Mateo 21:26 - Qullan Arunaca

²⁶ “Jakenacaquiw” sapjjsna ucajja, jakenacaruw ajjsartan, jakenacasti: “Juanajj Diosat parli” sapjjewa.

Aymar Bibliia 1986

²⁶ “Jakenacaquiw” sapjjsna ucajja, jakenacaruw ajjsartan, jakenacasti: “Juanajj Diosat parli” sapjjewa.

Qullan Arunaka DC

²⁶ Jaqinakar axsaratasatsti, janiw jaqinakan khithanitaw sisksnati, Juanax Diosan profetapätap taqinixay yatipxchixa” sasa.

Mateo 21:26 Jak'a apnaqawi uñst'ayäwi

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Mateo 11:9

¿Cun uñjiripunis sarapjjtajja? ¿Mä profetaruti? Jïsa, mä profetatsa juc'ampiw jupajja.

Mateo 14:5

Herodesasti Juanarojj jiwayañ munäna, ucampis jupajj marcanquir jakenacaruw ajjsaräna, jupanacasti takeniw Juanarojj mä profetarjama iyawsapjjäna.

Mateo 21:11

Jakenacasti sapjjänwa: —Galileancquis uca Nazaretanquir Jesús profetawa —sasa.

Mateo 21:25

¿Qhitis Bautisiri Juanarojj bautisañapataqui qhitani? ¿Diosati jan ucajj jakenacacha? —sasa. Jupanaccamaquiw uqham ist'asinjja ch'ajjwañ kalltapjjäna: “Diosaw qhitani” sisna ucajja: ‘¿Cunats juparojj jan iyawsapjjta?’ sistaniwa.

Mateo 21:27

Ucatwa Jesusarojj sapjjäna: —Janiw nanacajj yatipcti —sasa. Jesusasti jupanacarojj saraquïnwa: —Nayas janiraquiw jumanacarojj sapcämati cuna munañampitï lurcta ucjja —sasa.

Mateo 21:46

Jupanacasti Jesusarojj ucatjja catuntañ munapjjäna ucampis jakenacaruw ajjsarapjjäna, jakenacasti amuyapjjänwa Jesusajj mä profetätapa.

Marcos 11:32

jan ucajj: ‘Jakenacan qhitanitaquiwa’ sañänicha —sasa. Jupanacajj jakeruw ajjsarapjjäna, takeniraquiw yatipjjäna Juanan chekpach Diosat parlatapa.

Marcos 12:12

Uc ist'asinsti jilïrinacajj Jesusarojj catuntañ munapjjäna, uca uñtasïwi jupanac contra arsutap yatisina, ucampis jakenacaruw ajjsarapjjäna. Ucatsti Jesusar jaytawayasina sarjjapjjänwa.

Marcos 6:20

Herodesasti yatïnwa Juanan asqui jakëtapjja, ucat juparojj ajjsaräna. Uca laycupï Herodesajj Herodías warmin jan cuna lurañapsa muncäntejja. Cuntï Juanajj parlcän ucanacjja Herodesajj janiw sum amuycänti, ucampis take chuymampi wist'irïna.

Lucas 20:19

Sacerdotenacan jilïrinacapampi, ley yatichirinacampejja ucspachaw Jesusarojj catuntañ munapjjäna. Jupanacasti amuyasipjjänwa uca uñtasïwejj jupanacataquïtapa, ucampis jakeruw ajjsarapjjäna.

Lucas 20:6

‘Jakenacaw’ sañänitejja, take jakeraquiw kalamp c'upjas jiwayistani, jakenacasti sum yatipjje Juanajj Diosat parlatapjja —sasa.

Lucas 22:2

Sacerdotenacan jilïrinacapampi, ley yatichirinacampejj cunaymanit Jesusar jiwayañ thakjjapjjäna, ucampis jakeruw ajjsarapjjäna.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

Juan 9:22

Acjj awquinacapajj sapjjänwa judionacar ajjsarasina, jupanacan qhititejj “Jesusajj Cristowa” sisqui ucaru sinagogat jaksuña amtapjjatap laycu.

Hechos 5:26

Uc ist'asinsti, guardian jilïripajja soldadonacampiw sarapjje apostolonac irptaniñataqui. Jan cun camacht'asaw sumatac irpanipjjäna, marcanquir jakenacamp jan kalampi c'upjayasiñataqui.