Mateo 27:11 - Qullan Arunaca

¹¹ Jesusajj marca apnakerin nayrakatapar irpatänwa. Marca apnakeristi jisct'araquïnwa: —¿Jumätati judionacan reyipajja? —sasa. Jesusasti saraquïnwa: —Uqhamawa, jumaw sistajja —sasa.

Aymar Bibliia 1986

¹¹ Jesusajj marca apnakerin nayrakatapar irpatänwa. Marca apnakeristi jisct'araquïnwa: —¿Jumätati judionacan reyipajja? —sasa. Jesusasti saraquïnwa: —Uqhamawa, jumaw sistajja —sasa.

Qullan Arunaka DC

¹¹ Ukatsti Jesusax marka apnaqirin nayraqatapar irpatänwa, marka apnaqiristi jiskt'arakïnwa: —¿Jumätati judionakan reyipaxa? —sasa. Jesusasti sarakïnwa: —Jumaw sasktaxa —sasa.

Mateo 27:11 Jak'a apnaqawi uñst'ayäwi

Mateo 10:18

Marca apnakerinacan uqhamarac reyinacan nayrakataparus apapjjaraquïtamwa nayan sutejj laycu, uqhamatwa nayatjja jupanacar parlapjjätajja uqhamarac jan judiöpquis uca jakenac nayrakatansa.

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 2:2

Jisct'apjjaraquïnwa: —¿Cawquinquis nasqui uca judionacan reyipajja? Uñjapjjtwa jupan warawarapa inti jalsu tokena, ucatwa jupar yupaychiri jutapjjta —sasa.

Mateo 26:25

Qhititejj aljantcani uca Judasajj aqham saraquïnwa: —Yatichiri, ¿nayätti ucajja? —sasa. Jesusasti juparojj sänwa: —Jïsa, jumätawa —sasa.

Mateo 26:64

Jesusasti saraquïnwa: —Jïsa nayätwa, cunjämtejj jumajj sisctas ucajja. Sapjjaracsmawa, uñjapjjaraquïtawa Jaken Yokaparojj ch'aman Diosan cupëjjapan kont'atäsquiri, uqhamarac alajjpachat kenayjjan sarakasinquiri.

Marcos 14:62

Jesusasti sänwa: —Jïsa, nayätwa. Jumanacajj Jaken Yokaparojj uñjapjjätawa, jach'a ch'aman Diosan cupëjjapan kont'ata, ucatsti alajjpach kenay taypin jutasquiri —sasa.

Lucas 22:70

Ucspachaw takeni jisct'apjjäna: —¿Uqhamasti jumajj Diosan Yokapätati? —sasa. Jesusasti jupanacarojj sänwa: —Jïsa, jumanacpachaw sasipctajja —sasa.

1 Timoteo 6:13

Jichhasti Diosan nayrakatapanaraqui, cawquïritejj take cunaru jacañ churqui ucaru, uqhamarac Jesucriston nayrakatapana, jupasti suma arsüwi khanañcharaqui Poncio Pilaton nayrakatapana. Ewjjsmawa