Mateo 20:22 - Qullan Arunaca

²² Jesusasti ucjjarojj saraquïnwa: —Jumanacajj janiw yatipctati cuntejj mayipctas ucjja. ¿Cawquïr c'allc'u umtejj umt'cä ucjja umt'apjjasmati ucs catokapjjaraquismati? Jupanacasti sapjjänwa: —Lurapjjeristwa —sasa.

Aymar Bibliia 1986

²² Jesusasti ucjjarojj saraquïnwa: —Jumanacajj janiw yatipctati cuntejj mayipctas ucjja. ¿Cawquïr c'allc'u umtejj umt'cä ucjja umt'apjjasmati ucs catokapjjaraquismati? Jupanacasti sapjjänwa: —Lurapjjeristwa —sasa.

Qullan Arunaka DC

²² Jesusasti ukxarux sarakïnwa: —Jumanakax janiw yatipktati kuntix mayipkta ukxa. ¿Kawkïr k'allk'u umtix umt'kä uk umt'apxasmati? Jupanakasti sapxänwa: —Umt'apxiristwa —sasa.

Mateo 20:22 Jak'a apnaqawi uñst'ayäwi

Salmos 75:3

Aca orakejj jakenacapamppachas qhathatiscpan, nayaw saphitpach thuruñchiripätjja” sasa.

Proverbios 16:18

Jach'a jach'a tucuñanjja aynacht'añawa utji; pek'e waytat sarnakañansti tincuñaw utji.

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 51:22

Tatitu Diosamajja, qhititejj marcaparu arjjatqui ucajj siwa: “Uca copa amparamat asakäma, cunampitejj jumajj machjascta uca; janiw jichhajj juc'ampi nayan colerasiñ copatjja umcjjätati.

Jeremías 49:12

Tatitusti siwa: “Qhitinacatejj jan mutuyäwi catokapjjchïn ucanacatejj mutuñapa mallt'apjjchi ucqhasti, janiw jumajj jan mutuyäwi catokasa kheparcaraquïtati, jan ucasti mutuyäwimjja catokapunïtawa.

Mateo 26:35

Pedrosti sänwa: —Jumampi chica jiwañajjas waquischinejja, janiw jan uñt'irejj tuccäti —sasa. —Mayni discipulonacas uca quipcracwa sapjjäna.

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Mateo 26:42

Wasitat sararaquiquïnwa, ucatsti aqham sasaraquiw mayisïna “Awquejjay, janitejj waquiscchi aca t'akhesiñata jaltañajjajja, ucampis jan nayan munañajjäpati jan ucasti juman munañamäpan.”

Mateo 26:56

Ucampis take acanacajj lurasisquiwa profetanacan arsutanacapajj phokhasiñapataqui —sasa. Ucapachaw Jesusan discipulonacapajj jaytarpayasin jaltjjapjjäna.

Marcos 14:36

Ucatsti oracionapanjja sascaquïnwa: “Awquejjay, jumajj take cun lurañataquiw ch'amanïtajja. Aca c'allc'u um umt'añajjsa apakt'asitaya. Ucampis jan nayan munañajjäpati, ucatsipan juman munañamarjam luraspan” sasa.

Lucas 12:50

Mä bautismo toke yant'atäñajjaw waquisini, ucatsti ¡cunjämsa t'akhesëjja phokhasiñapcamajja!

Lucas 22:42

Saraquïnwa: “Awquejja, munsta ucajja, aca t'akhesiñatjja khespiyita; ucampis jan munañajja luratäpati, jan ucasti juman munañamac luraspan” sasa.

Juan 18:11

Jesusasti uc uñjasinjja Pedrorojj sänwa: —Espadjja imañaparu uscum. Awquejjajj cuntï t'akhesiñ churquitu ucjja ¿janit t'akhesiñajjäquejja? —sasa.

Romanos 8:26

Uqhamaraquiw Kollan Ajayojj t'uqha cancañasan yanapistu, janiw yatctanti cunjämatejj oración lurañajj waquisqui ucjja, ucampis Kollan Ajayuw Diosarojj achict'asqui jiwasatjja jan amuyt'caya aykoñanacampi.

Santiago 4:3

Mayipcta ucas janiw catokapctati jan wali mayipjjatam laycu. Jumanacan munañanacaman tucjañataquiquiw mayipjjtajja.