Mateo 21:41 - Qullan Arunaca

⁴¹ Ucjjarojj sapjjaraquïnwa: —Uca ñankha jakenacarusti jan qhuyapt'ayasisaw jiwarayani, ucatsti yakha yapuchiriruraquiw uca yapjja arrendjani, ucanacasti yapu apthapi horasajj nayrakatwa yapunirojj churani jupancquis ucjja —sasa.

Aymar Bibliia 1986

⁴¹ Ucjjarojj sapjjaraquïnwa: —Uca ñankha jakenacarusti jan qhuyapt'ayasisaw jiwarayani, ucatsti yakha yapuchiriruraquiw uca yapjja arrendjani, ucanacasti yapu apthapi horasajj nayrakatwa yapunirojj churani jupancquis ucjja —sasa.

Qullan Arunaka DC

⁴¹ Jupanakasti sapxänwa: —Jan khuyapt'ayasisaw uka ñanqha jaqinakarux jiwarayani, uva yapupsti, yaqha yapuchirinakaruw churxani, achunakat qawqhatix jupar wakt'ki uk katuyir yapuchirinakaru —sasa.

Mateo 21:41 Jak'a apnaqawi uñst'ayäwi

Salmos 2:9

Hierro thujrumpiw jupanacarojj apnakäta, ¡ñek'e phuqhunacarjamaw t'unjaraquïta!” sasa.

Isaías 65:15

Nayan ajllitanacajjasti sutinacamwa aytasipjjaraquini, mayninacaru ñankhachañataqui, uqhamaraqui jiwañap munañataquisa, ucampis sirvirinacajjarojj yakha sutinacampiw suticht'äjja.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Zacarías 12:12

Familia familiawa, sapa mayni yakhacama, llaquisïwi lurapjjanejja marcpachanjja: Davidat jutiri familianacasa, warminacapamppacha; Natán chachat jutir familianacat, warminacapamppacha;

Zacarías 13:8

Sapa quimsatjja paniniw jiwarapjjani, aca marcanquir jakenacatjja. Maynïriquiw kheparanejja.

Mateo 21:34

Cunapachatejj yapu apthapiñ horasajj purinjjän ucqhajja, uca yapuruw qhiti mä kawkha jupan uywatanacaparu, cunatejj jupar wact'cäna apsusiñapajj cosechatjja uca aptaniri.

Mateo 21:40

“Ucapachaw Jesusajj jupanacarojj jisct'äna: —Cunapachatejj yapunejj jutcani ucqhajja, ¿cuns lurani uca yapuchirinacampejja? —sasa.

Mateo 21:43

“Ucatpï sapjjsmajja, jumanacatjja Diosan reinopajj apakatäniwa, churasiraquiniw qhitinacatejj horasapar achunac churquis ucanacaru.

Mateo 3:12

Niyaw jupan amparapanqui trigompi, jipimpi jaljañ wayrachirejja. Jaljasinsti trigorojja imaraquiniwa, jipsti jan jiwquir ninaruw phichantaraquini” sasa.

Lucas 20:16

Jutaniwa ucatsti jiwarayaniwa uca yapuchirinacarojja, yapsti yakhanacaruraquiw churjjani sasa.” Ac ist'apcän ucapachasti, sapjjänwa: —¡Diosas ucjja jan munpati! —sasa.

Hechos 15:7

Ucjjat wal parlaquipasinsti, Pedrojj sayt'asisinwa jupanacarojj säna: —Jilatanaca, jumanacajj yatipjjtawa cunapachatï Diosajj jumanac taypit nayar ajllquitu ucat acarojj jayäjjewa. Jupasti ajllisituw jan judiöpquis ucanacar nayan parlañajjataqui Tatit toke khespiyäwejj utjatapata, uqhamata jupanacan iyawsapjjañapataqui.

Hechos 18:6

Ucampis judionacan jan arupar jaysapjjatapata, uqhamarac cunayman arusipjjatap laycojja, Pablojj isinacap thalarasisaw jupanacarojj säna: —Jumanacaw juchanïsipcäta, wiñay jiwañar mantascañataquejja. Nayajj jichhat ucsarojj jan judiöpquis uca jakenacan ucaruw sarjjäjja —sasa.

Hechos 28:28

Jichhasti jumanacajj yatipjjam, jichhat ucsarojj Diosan khespiyasiñapajj jan judiöpquis ucanacaru yatiyatäniwa. Jupanacaraquiw ist'apjjani —sasa.

Hechos 28:8

Ucansti Publion tatapajj usutaw iquiñancascäna. Jupasti wali calenturampi, uqhamarac wila cursiyampi usutänwa. Pablosti ucar uñjt'iriw saräna. Tatitut mayisinsti amparapampi lokjjatasinwa usurirojj c'umaraptayäna.

1 Tesalonicenses 2:16

Cunapachatejj nanacajj jan judiöpquis ucanacar Diosan arunacap parlañ munapjjtjja jupanacan khespiyasipjjañapataqui ucqhajja, janiw parlayapquituti. Uqhamatwa juc'amp juchanacapjj yapjjatasi. Ucampis jichhajj Diosan ajjsarcañ mutuyäwipawa jupanacjjar juti.

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Hebreos 2:3

¿Cunjämrac jaltañänisti, jiwasatejj uca jach'a khespiyasiñjj jan yäkcañäni ucasti? Pachpa Tatituw nayrakatajj yatiyäna aca khespiyasiñatjja, ucjjarusti qhitinacatejj ist'apcäna ucanacaraquiw uca arjj sum yatjjatapjjaraquïna, ucatsti jiwasaruw churanistu.