Mateo 24:48 - Qullan Arunaca

⁴⁸ Ucampis uca uywatatejja jan wali lurcanejja, ucatsti chuymapan saraquini: ‘Utanejjajj janiw janc'a purincaniti’ sasa,

Aymar Bibliia 1986

⁴⁸ Ucampis uca uywatatejja jan wali lurcanejja, ucatsti chuymapan saraquini: “Utanejjajj janiw janc'a purincaniti” sasa,

Qullan Arunaka DC

⁴⁸ Ukampis, uka uywatatix jan wali jaqïspa, ukat chuymapan saspa: Uywirixax janiw jank'as purinkaniti, sasaxa,

Mateo 24:48 Jak'a apnaqawi uñst'ayäwi

2 Reyes 5:26

Eliseosti sascaquïnwa: —¿Cunapachatï uca chachajj carropata sarakäna jumar catokañataqui ucqhajja, nayajj janiti jumamp chica ucqhanccäyäta lup'ïwejjana? Ucampis jichhajj jumajj kollketsa, trucsusiña isinacsa catokantawa, jichhajj alasim huertonaca, uva yapunaca, ovejanaca, orko vacanaca, uywatanacsa chachatsa warmitsa.

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Isaías 32:6

Mä jan wali jakejj jan wali jakenacjamaw parli, chuymapansti jan wali amtäwinacac amtasqui, jake jiwayañac munasipqui, c'ari arunacwa Tatitutaquejj parlapjje. Mank'at awtjat jakerojj jan cunanwa qhitanucupjje, umat pharjatarus janiraquiw ums wajjt'quiti.

Ezequiel 12:22

“¿Cunsa israelitanacajj sañ munapjje uca säwipampejja: ‘Urunacajj pasjjaquiwa, profetan unañchäwi uñjatanacapasti janiw phokhascaraquiti’ sasajja?

Ezequiel 12:27

“Israelitanacajj parlapjjaraquiwa juman unañchäwi uñjatanacamajj jaya urunacata phokhasirïtapa.

Mateo 18:32

Reyisti jawsayiwa ucatsti saraquiwa: ‘¡ñankha lurir jake! Nayajj perdonsmawa take manumatjja achict'asitam laycu.

Mateo 24:47

Khanacwa sapjjsma, uqhamän ucajja uca uywatarojj utanejj take cunatejj jupan utjqui ucanacjjaruw uchani, jupan imañapataqui.

Mateo 24:49

ucat mayni uywatanacarojj chhojjriñchjaraquini, ucatsti mank'araquini umaraquini machatanacampi,

Mateo 25:26

Patronasti juparojj siwa: ‘Ñankha jan wali sirviri, jayrätawa. Jumajj yatïyätawa jan satasaqui apthapirïtajja, uqhamarac jan phawasaqui apthapirïtajjsa.

Marcos 7:21

Jaken chuymapatsti jan wali amuyunacaw mistu: wachoka juch luraña, jake jiwayaña,

Lucas 12:45

Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,

Lucas 19:22

Ucat reyejj jupar saraqui: ‘Jan wali sirviri, quicpa arunacamampiw juchañssma. Jumatï yatchïyätajja nayan khoru jakëtajja, jan uchcta ucqhat apthapirïtajjsa, uqhamarac cawqharutï jan yapuchctsa ucqhat yapu apthapirïtajjsa.

Juan 13:2

Mank'asipquipansti Supayajj niyawa Simonan yokapa Judas Iscarioten chuymaparojj uchatayna Jesusar aljantañ amtäwjja.

Hechos 5:3

Pedrojj saraquïnwa: —Ananías, ¿cunats Supayajj chuymamar manti, Kollan Ajayuru c'arintañamataquejja uqhamarac orakem aljat kollket mä chicat imantañamataquisa?

Hechos 8:22

Uca ñankha amtäwimjja apanucum. Ucatsti Diosar mayisiraquim, inach jupajj perdonätam uca chuymaman jan wali lup'itamatjja.

Deuteronomio 15:9

Janirac jumanjja aca jan wali amtäwejj utjcpanti: ‘Niyaw jac'äjje pakallköri marajja, cawquïri marantejj manunacajj perdonasqui ucajj’ sasa, uqhamat jan wali ajanumpi pobren jicjjatasiri jila masimarojj uñcatañataqui, janiraqui cunsa mayt'cätati ucapachajj jupajj Diosaruwa juma contra mayisini, uca luratamasti jucharaquïniwa.

Deuteronomio 9:4

Cunapachatï Tatitu Diosamajj uca marcanacaru jumanac nayräjjata jakonucuni ucqhajj jan jumanac quipca sapjjamti: ‘Jiwasan asqui luräwinacas laycuw Diosajj aca marcanac churistu, Diosasti jupanacarojj jakonucuwa uca orakenacatjja juchan sarnakatanacap laycu’ sasa.