Mateo 26:18 - Qullan Arunaca

¹⁸ Jupasti sänwa: —Sarapjjam marcaru, mayni jaken utaparu, ucatsti sapjjaraquim: ‘Yatichirejja aqham siwa: Horasajjaw jac'achasini, utamanracwa discipulonacajjampejj pascua fiestjja pasäjja’ —sasa.

Aymar Bibliia 1986

¹⁸ Jupasti sänwa: —Sarapjjam marcaru, mayni jaken utaparu, ucatsti sapjjaraquim: “Yatichirejja aqham siwa: Horasajjaw jac'achasini, utamanracwa discipulonacajjampejj pascua fiestjja pasäjja” —sasa.

Qullan Arunaka DC

¹⁸ Jupasti sänwa: —Markar sarapxam, jumanakan uñt'at jilatar thaqtapxam, ukatsti juparux sapxam: “Yatichirix akham siwa: Pachaxax jak'ankiwa; nayax utaman Pascua manq'äwi yatiqirinakaxampi manq'añ munta” —sasa.

Mateo 26:18 Jak'a apnaqawi uñst'ayäwi

Mateo 21:3

Ucat qhitis mä cuns sapjjätam ucajja: ‘Tatituw muni ucat irpayanirapjjätamwa sasaw sapjjäta.”

Mateo 23:10

Janiraqui ‘jilïri’ sayasipjjamti, Cristo sapaquiwa jilïrejja.

Mateo 23:8

“Jumanacasti janiw ‘yatichiri’ sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Mateo 26:19

Discipulonacapasti cunjämtejj Jesusajj jupanacar siscänjja uqhamwa lurapjje, pascuan mank'añsti waquichapjjaraquïnwa.

Mateo 26:2

“Cunjämtejj jumanacajj yatipctajja, acat pä urutjja pascua fiestäjjewa. Jaken Yokapasti catuntayatäniwa ucat ch'accatataraquïniwa.”

Mateo 26:49

Purinisinsti jupajj Jesusarojj sänwa: —¡Aruntsmaw Yatichiri! —sasa. Ucatsti jamp'att'araquiwa.

Marcos 5:35

Uqham parlquiriruw, sinagogan jilïrïquis ucan utapat qhitanitanacajj Jairor yatiyir purinipjjäna. —Phuchamajj jiwjjewa. ¿Cunataquirac Jesusarusti inamay ch'am tucuyascätasti? —sasa.

Lucas 22:53

Cunapachatï nayajj sapürus templona jumanacampïscäyäta ucqhajja, janiw catuntapquistati, ucampis jichhajj horasanacamawa, cunapachatï ch'amacajj munañanïqui uca horasawa —sasa.

Juan 11:28

Martajj ucanac arsusinjja María cullacaparu jawsiriw saräna, ucatsti jamasatwa yatiyaraquïna: —Yatichirejj acanquiwa, jawsasctamwa —sasa.

Juan 12:23

Jesusasti ucjjarojj sänwa: —Jaken Yokapan jach'añchatäñap horasajj purinjjewa.

Juan 13:1

Mä uruquejjänwa Pascua fiestataquejja. Jesusajj yatïnwa aca orake jaytjjañapa, uqhamarac Awquipan ucaru sarjjañap horasas purinitapa. Aca orakencqui uca jupanquirinacarojj munasipunïnwa. Uca jach'a munasiñapsti khepacamaraquiw uñacht'ayäna.

Juan 17:1

Ucanac arsusinjja Jesusajj alajjpachwa uñti, ucatsti sänwa: —Awqui, horasajj purinjjewa. Yokamar jach'añchamaya, Wawamajj jumaru jach'añchañapataquiraqui.

Juan 20:16

Jesusajj ucjjarojj sänwa: —¡María! —sasa. Jupasti cutiquipstasinjja, siwa hebreo aruna: —¡Rabuni! —sasa. (Ucasti “Yatichiri” sañ muni.)

Juan 7:30

Ucatsti preso apañ munapjjäna, ucampis janiw qhitis catuntañ yant'cänti horasapajj janïr purincatap laycu.

Juan 7:6

Ucatsti Jesusajj jupanacarojj sänwa: —Janïraw horasajjajj purinquiti, ucampis jumanacataquejj cuna horasas waliquiwa.

Juan 7:8

Jumanacay fiestarojja sarapjjam, janiw nayajj sarcäti. [Janïraw] horasajjajj phokhasquiti —sasa.