Mateo 26:47 - Qullan Arunaca

⁴⁷ Uqham Jesusajj parlasquipanwa Judasajj jupan ucar purini, cawquïritejj tunca payanit maynirïcäna uca. Jupampisti walja jakenacaraquiw jutapjjäna, espadanacas apt'ata, lawanacamp cuna. Jupanacasti jutapjjänwa cunjämtejj sacerdotenacan jilïrinacapajj uqhamaraqui chuymani jilïrinacas qhitancatayna uqhamarjamaw lurasipcäna.

Aymar Bibliia 1986

⁴⁷ Uqham Jesusajj parlasquipanwa Judasajj jupan ucar purini, cawquïritejj tunca payanit maynirïcäna uca. Jupampisti walja jakenacaraquiw jutapjjäna, espadanacas apt'ata, lawanacamp cuna. Jupanacasti jutapjjänwa cunjämtejj sacerdotenacan jilïrinacapajj uqhamaraqui chuymani jilïrinacas qhitancatayna uqhamarjamaw lurasipcäna.

Qullan Arunaka DC

⁴⁷ Jesusax parlaskän ukhamaruw Judasax purinïna, jupasti Jesusan tunka payani yatiqiripat maynïrinwa, jupamp chikasti walja jaqinakaw espadanak apt'ata, lawanak ayt'ata purinipxäna. Jupanakarux sacerdotenakan jilïrinakapampi, markan jilïr jaqinakampiw khithanipxatayna.

Mateo 26:47 Jak'a apnaqawi uñst'ayäwi

Mateo 26:14

Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.

Mateo 26:46

Sartasipjjamaya, sarapjjañäni, niyaw jutasqui nayar catuntayirejja.

Mateo 26:48

Jesusar aljantir Judasasti jupanacarojj aqham sasaw yatichanitayna: “Qhitirutejj nayajj jamp'atcäjja ucäniwa, jumanacasti catuntapjjätawa” sasa.

Mateo 26:55

Jesusasti jakenacarojj saraquïnwa: —¿Jumanacajj espadanacampi, lawanacampiti nayar catuntirejj jutapjjtajja, nayajj wali jach'a lunthatäquirist uqhama? Take urunacawa nayajj jumanacampi kont'atäsquirïta templo mankhana yatichasa, janiw cunapachas preso catuntapquistati.

Hechos 1:16

“Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.