Mateo 20:25 - Qullan Arunaca

²⁵ Jesusasti jupanacar jawsasinjja sänwa: —Jumanacajj yatipjjtawa, take marcanacan jach'a marca apnakerinacajj munañampiw jupanacarojj apnake, uqhamarac jach'a jilïr jakenacasti jupanacjjaruw take ch'amampi apnakapjje.

Aymar Bibliia 1986

²⁵ Jesusasti jupanacar jawsasinjja sänwa: —Jumanacajj yatipjjtawa, take marcanacan jach'a marca apnakerinacajj munañampiw jupanacarojj apnake, uqhamarac jach'a jilïr jakenacasti jupanacjjaruw take ch'amampi apnakapjje.

Qullan Arunaka DC

²⁵ Jesusasti jupanakar jawsasin sänwa: —Jumanakax yatipxtawa, juchararanak taypinxa, marka apnaqirinakax wali qhuru chuymampiw jaqinakapar apnaqi, jach'a jilïrinakasti jupanakxarux munañanïtap uñacht'ayaraki.

Mateo 20:25 Jak'a apnaqawi uñst'ayäwi

Daniel (hebreo) 3:15

¿Jichhajj jumanacajj quillt'asipjjätati musican toct'asitapa ist'asinjja cuntejj nayajj luraycta uca nayrakatarojja? Jumanacatejj uca diosar jan quillt'asipcäta ucapachasti jichpachaw mä naqhasquiri hornoru jakontata uñjasipjjäta, uqhamasti ¿cawquïri diosas take ucanacatjja khespiyaspa? —sasa.

Daniel (hebreo) 5:19

Take ch'amanïña Diosajj juparu churäna ucatsti take acapachanquiri marcanacajja, cunayman casta parlani jakenacasa, awquimarojj ajjsarapjjänwa, jupa nayrakatansti wali qhathatipjjaraquïnjja. Jupasti qhitirutejj jiwayañ muncän ucarusti jiwayaquiraquïnwa, qhiterutejj jacayaña muncän ucarus jacayaquïnwa, mayninacarojj jach'aruw aptaraquïna, yakhepanacarusti jisc'achjaraquïnwa.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Mateo 20:24

Uqham parlir ist'asinjja tunca discipulonacajj colerasipjjänwa uca paninitaquejja.

Marcos 10:42

Ucampis Jesusajj jupanacar jawsasinjja sänwa: —Jumanacajj yatipjjtawa, marca apnaker jilïrinacajj jupanacanccaspas uqham marcanacarojj tucuyapjjäna. Ucanac taypinquir jilïrinacasti munañaparuw jakenacarojj apnakapjjäna.

1 Pedro 5:3

jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.