Mateo 27:32 - Qullan Arunaca

³² Marcat mistcasinjja mä jakeruw jicjjatapjjäna. Jupasti Cirenenquirïnwa, sutipasti Simón sata. Juparuraquiw Tatitun crusapjja apayapjjäna.

Aymar Bibliia 1986

³² Marcat mistcasinjja mä jakeruw jicjjatapjjäna. Jupasti Cirenenquirïnwa, sutipasti Simón sata. Juparuraquiw Tatitun crusapjja apayapjjäna.

Qullan Arunaka DC

³² Markat mistkasinxa, Cirene markankir Simonaruw jikxatapxäna, juparuw Jesusan cruzap q'ipiyapxäna.

Mateo 27:32 Jak'a apnaqawi uñst'ayäwi

1 Reyes 21:10

Ucjjarusti pä c'ari testigonaca kont'ayapjjaraquim jupan nayrakatapana, ucatsti khanañchayapjjam jupa contra: ‘Diosaru, uqhamarac reyiruwa ñankhachi’ sasa. Ucatsti ankar apsusinjja kalamp c'upjascama jiwayapjjam” sasa.

1 Reyes 21:13

Ucjjarusti purinipjjänwa pä c'ari testigonaca, ucatsti khanañchapjjänwa Nabot chacha contra take jakenacan nayrakatapana: “Diosaru, uqhamarac reyiruw ñankhachi” sasa. Ucatsti marcat apsusinjja kalamp c'upjascamawa jiwayapjjäna.

Levítico 4:12

jan ucajj maypach orko vaca, campamentot ankäjjaruw mä k'oma chekaru apsuwayjjani, cawqhantejj altaran naqhayat liq'i khella warañäqui ucqharu; ucanwa khella montonjjaru lawanac uchasa, nina nactayaraquini.

Levítico 4:21

Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Mateo 16:24

Jesusasti discipulonacaparojj saraquiwa: —Maynitejj nayar arcañ munchitu ucajja, jupa quipcat armt'aspan, ucatsti arquitpan jacañap apt'asirjamäcchi ucasa.

Mateo 5:41

Jumarutejj mä ucch'a k'epiyañ munstam ucajja, mä ucch'ampi jumajj k'epirapim.

Marcos 15:21

Uca horasasti Cirenenquir Simonaw pampat jutascäna, jupasti Alejandrompin Rufompin awquipänwa. Uca chek pasasquipanwa juparojj Jesusan crusapa k'epiyapjjäna.

Lucas 23:26

Jesusar ch'accatir apasipcän ucapachasti Cirenenquiri Simón jakeruw pampat jutasquirir catuntapjjäna, ucat juparojj cruz apjjaruyapjje Jesusan khepap apañapataqui.

Juan 19:17

Jesusasti mistuwayänwa crusap apt'ata, Calavera sat chekar sarañataqui, hebreo arunjja Gólgota satawa.

Hechos 11:20

Chiprenquir, uqhamarac Cirenenquir mä kawkha iyawsirinacaw Antioquiar purisina, jan judionacäpquis ucanacar parlapjjaraquïna, Tatit Jesusanaqui khespiyasiñajj utjatapata.

Hechos 13:1

Antioquía iglesianjja utjaraquïnwa profetanaca, yatichirinaca. Ucanacasti acanacänwa: Bernabé, Simón (qhitirutejj “Negro” sas sutichapjjaraquïna), Cirenenquir Lucio, Manaén (qhititejj Galilea apnakeri Herodesamp chica uywatäcäna uca), Saulomp cuna.

Hechos 2:10

Frigia, Pamfilia, Egipto, uqhamarac Cirenet juc'amp qhursa Africa tokenacatsa. Uqhamaraquiw acan utjir romanonacas acancapjje. Jupanacatjja mayninacajj nacïwipatpach judionacäpjjewa. Yakhepanacasti jan judiöcasin, judionacan arcatanacapar cutiquipstirinacaraquiwa.

Hechos 6:9

Ucapachasti “Antutat Esclavonaca” satäcän ucanacatsti mä kawkhaniw sinagogat Esteban contra sartapjjäna. Uqhamarac yakhep Cirenenquirinacampi, Alejandrianquirinacampi, Asianquirinacamp cuna, Estebanamp jisqhintasiñataqui.

Hechos 7:58

Ucatsti marcat ankäjjar irpsusinwa kalamp c'upjapjjäna. Uc lurir testigonacasti isinacap thatsusisinjja, mä waynaruw catuyapjje. Uca waynasti Saulo sutinïnwa.