Mateo 22:4 - Qullan Arunaca

⁴ Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Aymar Bibliia 1986

⁴ Yakha uywatanacaracwa wastata qhitaraqui jawsaniñapataqui: “Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan” sasa.

Qullan Arunaka DC

⁴ Yaqha uywatanakaparuw wasitat khithäna akham iwxt'asa: ‘Jawsayatanakar sapxam, manq'ax wakicht'atäxiwa. Suma vacanaka, lik'i uywanakas khariratäxiwa, taqi kunaw wakichatäxi; manq'äwir jutapxpan’ sasa.

Mateo 22:4 Jak'a apnaqawi uñst'ayäwi

Nehemías 9:17

Janiw jupanacajj ist'aña munapcänti, ni cuna jach'a luräwinactejj jupanac laycu lurcta ucsa amtañ munapcänti. Jupanacajj chuymanacapa kalarayasisajja mä jilïrwa ajllisipjjäna Egiptoru wastatampi esclavöñaru irpañapataqui. Ucampis jumajj juchanac pampachasiri Diosätawa, mä suma qhuyapayasiriraqui, c'achaquiraqui colerasiñataqui, uqhamarac wali munasiriraqui, ucatjja janiw jaytanucctati jupanacarojja.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Proverbios 15:17

Vaca aycha uñisiñampi mank'añat sipansa, juc'amp asquiwa munasiñampi ch'ojjñanaca mank'añajja.

Cantar de los cantares 5:1

Pankar yapojjarojj mantjjtwa, munat cullaquitajja, mirrjja apthapisjjtwa, uqhamarac suma k'apquir kollanacsa, misq'jja tapatpachwa mank'ta, vinsa, lechsa umt'aractwa. Munat amigonacajja: mank'apjjam, umapjjaraquim, ¡umapjjam kawktï munapctajja ucqhacama!

Mateo 21:36

Yapunisti mayampi qhitascaquïnwa nayrïri qhitcataynas ucatsa juc'ampi. Jupanacarusti yapun yapuchirinacajj takpachaniruraquiw uca quipcac lurapjjäna.

Mateo 22:5

Ucampis jawsayatanacajj janiw ist'asipcänti. Mayninacajj yapuparu, mayninacasti aljasiñanacaparuw sarjjapjjäna.

Mateo 22:8

Ucatsti uywatanacaparojj saraquiwa: ‘Take cunaw casarasïwitaquejj waquichata, ucampis uca jawsayata jakenacajj janiw asquïquiti ni waquiscaraquis jutapjjañapajja.

Lucas 14:17

Mank'añ horasarusti uywataparuw qhiti, jawsayatanacar aqham siri: ‘Jutapjjam, mank'añajj wact'ayatawa’ sasa.

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?