Mateo 21:19 - Qullan Arunaca

¹⁹ Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Aymar Bibliia 1986

¹⁹ Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Qullan Arunaka DC

¹⁹ Thakhi jak'an mä higo quqa uñjäna, ukar jak'achasisinsti, janiw mä achsa jikxatkänti, jan ukasti laphinakak uñjäna. Ukat Jesusax uka higo quqarux säna: —¡Janipun mayampis achu churamti! —sasa. Ukspachaw higo quqax wañsuwayxäna.

Mateo 21:19 Jak'a apnaqawi uñst'ayäwi

Isaías 5:2

Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Jeremías 8:13

Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Mateo 21:20

Uqham uñjasinjja discipulonacapajj muspharapjjänwa, Jesusarusti jisct'apjjaraquïnwa: —¿Cunjämarac aca kokasti mäqhi wañsuwayjje? —sasa.

Marcos 11:14

Jesusasti uca higo kokarojj sänwa: —Jichhat ucsarojj janipun qhitis achumatjj mank'pati —sasa. Discipulonacapasti uc arsurjja ist'apjjänwa.

Marcos 11:20

Khepärmanthi cuttanjjasinsti, higo kokarojj saphitpach wañsutwa uñjapjjäna.

Lucas 3:9

Jichhasti hachajja niyaraquiw kokanaca phat'suñataqui uscuta, take jan suma achur kokajja phat'sutawa ucatsti ninar phichantatawa —sasa.

Juan 15:2

Cawquïri layminacajjatejj jan achqui ucanacarojj jupajj qhuchhuraraquiwa, ucampis cawquïri layminacatejj achqui ucanacarojj k'omacharaquiwa juc'ampi achuñapataqui.

Juan 15:6

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

2 Timoteo 3:5

Suma Dios chuymäcaspas uqhamaw tucupjjani, ucampis chekpach Diosar arcañan ch'amapjja apanucupjjaniwa. Uca casta jakenacampejj jan cunans mayachasimti.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Judas 1:12

Acanacasti mä p'enkawa cunatejj jumanacajj munasiñanacamatjja suma fiestanac lurapjjta ucanjja, jupanacasti ucanjja jan ajjsart'asaw mank'apjje, uqhamarac umapjje, jupanacpacha awatirinacjamäpjjewa. Jan uman kenayjam thayan apatäpjjewa, uqhamarac horasaparus jan achun kokanacjamäpjjewa, pä cuti jiwata, uqhamarac saphitpacha jiq'inucutäpjjaraquiwa.

Apocalipsis 22:11

Uccañcamasti jan wali jakejja jan walinac lurascacpan, k'añusa k'añunac lurascacpan, ucampis Dios chuyma jakejj asquinac lurascacpan, take chuyma arcascacpan” sasa.