Mateo 27:60 - Qullan Arunaca

⁶⁰ Jupataqui waquichatäcänsa uca sepulturaruraquiw imjjäna, ucasti mä karkaru p'iyatänwa. Mä jach'a kalampi puncupar atintawayasinsti sarawayjjänwa.

Aymar Bibliia 1986

⁶⁰ Jupataqui waquichatäcänsa uca sepulturaruraquiw imjjäna, ucasti mä karkaru p'iyatänwa. Mä jach'a kalampi puncupar atintawayasinsti sarawayjjänwa.

Qullan Arunaka DC

⁶⁰ ukatsti jupankïr machaq amay imañaruw imxäna, ukasti qarqaru luratänwa. Ukatsti mä jach'a qalampi mantañ punkur atkatawayasaw sarawayxäna.

Mateo 27:60 Jak'a apnaqawi uñst'ayäwi

Génesis 50:5

Cunapachatejj awquejjajj jiwañampëjjäna ucapachasti, mä juramento lurayitu juparu, cawquïri sepulturatejj Canaán oraken waquichatäqui ucar imayjjañajjataqui. Nayasti achict'astwa, ucar sarañajjataqui, nayan awquejjar imayañajjataqui, ucatsti cuttanjjäwa —sasa.

Isaías 22:16

‘¿Cuns jumajj acan lurta, jan ucajj qhitis jumar aca chekar sepultura lurasiñamatac churtam, mä suma sepultura wali alto chekaru lurasiñamataqui, uqhamaraqui karkarus mä samarañ cheka p'iyasiñamataqui?

Isaías 53:9

Khoru jakenaca jac'aruw imantapjjaraqui, ñankha jakenacampi chicwa imapjjaraqui, jupajj jan cuna ñankha lurirïcchïn ucasa, parlatapansti janiraquiw cuna c'ari arunacas utjcänti.

Mateo 27:59

Joseasti Jesusan jiwat janchipjja mä ko'ma sabanaru llawuntasinwa apjjäna.

Mateo 27:66

Jupanacajj sarasinjja uqhamwa lurapjjäna. Mä sellompiraquiw uca jach'a kaljjarojj sellt'apjjäna. Soldadonacarusti uñjapjjañapataquiw jaytanipjjaraquïna.

Mateo 28:2

Ucatsti acatjamatwa orak qhathatejj sartäna, alajjpachata mä angelan sarakanitap laycu. Sepulturar jac'achasisinjja uca jach'a kaljja apakänwa, ucatsti uca patjjaruraquiw kont'asïna.

Lucas 24:2

Purisinsti, sepulturar atcatatäcän uca kal atekat jicjjatapjjäna.

Juan 11:38

Jesusajj wasitampiw wali ch'alljjtata, imäwiru jac'achasi. Imäwejj mä putuncänwa, mä jach'a kalampi puncut atcatataraquïnwa.

Juan 11:41

Ucatwa kaljja nuqhokapjjäna. Jesusasti alajjpacha uñtasinwa arsu: —Awquiy, yuspagarsmawa nayar ist'atamata.

Juan 19:41

Jesusaru ch'accatapcän uca chekanjja mä huertow utjäna, uca huertonsti mä machak sepulturaw utjaraquïna, ucarusti janïraw qhitis imascataynati.

Juan 20:1

Semana kallta urojja, María Magdalenajja wali albatwa, ch'amac ch'amacäquipana sepulturar uñjir saräna, ucatsti sepulturaru atcatatäcäns uca kaljja atekatwa uñjäna.