Mateo 24:39 - Qullan Arunaca

³⁹ janiraquiw amuyasipcänti cunürutejj uma taripäwejj purinisin takeniru apasjjäna ucürcama, uqhamaraquïniwa Jaken Yokapajj jutcani ucqhajja.

Aymar Bibliia 1986

³⁹ janiraquiw amuyasipcänti cunürutejj uma taripäwejj purinisin takeniru apasjjäna ucürcama, uqhamaraquïniwa Jaken Yokapajj jutcani ucqhajja.

Qullan Arunaka DC

³⁹ Ukapachaw jupanakan jan amuykayak uma juiciox purinïna, ukat taqiniw jiwarapxäna. Jaqin Yuqapax jutkani ukkhax ukhamarakïniwa.

Mateo 24:39 Jak'a apnaqawi uñst'ayäwi

Génesis 7:23

Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Proverbios 23:35

ucatsti sätawa: “Nuwapjjetuwa, ucatsti janiw usquituti; jawk'apjjetuwa, janiw amuyascti, ucampis iquit sartasinjja wastataw juc'amp vino thakeri sarä” sasa.

Proverbios 24:12

Jumajj sascamsa: “Janiw cunsa yatcäyätti” sasa, ucampis Tatitojj chuymamjja uñt'iwa, yatiraquiwa cunjämattejj khespiyascasamäna ucsa. Tatituwa sapa mayni jakenacarusa luratapatjama churi.

Proverbios 29:7

Asqui jakesti pobren sarnakäwinacapatjja llaquisiwa, ucampis ñankha lurir jaketaquejja janiw ucajj cunäquisa.

Isaías 42:25

Ucatpï jupanacataquejj colerasïnjja, mutuyaraquïnsa mä jach'a guerrampi naqhantayasa, uqhamas janiw jupanacajj yatekañ munapcänti.

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 24:3

Jupanacasti Olivos sat kolluruw mistjjapjjäna. Ucan Jesusajj kont'atäsquipanwa discipulonacapajj mä jisct'a jamasat jisct'apjjäna: —Nanacajj munapjjtwa yatiña cunapachatï take acanacajj pascani ucanaca. ¿Cawquïrïnis chimpojja jumajj cutt'ancät ucqhajja, uqhamarac acapach tucuscan uca urutsa? —sasa.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.

Mateo 24:37

“Cunjämatejj Noen urunacapanjja pascatayna uqhamaraquïniwa Jaken Yokapajj jutcani ucqhajja.

Mateo 24:40

Ucapachaw pani chachanacajj yapuncasipcani, maynisti aptatäniwa, maynïristi jaytanucutäniwa.

Lucas 19:44

Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Juan 3:20

Take qhitinacatejj jan wal lurapqui, ucanacajja khanarojj uñisipjjewa, janiraquiw khanarojj jac'achasipquiti, jan wali luratanacapajj jan khanstañapataqui.

Hechos 13:41

‘Yatipjjam, larusirinaca, muspharapjjam, ina ch'usar tucupjjaraquim. Naya Diosaw jumanacan urunacamanjja jach'a luräwinac lurta. Ucanacarusti janiw jumanacajj: ‘Chekaw’ sapcätati, ni qhiti jumanacar ucanac yatiyquïpansa.’ ”

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

2 Pedro 3:5

Jupanacajj janiw amuyt'asiñ munapquiti, alajjpachajj nayratpacha utjascatapapuni, uqhamarac aca orakes Dios quipcana umat apsutätapa, umïpanracwa jichhas utjasqui.

Jueces 20:34

Ucatsi tunca waranka guerrana suma nuwasiña yatir israelitanacaw Gabaa sat marcarojj nuwantapjjäna. Uca nuwasiñansti wali tucjasipjjäna. Ucampis Benjamín sat tribunquirinacasti janiw amuyasipcänti jupanacajj niya aynacht'atäpjjatanacapa.