horasanwa ist'sma, khespiyasiñ urunwa yanapt'aracsma” sasa. Jichhapï uca asqui horasajja; jichharaquipï uca khespiyasiñ urojja.

Hebreos 12:17

Yatipjjaractaw cunapachatejj Esaú chachajj bendición awquipat catokañ munäna ucapachajja, janiw churatäcänti, wali jachatapampis janiw cutsuycänti uca luratapatjja.

Hebreos 3:13

Ucampis, maynit maynicam sapüru ch'amacht'asipjjam, jichhüru tiempojj utjquipana, jan qhitis jumanacat juchamp atipjatäñapataqui, ucat chuymapajj jan wal tucuñapataqui.

Hebreos 3:7

Ucatpï, camisatejj Kollan Ajayojj Kellkatan sejja: “Jichhürutejj jumanacajj ist'apjjäta cuntejj Diosajj sisqui ucjja,