Mateo 26:14 - Qullan Arunaca

¹⁴ Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.

Aymar Bibliia 1986

¹⁴ Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.

Qullan Arunaka DC

¹⁴ Tunka payan yatiqirinak taypin mayniw utjäna, Judas Iscariote sutini, jupasti sacerdotenakan jilïrinakapamp parliriw saratayna,

Mateo 26:14 Jak'a apnaqawi uñst'ayäwi

Mateo 10:4

Cananista partidonquir Simón, Jesusar aljantirïquis uca Judas Iscariotempi.

Mateo 26:25

Qhititejj aljantcani uca Judasajj aqham saraquïnwa: —Yatichiri, ¿nayätti ucajja? —sasa. Jesusasti juparojj sänwa: —Jïsa, jumätawa —sasa.

Mateo 26:47

Uqham Jesusajj parlasquipanwa Judasajj jupan ucar purini, cawquïritejj tunca payanit maynirïcäna uca. Jupampisti walja jakenacaraquiw jutapjjäna, espadanacas apt'ata, lawanacamp cuna. Jupanacasti jutapjjänwa cunjämtejj sacerdotenacan jilïrinacapajj uqhamaraqui chuymani jilïrinacas qhitancatayna uqhamarjamaw lurasipcäna.

Mateo 27:3

Aljantir Judasasti, Jesusar jiwayañapatac catuntat uñjasinjja wali llact'asïna catuyatapatjja, ucatwa uca quimsa tunca kollkjja sacerdotenacan jilïriparu chuymani jilïrinacampirojja cutt'ayjjäna.

Juan 12:4

Ucatsti Simonan yokapa Judas Iscariotejja, Jesusan tunca payani discipulonacapatjja maynirïnwa, cawquïritejj Jesusaru aljantañapäcän uquïristi, sänwa:

Juan 13:2

Mank'asipquipansti Supayajj niyawa Simonan yokapa Judas Iscarioten chuymaparojj uchatayna Jesusar aljantañ amtäwjja.

Juan 13:26

Jesusasti sänwa: —Mä jisc'a t'ant'wa juricht'ä, ucat cawquïrirutejj churcä ucawa —sasa. Uqhamwa mä jisc'a t'ant'a juricht'asin Simonan yokapa Judas Iscarioteru churäna.

Juan 13:30

Judasasti t'ant'a mank'antasinjja, mistuwayjjänwa, niya arumäjjaraquïnwa.

Juan 18:2

Aljantiri Judasajj uca chekjja uñjaraquïnwa, Jesusajj walja cuti discipulonacapampi ucawjaru sarirïtap laycu.

Hechos 1:16

“Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

Hechos 1:18

Jupasti ñankha luratapatjja kollke catokäna. Uca kollkempisti mä orak aläna. Ucatsti jupajj jaychcatasisaw p'eket cayuni jalaktasajja, puracas phallata uñjasïna, jiphillanacas allstata.