Mateo 26:8 - Qullan Arunaca

⁸ Discipulonacapasti uc uñjasinjja wal colerasipjjäna, sapjjaraquïnwa: —¿Cunataraqui uqham inamayasti waranucpacha?

Aymar Bibliia 1986

⁸ Discipulonacapasti uc uñjasinjja wal colerasipjjäna, sapjjaraquïnwa: —¿Cunataraqui uqham inamayasti waranucpacha?

Qullan Arunaka DC

⁸ Yatiqirinakapasti uk uñjasin wal thithipxäna, sapxarakïnwa: —¿Kunatarak ina ch'usar uka suma q'apkir qulla waranukusti?

Mateo 26:8 Jak'a apnaqawi uñst'ayäwi

Éxodo 5:17

Ucat faraonajj sänwa: —Jumanacasti jayranacat sipansa wali jayranacäpjjtawa, ucatwa sapjjtajja: ‘Sarjjapjjä Tatitur sacrificionaca loktiri’ sasajja.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Amós 8:5

Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Malaquías 1:13

Jumanacasti sapjjtawa: ‘¡Take acanacampejj karitäjjapjjtanwa!’ sasa. Ucatsti jisc'achapjjaraquistawa. Amuyapjjaractawa nayajj cusisiñampis catokapquirisma uca lunthatat uywanaca, usuta, cojo uywanaca loktanipquista ucanacjja. Jumanacasti ¿‘Catokestaniw’ sapjjtati? Siw take ch'amani Diosajja.

Mateo 20:24

Uqham parlir ist'asinjja tunca discipulonacajj colerasipjjänwa uca paninitaquejja.

Mateo 26:7

Mä warmiraquiw ucanjja Jesusarojj jac'achasïna alabastrot lurat botellar wali jila alani suma k'apquir aceite apt'ata. Cunapachatejj Jesusajj mesan kont'atäscän ucapachaw uca aceitempejj p'ekepar warjjatäna.

Mateo 26:9

Acajj walja kollkeruw aljasisapäna, ucampisti pobrenacar yanapt'atäsapänwa —sasa.

Marcos 14:4

Yakhepanacasti uc uñjasajj colerasipjjänwa. Jupanaccamaraquiw sasipjjäna: —¿Cunataquirac uca suma k'apquir aceitsti inamayatac wartisti?